Izpegiko bestak antolatu dituzte, “muga fisiko eta psikologikoa hausteko” gogoz
Mendi martxa, bizikleta igoera, hitzaldi, bazkari, txaranga, kontzertu eta DJ, egitarau oparoa osatu dute Baigorriko Basaizea elkarteak, Baztango Gazte Asanbladak eta Erratzuko gazte batzuk. Izpegiko bideetan istripuak saihesteko xedez autobus zerbitzuak izanen dira, Baigorritik eta Elizondotik.
Helburu andana dituzte iparrorratz Baigorriko Basaizea elkarteak, Baztango Gazte Asanbladak eta Erratzuko gazte batzuk: Euskal Herriaren bi aldeak banatzen dituen muga haustea; elkar ezagutza suspertzea; euskarari arnasgune berri bat eskaintzea, eta beste. Aldi honetan besta giroan jarriko dira horri begira, Izpegiko bestak antolatuz. Irailaren 22 eta 23an iraganen dira Izpegiko lepoan.
Ostiralarekin, garaiko eta gaurko mugaz gaindiko harremanei buruzko hitzaldia izanen dute Bereko Bentan. Larunbaterako, ordea, egun osoko eta gauerako egitaraua osatu dute. Goizean, mendi martxa abiatuko dute Baigorrik Izpegira. Goizeko hamaiketan bizikleta igoera eginen dute Izpegiko lepora, Baigorriko elizako plazatik abiatuta. Ordu berean haurren jokoak izanen dituzte Izpegiko lepoan.
Ondotik, besteak beste, 13:00etan eginen dute ekitaldi nagusia eta bazkari herrikoi alaiatua ere izanen dute (aitzinetik hartu behar dira lekuak). 22:30etik aitzina kontzertuak izanen dira: Mirua talde tolosarra, TOC mungiarrak eta DJ Üzkülüz.
Autobus zerbitzua bermaturik
Segurtasuna bermatu nahian, autobus zerbitzua ere antolatu dute Baigorritik zein Elizondo eta Erratzutik. Igotzeko 10:00etan, 12:00etan eta 19:00etan aterako da autobusa Elizondotik, Erratzutik ere pasaz. Itzultzeko, aldiz, 20:30ean, 03:00etan eta 06:00etan aterako dira autobusak Izpegiko lepotik eta Erratzun geldialdia eginda Elizondora joanen dira. Baigorrira ere izanen da zerbitzu bera. Igotzeko 11:00etan, 13:00etan, eta 20:00etan aterako da autobusa Baigorritik, eta itzulerako autobusa 19:30ean, 02:00etan eta 05:00etan izanen da.
Desengainu handia hartu dute euskal feminista askok jakin dutenean Chimamanda Ngozi Adichie idazleak haurdunaldia esternalizatu duela, alegia, surrogate batek ernaldu duela bere haurra, diru truke. Guztiok izan beharko genuke feminista saiakeraren egilea da Adichie, besteak... [+]
Izenburua aski argia da: Zuzi iraxegia. Euskal emakume idazleak eta literatura klasikoa (TZ, 2025). Eta 300 orrialdeko liburu mardulean, XIV. mendeaz gero gurean izan diren emakume idazleen gainean jardun du, irakasleari dagozkion azalpenak emanez bezainbat, testu klasikorik... [+]
Azken bi hamarkadetan indarkeria matxistaren gaia lehen lerrora ekarri du mugimendu feministaren borrokak, besteak beste, eta bikote arteko indarkeria edo “familia arazo” gisa deskribatzen zenak, eremu publikora eta kalera egin du salto. Indarkeria matxistaren... [+]
Ostegun gauean emakume bat bortxatzea egotzita atxilotu zuten gizon bat larunbatean. Gizona kasua argitu arte zaintzapean dago. Mobilizazioa egin du Itaiak astelehenean 18:30ean, Baionako Herriko Etxean, eta horren erantzukizuna azpimarratu du.
Gernikako "gazte langileen interes eta beharrei" erantzungo dien proiektu bat martxan jarriko duela adierazi du Egurre Gazte Asanbladak. Eraikina duela hamar urte itxi zuten, eta salatu dute Gernikako Udalak hiru legegintzaldi daramatzala esanez liburutegi bat jarriko... [+]
Adierazpen askatasuna aldarrikatzeko eta "eskuin erreakzionarioaren ofentsibari aurre egiteko" batuko dira. Egun horretarako Euskal Preso Politikoen alde antolatua zuten hitzaldia eta ekitaldia salatu du UPNk, eta hura zelatatzeko agindu du Espainiako Audientzia... [+]
Ekimenak bakea eta justizia soziala sustatzeko proiektuak finantzatzea du helburu. Sustatzaile diren gizarte mugimenduek mezu argi bat bidali diete gobernuei eta armagintza industriari: "Ez dugu gerraren konplize izan nahi".
Ospitaletik irten eta berehala prentsaurrekoa eman du Iker Aranak, Errekaldeko gaztetxearen aurrean. Gaztetxearen desalojoan ertzainek "neurrigabeko indarkeria" erabili zutela salatu du, eta salaketa hurrengo egunetan aurkeztuko du.
Laura Macayaren liburua ekarri du euskarara Katakrakek. Amaia Astobizak itzuli du, feminismoaren baitako eztabaidak ireki eta beste begirada batzuetatik ekiteko helburuarekin.
UPNk jarritako salaketa bati erantzunez hartu du erabakia auzitegiak. Apirilaren 17an gazte topagunearen baitan Berriozarren antolatutako "Kurdistan eta Euskal Herriko preso politikoen" aldeko ekitaldia da UPNk bertan behera utzi nahi izan duena "terrorismoaren... [+]
Indartsua, irribarretsua eta oso langilea. Helburu pila bat ditu esku artean, eta ideia bat okurritzen zaionean buru-belarri aritzen da horretan. Horiek dira Ainhoa Jungitu (Urduña, Bizkaia, 1998) deskribatzen duten zenbait ezaugarri. 2023an esklerosi anizkoitza... [+]
Ikaslez lepo zegoen Leioako Hezkuntza Fakultatea pasa den asteazkenean, Samantha Hudson zetorrelako. 1999an jaiotako Mallorcako artista, abeslari eta influencer transgeneroa da. Kantatzen Duen Herria topaketetako izarrak ilara amaigabea zuen selfie eta autografoak emateko, eta... [+]
“Ba al zenekiten testuliburu gehienetan ia ez dela aipatzen armen industriak egungo gatazketan duen rola? Edo oso gutxitan jartzen dela zalantzan gerra ezinbestean gertatu behar dela esaten duen narratiba?”, dio Gerrarik Ez Araba elkarteak. Bestelako narratibak,... [+]
Apirilaren 4an, ostiralarekin, Ipar Euskal Herriak Lurralde Kolektibitate baterantz bilakaera instituzional bat behar duela egiaztatuz, Batera plataformak herritarren mobilizazio dinamika baten abiatzea aurkeztu du. Hitzordua emana da maiatzaren 10ean, larunbatez, Ezpeletan,... [+]
108 pertsona erreskatatu dituzte asteburuan Mediterraneoan. Italiako Gobernuak ez die utzi gertuko portu batean lehorreratzen, eta Salernora bideratu dute Aita Mari ontzia. Litekeena da Europako Batasunak migrazio politikaren araudia gogortu aurreko azken misioa izatea. Aita... [+]