Jaizkibelek elkarrizketa mahai bat bideratzeko eskatu dio Hondarribiko alkateari
Konpainia parekideak 2023ko jaien eta irailaren 8ko alardearen balorazioa egin du, eta aurtengoa "urte pozgarria" izan dela azpimarratu. Nabarmendu du udalak egindako keinuek lagundu dutela elkarbizitza espazioak sortzen, baina alarde baztertzaileari ere harrera egitea "ez dela neutrala".
"Urte pozgarria" izan da aurtengoa Jaizkibel konpainiarentzat; hala adierazi du 2023ko jaien eta irailaren 8aren inguruan egindako balorazioan. 1.000 lagun inguruk desfilatu dute aurten Jaizkibelekin, eta haien aldeko keinuz eta txaloz beteta egon da ibilbidea.
Aurten Hondarribiko alkateak lehen aldiz egin dio harrera Jaizkibel konpainiari. Abotsanitz alderdiak irabazi zituen hauteskundeak maiatzean, eta aldaketa nabaritu da alardearen auzian. Igor Enparan alkateak eta zenbait ordezkari politikok elizaren atarian agurtu dute Jaizkibel lehen aldiz, alarde baztertzaileari egiten dioten leku berean.
Aldaketa gehiago ere izan dira, konpainia lehen aldiz atera baita Gernikako Arbolatik. Beste konpainietako kideek harrera egin eta babesa erakutsi izana baloratu dute parte-hartzaileek. "Batzuek ekidin nahi dute elkarri babesa adierazteko eta elkarrekin ospatzeko espazioak sortzea, baina argi dago hondarribiar askoren nahia dela jaiak elkarrekin ospatzea".
Jaizkibelek nabarmendu du zailagoa izango litzatekeela elkarbizitza espazio horiek sortzea, Udalak egindako keinuengatik ez balitz. Hala ere, alkateak alarde baztertzaileari ere egin dio harrera, eta bien aldeko keinuak egitea "ez da neutrala", konpainiako kideen ustez. "Ez da gauza bera eskubide bat defendatzea eta eskubide hori bera urratzeko 'sentsibilitatea' edukitzea".
Udalari eta instituzioei eskatu diote hurrengo hilabeteetan "konponbidearen aldeko estrategia argi eta zintzoa" adieraztea. Zehazki, Enparani eskatu diote elkarrizketa mahai bat bideratzea abendua baino lehen, "betorik onartu gabe".
Hondarribiko EAJk harrerarik ez, beste behin
Hondarribiko EAJren jarrera gaitzetsi dute, eta "benetan larritzat" jo dute irailaren 8aren bezperatan kaleratutako idatzia. Bertan adierazi zuen Jaizkibelek ez duela Hondarribiko Udala aintzat hartzen eta zinegotzien presentzia edo absentzia "irizpide politikoen arabera epaitzen" duela. Aurten ere herriko EAJk ez dio harrerarik egin konpainiari, eta adierazi du Jaizkibelek "udalbatza legitimatu eta manifestazioaren bidea uzten duenean" egingo diola harrera.
Hondarribiko EAJ ez, baina Eider Mendoza Gipuzkoako ahaldun nagusia harreran izan zen. Jaizkibelek adierazi du ez duela "koherentziarik ikusten" Gipuzkoako eta Hondarribiko EAJren jarreren eta hitzen artean.
Alardean desfilatuta ere honek «herriaren benetazko errealitatea irudikatzen ez zuela» ikusita sortu zen 2019an Guztion Alardea, «herria polarizatua dagoelako, baina ikusten ez den masa gris handia dagoela irudikatu beharra zegoelako». Eneko Gonzalez eta... [+]
Hondarribiko Alardearen harira herrian aurten bizi izan den tentsioa garbi islatu du Igor Enparan alkateak, hondarribiar guztiei bidali dien eskutitzean. "Gezurrez eta gorrotoz betetako kanpaina pairatu dut. Zurrumurruak eta gezurrak zabaldu dira herritar guztion arteko... [+]
Hondarribiko jai egun handian, Alarde tradizionalak eta Jaizkibel konpainia parekideak bat egin behar zuten lehen aldiz abiapuntuan, baina argazki hori saihesteko, tradizionaleko konpainia guztiak berandu joan dira hasiera puntura. Plantoak planto, ordea, lehen aldi ugari bizi... [+]
Hondarribiko Alarde tradizionala eta Jaizkibel konpainia desfilatzen aterako dira, urtero bezala, irailaren 8an. Baina orain arte EAJk gobernaturiko udala Abotsanitzek eskuratu du eta egin dituen aldaketek hautsak harrotu dituzte Alarde tradizionalean. “Konpainia guztiak... [+]
«Gatazkaren konponbidean baliagarria izango delakoan» EH Bilduko Lantalde Feministak egindako hausnarketa plazaratu du Arma Plazan. Igor Enparan alkateari «Jaizkibel konpainiak bakarrik betetzen duen legea betearazten hasteko, eta Alarde bakarra, guztiona eta... [+]
Arartekoak ostiralean jakinarazi du azkenean ez duela alarde baztertzailea agurtuko. Halere, Hondarribiko alkateak, Gipuzkoako ahaldun nagusiak eta Eusko Jaurlaritzako Giza Eskubideen sailburuordeak emakumeak baztertzen dituen alardeari harrera egin diote.
Hondarribiko alardearen bezperetan, alarde tradizionalaren baitatik sortutako proposamenez, udal aldaketak zabaldu ditzakeen ateez eta Gipuzkoako ahaldun nagusiak iragarritakoaz (alarde tradizionalari eta Jaizkibel konpainia parekideari egingo diela harrera) hitz egin dugu... [+]
Hauteskundeen ondoren zabalduko den aro berri honetako alkatea "konponbidearen alkate bilakatzea" espero du Guztion Alardeak.
Bilera izan berri dute bi aldeek. Guztion Alardeak bere diagnostikoa eta zenbait gogoeta plazaratu zituen bilera horretan, eta fundazioak hauekiko desadostasuna agertu zuela esan dute.
Hondarribiko alardean konpainia parekide bakarrak egindako desfilea oso jendetsua izan da eta txalo artean hartu dute ibilbidean zehar.
Alarde fundazioari eta Hondarribiko Udalari bideratu diete alardean parte hartzeko eskakizuna, kantinera bezala ez ezik, soldadu gisa ere bai. Guztion Alardea elkarteak eman du urratsaren berri. Alarde baztertzailearen bueltako gazteek sortu zuten elkartea, defendatzen baitute... [+]
Koronabirusagatik desfilerik gauzatu ez den arren, Jaizkibel Konpainiak kaleak hartu ditu. Elkarretaratzea egin dute alarde parekidea aldarrikatzeko, eta uztailean egindako proposamena berriz plazaratu dute: datorren urtean alardeko konpainia bat gehiago izatea.
Emakumeek ere alardean desfilatu ahal izatea helburu, duela 25 urte atera zen lehen aldiz Jaizkibel konpainia Hondarribian. Aurtengo irailaren 8an ez da alarderik izango, baina elkarretaratzea egingo dute, “1996 urrun hartan, alarde parekidearen aldeko aldarria kaleratu... [+]
Emakumeak onartzen dituen konpainiak desfile nagusiaren barruan egon nahi du 2022tik aurrera. Hondarribiko alardearen auziari konponbidea bilatzeko pausoa dela adierazi du elkarteak.