Jai herrikoiak eta txosnak defendatu!
Atzean geratu dira konfinamendua eta osasun krisiaren une latzenak. Joan direnak betirako gogoan, denon ardura da gaixo edo beldurrez daudenak zaintzea. Baina bizitzak bere bideari darraio, normaltasun berriaren nolakotasuna egunero eraikiz. Gobernuek enpresak, dendak, tabernak eta hauteskunde kanpaina ireki duten bitartean, alkate batzuek udako jaien inguruko erabakiak hartu dituzte, eta, salbuespen egoera profitatuz, bazterrean utzi dituzte herri mugimenduek osatutako jai eta txosna batzordeak.
"Lantoki, hondartza, igerileku, parke, supermerkatu, kultur areto zein jatetxe eta tabernetan posible bada, zergatik ezin dira osasun eta distantzia neurriak bete kale eta plaza zabaletan jartzen ditugun txosnaguneetan?"
Horren aurrean, jai herrikoien antolamenduan parte hartzen duten zenbait taldek (Bilboko Konpartsak, Donostiako Piratak, Herri Sanferminak, Iruñeko Peñen Federazioa, Gasteizko Txosnak eta Blusen eta Nesken Elkarteak) ohar bateratu bat plazaratu zuten. “Herritarrok elkar zaintzearen, saretzearen eta osasuna eta bizitzak defendatzeko grinaren garrantziaz jabetzen joan garen bitartean, agintariek euren buruei begira hartu dituzte jai herrikoien inguruko erabakiak. Baztertuak izan gara, ez dute gurekin kontatu. Beste behin ere, jai herrikoiak bigarren planoan laga dituzte, herritarron parte hartzea alde batera utzita”, salatu zuten.
Jakina denez, jaiak ezinbestekoak dira gure arteko auzotasuna eta herritartasuna eraikitzeko. Beraz, zergatik ez dago jaientzako lekurik normaltasun berrian? Zergatik ezin dira egokitu egoera berri honetara ikuspuntu erlijioso zein komunitariotik hain garrantzitsuak diren herriko jaiak? Euskalerrian 686 udalerri daude, eta jaiak ospatzeko era berriak egongo dira. Hiriburuetako herri eragileek dioten moduan, “garai gogor hauetan, herritarrok inoiz baino gehiago behar ditugu jaiek ematen diguten alaitasuna, kolorea, kolektibotasuna. Horregatik, dei egiten diegu Euskal Herriko jai batzorde guztiei jai herrikoien alde antola daitezen eta, osasun eta segurtasun neurri guztiekin, eskaintza berritzaile bat egin dezaten”. Jai seguru eta sanoak antola eta goza ditzagun, bai horixe!
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Arabako Mendiak Aske elkarteak zorionak eta eskerrak eman nahi dizkio Arabako Foru Aldundiko Natura Ingurunearen Zerbitzuari, Bonelli arranoa gure lurraldean berriro sartzeko Aquila a-Life proiektuarekin lortutako arrakasta dela eta.
Guztiz kontziente gara proiektu honek... [+]
Valle de Odieta enpresak eta bere filialak (HTN) urteak daramatzate instalazioak handitu nahian, administrazioa ezartzen ari den erregulazio guztien aurka. Epai judizial bati esker, abere kopurua gaur egun baimenduta dituzten hainbat adinetako 7.800 bururaino zabaltzea lortu... [+]
Sanchezi buruz ari gara, joan den ostiralean astindu gintuen kasuaz. Adierazpen askatasuna defendatzen dugu, baita gustuko ez ditugun adierazpenak egiten direnean ere. Askatasun horrek iritzi arrazoituetan eta kontrastatutako datuetan oinarritutako ideiak adierazteko... [+]
Aldarri eta kanpaina, lege, arau, plan eta aurrekontu, babes-mekanismo eta zigor-makinaria oro gorabehera, etenik gabe jarraitzen dute kasu gogorrek eta jokabide zitalek betetzen albistegiak, tantaka zein zaparradan, eta gizon-desmasiak salatzeko protesta-ekintzek,... [+]
Ikasi berri dugu Earl Tupper jaunak Floridako Orlandon, 1947an, sortu zuen mila koloretako ontzi enpresa peko errekara doala, desagertzeko zorian dela, preseski. Badirudi plastikoak konkurrente larriak dituela, adibidez, linean egiten diren salerosketena edo erabilpen bakarreko... [+]
Gisèle Pélicot-en kasuak bortxaketetatik haratago dagoen arazo bat erakusten du: gizonezkoon konplizitatea indarkeria matxistaren aurrean. Kezkagarria ez da soilik erasoa, baizik eta, gertatutakoa jakinda, egoera ez salatzea erabaki zuten gizonen isiltasuna... [+]
Gaur egun, gure munduan eraiki diren hierarkia guztiak mundu mailako kolonizazio prozesu baten emaitza dira. Menderatze-hierarkia global horiek elkarren artean txirikordaturiko beste hierarkia zehatzagoek osatzen dituzte, hau da, klasekoek, etnikoek, estetikoek, eta baita... [+]
Directa-ren ikerketa batetik abiatuta ezagutu dugu iruzurra. Bartzelonan egiten ari den belako Amerika Koparen antolatzaileek argitaratutako audientzia eta bisitari kopuruak faltsuak dira. Gaia garrantzi sozial eta politiko nabarmena izaten ari da, faltsututako datu horiek izan... [+]
Ordenagailuaren aurrean orduak ematen zituen gazte horietako bat izan nintzen. Internet bidez munduko beste pertsona eta kultura batzuen pentsamendua, musika eta ikus-entzunezkoak aurkitu zituena. Garai haietan ez zen hain ohikoa Internetera konektaturiko gailu bat izatea,... [+]
Badira gaiak momentuan begiratu ezin ditudanak. Ez dakit gertatzen zaizuen. Eta ezin ditut begiratu iragan izan gabe, susmoa dudalako ezin altxatzeraino itoko nautela, eta gertaeraz gain, gertaerari buruzko letrek ere lehendik ahula zen norbait zapaltzen dutela. Eta uste dut ez... [+]