Bi programatzaile gaztek Jalgi Voz ahots-musika jaialdi berria sortu dute Araban. Apiriletik ekainera bitartean, musika lirikoa eta klasikoa hurbilduko ditu lurraldera, askotariko proposamen berritzaile eta heterogeneoen bidez.
"Musika lirikoa eta klasikoa gure inguruan oraindik ere programazio egoki eta zabal baten bidez esploratzeko eta gozatzeko abagunea dagoela" sinetsita eta "musika bilakatu den hitzaren aukera amaigabeak esploratzeko", Ane Ruiz de Gordoa (Gasteiz, 1990) eta Maite Arciniega (Gasteiz, 1993) programatzaile gazteek proposamen berria diseinatu dute: Jalgi Voz Festival jaialdia. 2021eko apirilean, maiatzean eta ekainean garatuko da; batez ere Gasteizen, baina Arabako herrietara ere iritsiko da.
Jaialdiaren sustatzaileen arabera, "Jalgi! Voz ez da jada ezaguna den formatu klasikoa duten kontzertuen segida soila, baizik eta proposamen artistiko original eta berritzaileen aldeko apustua". Izan ere, musika klasikoari eta, bereziki, musika lirikoari lotutako "kultur praktiken formatuak, espazioak, erritoak eta konbentzioak urratzea eta zalantzan jartzea" dute helburu, "genero eta estiloen arteko mugak desitxuratzeko eta musika mota hauek sorkuntza berrietara zabaltzeko".
Helburu horrekin, besteak beste, formatu txikiko opera bat proposatuko du jaialdiak, giro intimista eta hurbilean. Horrekin batera, adibidez, piano klasikoko errezitaldi bat izango da rock areto batean, eta baita kantu lirikoko kontzertu bat ere, estilo horretako jam (classic) session saio batez jarraitua.
Hori guztia zortzi proposamenetan gauzatuko da. Jaialdia apirilaren 13an hasiko da Vital Fundazioa Kulturunea aretoan egingo den aurkezpen ekitaldiarekin. Bertan, jaialdiko zuzendari artistikoak izango dira, parte hartuko duten hainbat artistarekin batera; zuzeneko musika ere izango da ekitaldian.
Sarreren prezioa 5 eta 15 euro bitartekoa izango da, baina doako hainbat kontzertu ere izango dira. Martxoaren 31tik aurrera eskuratu ahal izango dira Jalgi Voz jaialdiaren webgunean.
Jaialdiaren lehen ediziorako finantzaketa posible egiteko babesle ofizialak bilatzen dituzten bitartean, mikromezenasgo kanpaina bat jarri dute martxan. Webgunearen bidez egin daiteke ekarpena, eta askotariko diru kopuruekin lagundu ahal izango da. Ekarpen bakoitzaren arabera, sari ezberdinak eskainiko dituzte: Iñigo Fernandez de Pinedok diseinatutako jaialdiaren kartelaren ilustrazioa duen oihal-poltsa bat, jaialdiko kontzertuetarako sarrerak eta baita erabateko abonamenduak ere.
Poltsiko opera
Ekoizpen operistiko originala eta modernoa, dramaturgia eguneratua duena eta formatu txikikoa, espazio ertain eta txikietan antzezteko aukera ematen duena, bere esentzia galdu gabe.
Ikuskizuna: Orfeo ed Euridice - American Version, 2021
Kokapena: Ortzai Antzokia.
Artistak: Iker Ortiz de Zarate (dramaturgia eta zuzendaritza eszenikoa), Mireia Tarrago (sopranoa), Miguel Gomez (kontratenorea), Ainhoa Lopez de Munain (sopranoa), Amaia Rodriguez (piano-jolea).
Datak: Apirilak 15, osteguna; apirilak 17, larunbata; apirilak 18, igandea.
Begirada berriak
Errepertorio klasiko eta tradizionalaren esperimentazioaren eta berrirakurketaren aldeko apustua egiten duten artisten proposamenei eskainitako kontzertua, gaur egun eskuragarri dauden musika-sorkuntzako teknologiak erabiliz eta musika estiloen mugetan kokatuz.
Ikuskizuna: A Boy & a Girl
Kokapena: Kultura Bizia Gunea - Iradier Arena.
Artistak: apirilak 23, ostirala.
Ahotsak Enarmonian
Errenazimenduko eta barrokoko garaietako ahots-polifoniaren dibulgazioari eskainitako hitzaldi-kontzertua, errepertorio honen aukera espresibo amaiagabeak esploratzen dituena.
Ikuskizuna: Teatro di Alchimia
Kokapena: Santa Maria Katedrala (Gasteiz) / Bachicaboko Eliza (Gaubea).
Artistak: Eres-Alkimia (ahots-ensemblea), Jose Miguel Baena (itzulpena eta antzerkilaritza), Fernando Tamayo (hizlaria).
Datak: maiatzak 8, larunbata eta maiatzak 9, igandea.
Jalgi! Classic Lounge
Errepertorio klasikoa beste musika-estilo batzuk programatu ohi dituzten kontzertu-aretoetara eta ikusleengana hurbiltzen duen proposamen urratzailea.
Ikuskizuna: Lirismo estalia
Kokapena: Jimmy Jazz Aretoa.
Artistak: Marc Serra (piano-jolea).
Datak: maiatzak 14, ostirala.
Euskal Abesti Lirikoa
Euskarazko testu eta poemetan oinarritutako errepertorioa ikertzen duen ahozko errezitaldia, bere bizikoa baita hizkuntza gutxituetan egindako artelanak aldarrikatzea eta plazaratzea.
