Fukushimako ur kutsatua Ozeano Barean isuri nahi du Japoniako Gobernuak 2022tik aurrera
Ura metatzen ari da erreaktoreetan 2011ko hondamendiaz geroztik, eta lekurik gabe geratzen ari direla esan du Japoniako Ingurumen ministroak.
Mila milioi litro baino gehiago metatu dira jada Fukushimako zentral nuklearreko erreaktoreetan. Ur-metaketa gora doa etengabe, eta lekurik gabe geratuko direla adierazi du Yoshiaki Harada Japoniako Ingurumen ministroak. Egoera hala, ura ozeano barera botatzera behartuta daudela uste du ministroak.
2011ko lurrikararen eta osteko tsunamiaren ondoren, milaka tona ur baliatu zituzten erregai nuklearra hozteko. Erabilitako urari ur gehiago joan zaio gehitzen, kutsatutako uraren bolumena handituz. Tokyo Electric Power (Tepco) enpresa da Fukushimako zentral nuklearraz arduratzen dena, eta ur-metaketa ezin izan dutela ekidin adierazi dute.
Aldi berean, uraren erradioaktibitatea jaisten saiatu dira, baina ezin izan dute guztiz lortu, tritioa (hidrogenoaren isotopo erradiaktibo bat) kentzeko teknologiarik ez baita garatu oraindik. “Uretara botatzea eta disolbatzea izango da aukera bakarra” adierazi du Harada Ingurumen ministroak.
Kutsatutako ura kudeatzeko beste bi aukera nagusi daude: ura lurruntzea edo lur azpian gordetzea. 2022ra arte denbora dutela adierazi du Haradak; beraz, ordura arte erabaki zurrunik hartuko ez dutela esan du.
Ura itsasora botaz gero, oraindik ez dakite zehazki zenbat litro botako dituzten. Uste dute hamazazpi urte beharko dituztela kutsatutako ur guztia botatzeko, ahalik eta kalte gutxien eraginez. Kutsatutako ura ur normalarekin diluituko dute, eta ondoren pixkanaka itsasora botatzen joango dira. Nahiz eta aditu eta politikariek eragin handirik izango ez duela baieztatu, bertako arrantzale txikiak kexu dira ur-isurketa dela eta.
Arrantzaleez gain, Hego Korea ere kexu da, haien ustetan eragina izan baitezake itsaski industrian. Abuztuan Hego Koreako gobernuko ordezkariak eta Japoniako enbaxadako kideak elkartu ziren isurketaren xehetasunak argitzeko.
Erradiazio eta segurtasun nuklearreko adituek adierazi dutenez, Fukushima Daiichiko instalazio nuklearretik isurtzen ari diren ur erradioaktiboa ez da mehatxu esanguratsua, ez itsasoko bizidunentzat, ezta pertsonentzat ere. Hala adierazi dute Science aldizkarian argitaratutako... [+]
Halabeharrez hasi dira agorrilaren 24an Fukushimako zentraleko urak itsasora jaurtikitzen; ur kontaminatuak metatzeko zisternen %97 beteak dituztelako eta etenik gabe gehitzen zaielako ura –egunero 140 tona–. Ur "deskutsatuak" izanik ere, herritarrek... [+]
Japoniako Gobernuaren erabakiak protestak eragin ditu herrialdean, eta besteak beste, Txinak kritikatu egin du erabakia. 2011 urteko istripu nuklearraren ondorioak oraindik pairatzen dira.
Energia Atomikoaren Nazioarteko Agentziaren txosten batek oniritzia eman dio Japoniari, 2011ko hondamenditik Fukushimako zentral nuklearra hozteko erabilitako ur kutsatua itsasoan zabal dezan. Duela bi urte iragarri zuen 1,25 milioi tona ur baino gehiago itsasora botatzeko plana... [+]
Apirilaren 13an Japoniako Gobernuak erabaki du Itsaso Barera isuriko duela 2011n Fukushiman istripua izan zuen zentral nuklearrean pilatutako ur erradiaktiboa. Bi urte iraungo du operazio honek. Egun kutsatuak diren eta itsasora isuriko diren 1,25 milioi tona ur hauek... [+]
Duela hamar urte gertatu zen ezbeharra, Japoniako Fukushimako Daiichi zentral nuklearrean istripua, 2011ko martxoaren 11ko tsunamiak eragindakoa. 1986ko Txernobylgo istripua eta gero, larritasun hein berekoa errepikatu zen 25 urte berantago. Hamarkada pasa da, eta dirudienez... [+]
Martxoaren 11 honetan betetzen dira 10 urte justu Fukushimako Daiichi zentral atomikoaren lau erreaktoreak matxuratu zirenetik, lehenik lurrikarak eta ondoren maremotoak astinduta. Istripu hartatik eta geroztik –eta urte luzeetarako– laga dituen ondorioetatik... [+]
Japoniako Gobernuak Fukushima Daiichi zentral nuklearretik milioi bat tona ur kutsatu askatzea erabaki duela jakitera eman dute. 2011n istripua gertatu zenetik kutsatutako ura biltegietan jasotzen aritu dira eta arazo larri bilakatu da.
Ingurumenaren Sormen Gunea deitzen da eta bertan Fukushima probintziako haurrek ikasten dute nola bizi den gizakia irradiazioen artean betidanik. Antzeko erakusketa gehiago badira, eskualdeko bezala Japoniako gobernuek antolatuak. Diote agintariek fukushimatarrek desdramatizatu... [+]
Martxoaren 11n betetzen dira zortzi urte Japoniako Fukushiman gertatu zenetik historiako istripu nuklearrik larrienetakoa. Iaz, 2018an, eskaini bazituen lau erreaktoreetatik matxuratuena omen dagoen bigarrenaren lehen irudiak, aurten robota bertan sartzea lortuta berriak eskaini... [+]
2011ko martxoaren 11n lehertu zen Fukushimako zentral nuklearra. Telebistan emandako irudiek leherketa unea eta ondorengo laino zuria betikotu zituzten. Hurrengo egunetako eta hilabeteetako albisteetan garrantzi berezia izan zuen Fukushimak, baina egun gure munduak daraman... [+]