“Jainkoak ez dit barkatzen” Hazparneko Zinegin-en (ber)estrainatuko da larunbatean
Jainkoak ez dit barkatzen filmak Lezo Urreiztietaren bizitza kontatzen du, Josu Martinezek zuzendua. Hazparneko Zinegin Festibalean emanen dute larunbat honetan,eta Santurtzin proiektatuko heldu den igandean, Urreiztietaren sorterrian hain zuzen ere.
Jainkoak ez dit barkatzen filma Donostiako Zinemaldian estrainatu zen, eta Ipar nahiz Hegoko zinetokietan ikusgai izanen da urtea amaitu bitartean. Baionan atzo emandako prentsaurrean, halaxe mintzatu zen filmaren zuzendari Josu Martinez: “Lezo Urreiztietaren bizitzaren gainean asko dago kontatzeko oraindik ere. Kari, horretara, dokumentalarekin batera eginen duten jira-biran protagonistaren hainbat pasadizo kontatu ahal izango ditute egileek”.
Errate baterako, “Lezo Urreiztieta nor izan zen, zer eta zergatik egin zuen gehiago” azaltzen saiatuko gara, are hobeto ezagutu dezagun”. Martinezek erran zuenez, “zinema esperientzia berritzailea den aldetik” filmez harago joaten saiatuko gara herriz herriko emanaldietan.
Egileen ustetan, ikus-entzuleak jakin-minez geratuko dira filma ikusi ostean, hartara, “pertsonaiak adiurre berezia izan zuen eta ezagutu gabeko alde anitz dituenez gero, gure nahia da, pertsonaiari buruzko ikuspegiak areago zabaltzea”. Hots, Lezoren bizitzaren segidako bat eskaini diote jakin-minez gelditu den ikusleari.
Santurtzin jaio (1907an) eta Baionan zendu zen (1981ean) Lezo Urreiztieta euskal iheslari eta erbesteratua, zinemagileak dioenez, “XX. mendea zeharkatu zuen pertsona atipikoa izan zen. Eta, zentzu eta hein batean, bere figurak Euskal Herriaren historia kontatzen du”.
Adur Larrea ilustratzailearen marrazkiek, artxiboko irudiek eta Joserra Senperena musikaren doinuek girotu eta biziagotu dute Lezo Urreiztietaren figura honezkero mitikoa.
Filmaren inguruko emanaldi eta ekitaldi sorta osatuko dituen Bidaia abiatu da.
Hona emanaldiak, herriz herri:
Azaroak 24, Hazparne, Zinegin Festibala, 18:00.
Azaroak 25, Santurtzi, Serantes Aretoa, 20:00.
Azaroak 27, Irun, Amaya antzokia, 20:00.
Azaroak 28, Urruña, Itsas-mendi zinema, 20:00 / Gasteiz, Florida Zinema, 20:00.
Azaroak 30, Donibane Lohizune, Le Select zinema.19:00 Filma finitzean, "Lezoren itzalaren atzetik" ibilaldi gidatua, Donibaneko karriketatik, Lezoren balentria harrigarrien kokaleku izandako tokietan zehar.
Abenduak 3, Bilbo, Bizkaia Aretoa (EHU), 19:00.
Abenduak 4, Andoain, Bastero Kulturgunea, 19:30.
Abenduak 5, Donibane Garazi, Le Vauban zinema, 20:30.
Abenduak 6, Durango, Irudienea , 19:00.
Abenduak 7, Maule, Maule Baitha zinema, 20:30.
Abenduak 11 Donapaule, Saint-Louis zinema, 20:30
Abenduak 13, Kanbo, Zinema, 20:30.
Abenduak 15, Lezo, Gezala Auditorumean.
Itoiz, udako sesioak filma estreinatu dute zinema aretoetan. Juan Carlos Perez taldekidearen hitz eta doinuak biltzen ditu Larraitz Zuazo, Zuri Goikoetxea eta Ainhoa Andrakaren filmak. Haiekin mintzatu gara Metropoli Foralean.
Zeresana ematen ari da Rami Younis kazetari eta aktibista palestinarraren LYD animaziozko film-dokumentala. Fikziozkoa da, Israelek inoiz okupatu gabeko Lyd hirian kokatua, zeinean ez den sekula ere britainiarren koloniarik egon, eta juduak eta arabiarrak elkarrekin bizi diren;... [+]
Eusko Jaurlaritzaren esku geratu dira beste bi eskumen: Itsasertzaren Antolaketa eta Kudeaketa, eta Zinematografia eta Ikus-entzunezko Jarduera. Astelehenean bildu da Transferentzien Batzorde Mistoa, Madrilen, eta han adostu dute bi eskumen horiek EAEra eskualdatzea.
ETB1ek Bizkarsoro filma estreinatu zuen Euskararen Egunean iluntzean. ETB2ri aldi berean gaztelaniazko azpidatziekin ematea proposatu bazioten ere, kate horretan Tasio eskaini zuten gaztelaniaz azkenean, eta horrek haserrea sortu du euskaldun askorengan sareetan.
Inguruan dituen emakume sortzaileek halakorik izateak harritu egiten du, baina berak urte askotan izan du iruzurtiaren sindromea. Irauteak erakutsi dio, ordea, gauza asko ondo ere egin dituela. 2021ean Espainiako Estatuko Goya saria irabazi zuen
Maite Arroitajauregirekin... [+]
Irungo ospitale zaharrean jaio zen Fermin 1963an, Muguruza Ugartetarrenean. Azken hamarkadetan euskal musikan eragin nabarmena izan duen artista da. Ez alferrik, bera izan da Kortatu eta Negu Gorriak taldeetako abeslaria eta alma mater-a, Esan Ozenki zigilu independentearen... [+]
Bizkarsoro filma (Josu Martinez, 2023) Donostiako zinema aretoetan proiektatuko dute ostiral honetatik aurrera (hilak 22); SADEko Iñaki Elorzak azaldu duenez, bi aste inguruz proiektatuko dute printzipioz, eta, arrakasta baldin badu, denbora gehiagoz. Hala azaldu dute... [+]
Bizitegi elkarteak 2016a geroztik antolatzen duen duen film eta antzerki jaialdia jada abian da Bilbon.
Azaroaren 8tik 15era egingo dute zine jaialdia. Euskal Herriko zinema lanak ere izango dira pantaila aurrean, besteak beste Tasio filmaren bertsio zaharberritua eta La Muerte de Mikel, filmaren estreinalditik 40 urtera.
Jone Arriolaren “Dena asmatuta dago” filma izan da Urrezko Antzararen irabazlea larunbat honetan ospatutako sari banaketa ekitaldian. Euskal Zinemaren Begiradak Itziar Ituño aktorearen ibilbidea omendu du.
Aurtengoa hirugarren edizioa izango da, eta memoriaren gaia hartuko da ardatz, Kulturarteko Plaza Feministan.