Ikuskizuna: Euskal Hitzetatik Soinu Unibertsaleruntz
Kokapena: Oihaneder Euskararen Etxea.
Artistak: Miren Urbieta-Vega (sopranoa) eta Amaia Zipitria (piano-jolea).
Datak: zehaztu gabe.
Hitz egiten den musika
Hitzen musikaltasuna eta musikaren literaltasuna aztertzen duen ikuskizun poetiko-musikala, hitz mintzatuaren eta hitz kantatuaren sonoritatea uztartzen dituena.
Ikuskizuna: El Nus la Flor
Kokapena: Baratza Aretoa (Vitoria-Gasteiz) / Andra Mari Aretoa (Araia).
Artistak: Enric Casasses (poesia eta errezitazoa), Daniel Ariño (piano-jolea eta konposagilea), Maria Mauri (abeslaria).
Datak: maiatzak 27, ostirala, maiatzak 28, larunbata.
Beste erdia estalgabetuz
Esklusiboki emakumeek idatzitako edo emakumeen obra poetikoan inspiratutako musika lirikoa zabaltzeko eta aitortzeko kontzertua.
Ikuskizuna: Inéditas
Kokapena: Vital Fundazioa Kulturunea.
Artistak: Eugenia Boix (sopranoa), Susana Garcia de Salazar (piano-jolea), Carmen San Esteban (antzezlea).
Datak: ekainak 4, ostirala.
Lied dastaketa + Song Jam
Lied kontzertu laburra saio ireki batez jarraitua, jazz generoen berezko jam sessions ezagunen moduan, baina oraingoan musika lirikoaren esparrura eramanda.
Ikuskizuna: Lirika denontzako
Kokapena: Dazz Jazz Club (Gasteiz).
Artistak: Juan Laboreria (baritonoa) eta Leyre Saenz de Urturi (piano-jolea).
Datak: zehaztu gabe.
Donostiako Musika Hamabostaldia
Euskadiko Orkestra: Zuzendaria: J. Rohrer.
Donostiako Orfeoia: Zuzendaria: J.A. Sáinz Alfaro.
Bakarlariak: C. Reiss, V. Karkacheva, M. Schmitt, H. Müller-Brachmann.
Egitaraua: Beethovenen Missa Solemnis re maiorrean, op. 123.
Egia esan, pena ematen dit kritika honi izenburu hau ipintzea. Bizeten Carmen oso opera ederra da, sentimendu unibertsalak jorratzen dituena, hala nola pasioa, jeloskortasuna, maitatuaren posesioa, independentzia... Eta hori guztia musika-lan bikaina oinarri hartuta. Baina... [+]
Albenizen Iberia Suite monumentalaren bertsio berri bat egitea meritu handiko lana da, merkatuan dauden grabazio bikainak kontuan hartuta. Hori dela eta, Luis Fernando Pérezek Musika Hamabostaldiko errezitaldian egindako lanak sekulako miresmena sortu zidan.
Orkestra handien eta obra handien kontzertuen ondoren, ezin diegu arreta jarri gabe utzi musika-patxada handiagoko, sosegu handiagoko baina edertasun berdineko proposamenei.
Luxenburgoko Orkestra Filarmonikoaren lehen kontzertuak erromantizismo berantiarraren kutsua izan bazuen ere, bigarren topaketan taldeak bi obra zirraragarri interpretatu zituen, istorioak kontatzen zizkigutenak. Obra exigenteak ziren, batez ere adierazkortasunaren aldetik, eta... [+]
Musika Hamabostaldiak 85. edizioari hasiera eman dio, orkestra handi batekin eta inaugurazio baten mailako programarekin.
Viena, 1824ko maiatzaren 7a. Ludwig Van Beethovenen (1770-1827) 9. Sinfonia estreinatu zen. Konpositore alemaniarrak bukatu zuen azken sinfonia izan zen, baina, asmoari erreparatuta, lehena izan zela ere esan liteke. Beethovenek 1799 eta 1800 urteetan idatzi zuen 1. sinfonia;... [+]
Durangoko Hitz liburu-dendan otu zitzaidan Saturraran operak merezi zuela kritika. Jose Julian Bakedanoren arrapostua batetik, liburu-dendako Gaizka Olabarriren berben ilusioa, horrenbeste urtean Hitz liburu-dendako ardura eraman izan duen Nekane Bereziartuak opera hori ikusteko... [+]
Amaitu da Euskadiko Orkestraren kontzertu-denboraldia, Iruñeko Baluarten egindako aparteko kontzertu batekin. Kontzertu ederra, entzuleen txalo zaparrada nahi duten horietakoa, pizgarri dezenterekin.
Pizgarri horietako lehena bakarlaria zen, Federico Colli italiarra,... [+]
OLBEren 2023/2024 denboraldia amaitu da, publikoak beti espero duen tituluarekin. Mila aldiz entzun arren beti sentimendu biziak pizten dituen opera da Pucciniren maisulanetako bat. Gainera, oraingo honetan, primerako bakarlariez gozatu ahal izan dugu; antzezpena benetako plazer... [+]
Azken denboraldietan ohikoa izan den moduan, OLBEk errezitaldi polita prestatu du denboraldiko azken titulurako, preludio gisa balio izan duena.
Opera eta zarzuela nahastea ideia bikaina izan da. Izan ere, askok uste dugu ez litzatekeela ideia txarra izango noizbait genero... [+]