Jaizkibel konpainiak elkarrizketak berrartzeko deia egin du
Elkarrizketa bideratzeko Hondarribiko Udalak kontratatu zuen bitartekariak adierazi du "baldintzarik ez dagoela, elkarrizketaren oinarriei" heltzeko. Jaizkibelek saiakera "sendoagoa" egingo duen bitartekaritza bat finantzatzea proposatu die Hondarribiko Udalari eta Gizpuzkoako Foru Aldundiari. Bien bitartean irailaren 8ko alardean "errespetua" eskatu du.
Jaizkibel konpainiak prentsa oharra kaleratu du herrian alardearen inguruan hitz egiteko sortutako "azken topaketa-gunearen hausturaren aurrean". Asteartean, udalak kontratatutako Jenny Pearce bitartekariak oharra argitaratu zuen. Pearceren ustez aurrera pausuak izan dira, baina ez omen dago baldintzarik "elkarrizketaren oinarriei heltzeko, eta topaketa alde guztientzat modu lasai eta emankorrean eman dadin".
Jaizkibel konpainiak gogoratu du Pearcek adierazi ziela prozesuaren oinarrietako bat "diskrezioa" dela, "prozesuaren hasieran, bitartean eta ondoren". Aldiz, "ezezagunak zaizkigu zeintzuk diren bitartekariak aipatzen dituen elkarrizketarako lortu beharreko oinarriak, parte hartzaileekin ez baitira datu horiek partekatu".
Jaizkibelen ustez, gertatutakoak "gure komunitatean bizi dugun elkarrizketarako kulturaren gabezia erakusten du". Baina oraindik aukerak daudela adierazi du. Bide horretan, Hondarribiko Udalari eta Gipuzkoako Foru Aldundiari proposatu dio bitartekari eta bitartekari talde berri bat finantzatzea, "topaketa honetan erabili dena baino denbora gehiago eta planifikazio sendo bat egiteko aukera" emango lukeena.
Parekidetasunaren aldeko konpainiak Alardearen "gatazkan" hondarribiar "gehienak" inplikatuta daudela iritzi dio. Horregatik, konpainiez harago, elkarrizketa "Hondarribiko gainontzeko gizarte taldeetara" zabalik egon behar duela defendatzen du.
Hurbil dago aurtengo irailaren 8ko alardea. Elkarrizketak berriz ere abiatu bitartean, egun horri begira "errespetua" eskatu du Jaizkibel Konpainiak. "Bide guztian eta, bereziki, Kale Nagusian. Azken 14 urteetan sufritzen daramagun ikuskizun penagarria gerta ez dadin".
Elkarrizketa saiakera ugari
Oharrean Jaizkibelek gogorarazi du urte hasieran Gipuzkoako Foru Aldundiak "elkarrizketak bultzatzeko Hondarribiko talde askoren arteko parte hartze prozesu zabala" hasi zuela. Prozesua amaitu zen "inolako jakinarazpen ofizialik jaso gabe". Tartean, Alarde Fundazioak beste elkarrizketa prozesu bat proposatu zuen, alkatea izango lukeena bitartekari gisa. Jaizkibelek baiezkoa eman zuen, baina baldintza batzuk ezarrita, tartean bitartekaria denon artean adostutako izatea. "Azkenean elkarrizketak Hondarribiko Udalak antolatu eta ordaindu zituen", eta orduan izan zen kontratatua Jenny Pearce bitartekaria.
Hondarribiko Alardearen harira herrian aurten bizi izan den tentsioa garbi islatu du Igor Enparan alkateak, hondarribiar guztiei bidali dien eskutitzean. "Gezurrez eta gorrotoz betetako kanpaina pairatu dut. Zurrumurruak eta gezurrak zabaldu dira herritar guztion arteko... [+]
Hondarribiko jai egun handian, Alarde tradizionalak eta Jaizkibel konpainia parekideak bat egin behar zuten lehen aldiz abiapuntuan, baina argazki hori saihesteko, tradizionaleko konpainia guztiak berandu joan dira hasiera puntura. Plantoak planto, ordea, lehen aldi ugari bizi... [+]
Hondarribiko Alarde tradizionala eta Jaizkibel konpainia desfilatzen aterako dira, urtero bezala, irailaren 8an. Baina orain arte EAJk gobernaturiko udala Abotsanitzek eskuratu du eta egin dituen aldaketek hautsak harrotu dituzte Alarde tradizionalean. “Konpainia guztiak... [+]
«Gatazkaren konponbidean baliagarria izango delakoan» EH Bilduko Lantalde Feministak egindako hausnarketa plazaratu du Arma Plazan. Igor Enparan alkateari «Jaizkibel konpainiak bakarrik betetzen duen legea betearazten hasteko, eta Alarde bakarra, guztiona eta... [+]
Konpainia parekideak 2023ko jaien eta irailaren 8ko alardearen balorazioa egin du, eta aurtengoa "urte pozgarria" izan dela azpimarratu. Nabarmendu du udalak egindako keinuek lagundu dutela elkarbizitza espazioak sortzen, baina alarde baztertzaileari ere harrera egitea... [+]
Arartekoak ostiralean jakinarazi du azkenean ez duela alarde baztertzailea agurtuko. Halere, Hondarribiko alkateak, Gipuzkoako ahaldun nagusiak eta Eusko Jaurlaritzako Giza Eskubideen sailburuordeak emakumeak baztertzen dituen alardeari harrera egin diote.
Hondarribiko alardearen bezperetan, alarde tradizionalaren baitatik sortutako proposamenez, udal aldaketak zabaldu ditzakeen ateez eta Gipuzkoako ahaldun nagusiak iragarritakoaz (alarde tradizionalari eta Jaizkibel konpainia parekideari egingo diela harrera) hitz egin dugu... [+]
Hauteskundeen ondoren zabalduko den aro berri honetako alkatea "konponbidearen alkate bilakatzea" espero du Guztion Alardeak.
Bilera izan berri dute bi aldeek. Guztion Alardeak bere diagnostikoa eta zenbait gogoeta plazaratu zituen bilera horretan, eta fundazioak hauekiko desadostasuna agertu zuela esan dute.
Hondarribiko alardean konpainia parekide bakarrak egindako desfilea oso jendetsua izan da eta txalo artean hartu dute ibilbidean zehar.
Alarde fundazioari eta Hondarribiko Udalari bideratu diete alardean parte hartzeko eskakizuna, kantinera bezala ez ezik, soldadu gisa ere bai. Guztion Alardea elkarteak eman du urratsaren berri. Alarde baztertzailearen bueltako gazteek sortu zuten elkartea, defendatzen baitute... [+]
Koronabirusagatik desfilerik gauzatu ez den arren, Jaizkibel Konpainiak kaleak hartu ditu. Elkarretaratzea egin dute alarde parekidea aldarrikatzeko, eta uztailean egindako proposamena berriz plazaratu dute: datorren urtean alardeko konpainia bat gehiago izatea.
Emakumeek ere alardean desfilatu ahal izatea helburu, duela 25 urte atera zen lehen aldiz Jaizkibel konpainia Hondarribian. Aurtengo irailaren 8an ez da alarderik izango, baina elkarretaratzea egingo dute, “1996 urrun hartan, alarde parekidearen aldeko aldarria kaleratu... [+]
Emakumeak onartzen dituen konpainiak desfile nagusiaren barruan egon nahi du 2022tik aurrera. Hondarribiko alardearen auziari konponbidea bilatzeko pausoa dela adierazi du elkarteak.