Izotza den gauetan ere trantsitoan diren pertsonak aterpetxetik kanpo uzten dituzte
Irungo Harrera Sareak salatu du trantsitoan diren pertsonen egoera gero eta okerragoa eta arriskutsuagoa dela. Izan ere, zeropeko hotza egiten duen gauetan ere Gurutze Gorriak kudeatzen duen aterpetxetik kanpo uzten dituzte migratzaileak: "Iaz 225 pertsona utzi zituzten kalean". Bertako hainbat biztanlek egoera latz hau euro batzuk ateratzeko baliatzen dutela ere salatu dute: lau sosen truk Endarlatsara eramaten dituzte eta handik ibaia gurutzatzera bultzatu. Istripuak ere izaten dira, honen guztiaren ondorioz: "Joan zen ostiralean migratzaile batek polizia frantsesarengandik ihesi, femurra apurtu zuen eta ebakuntza egin behar izan diote", salatu du Irungo Harrera Sareak.
"Urtarrilean pertsona migratzaile asko iristen ari da Irunera", ohartarazi du bertako Harrera Sarea: "Frantziako polizia mugan ezartzen ari den kontrol arrazista gero eta zorrotzagoa da, eta nahiz eta pertsona migratzaileak behin eta berriro saiatzen diren muga zeharkatzen, polizia frantsesak atxilotu eta Hego aldera ekartzen ditu bueltan bidegabeki". Urtarrilaren 6an, egun bakarrean, 50 pertsona baino gehiago iritsi ziren.
Negu gorrian
Gurutze Gorriak ezartzen dituen arauak betetzen dituzten pertsonek hiru gau pasatu ditzakete gehienez aterpetxean. Egun muga horrek arazoak sortzen dituela azaldu du Harrera Sareak: "Urtarrilaren 6an, zeropeko bi gradu genituela lau pertsona kalean utzi zituzten. Irungo Harrera Sareak hurrengo egunean bi kanpin denda jarri zituen pertsona hauek babesteko. Iaz 225 pertsona utzi zituzten kalean".
Frantziako poliziarengandik ihesi, femurra hautsi
Harrera Sareak salatu duenez, "ba omen da jendea pertsona hauen deseperazioaz baliatzen dena dirua ateratzeko, euro batzuen truke Endarlatsara hurbiltzen dituzte eta handik ibaia gurutzatzera bultzatu". Ibilera horietan istripuak ere izaten dira: "Urtarrilaren 7an migratzaile batek polizia frantsesarengandik ihesi, femurra apurtu zuen, ebakuntza egin behar izan diote eta gutxienez hiru hilabete beharko ditu bidaia jarraitu ahal izateko".
Azken mezua erakundeei luzatu die Irungo Harrera Sareak: "Beste izugarrikeriaren bat gertatuko ote beldur gara. Berriz ere eskatzen diegu erakunde guztiei, aitzakiak utzi eta benetako erantzukizunaz jokatzeko, egoeraren larriaz jabetu eta elkarrekin lan egiteko, neurriak har ditzatela pertsona hauek babesteko eta gizalegezko harrera duin bat eskaintzeko".
Langile migratzaileek indarkeria, lanaldi luzeak eta ordainketa eskasak modu ohikoan jasaten dituzte, Europako bederatzi estatutan egindako ikerketa baten arabera. Gutxienekoa baino soldata baxuagoak jaso ohi dituzte ia estatu guztietan, eta emakumeek are soldata baxuagoak.
Gutxienez 33 pertsonaz aprobetxatu da. Irunen jaso eta Ipar Euskal Herrira eraman ditu, dirua kobratuta.
Lehen ediziotik zortzi urte igaro direnean, salaketa eta elkartasun ekimen hau Balkanetako mugara abiatuko da datorren uztailaren 12an, 21 arte.
Aurten ere, Mugak Zabalduz karabanan ia ehun lagun abiatuko gara Euskal Herritik, Europaren migrazio politikak, eta aurten bereziki onartu berri duen Migrazio eta Asiloko Paktua, salatzeko asmoz. Aurten Balkanetako mugara joango gara, Bosnia Herzegovinako Bihac hirira; hor... [+]
Martutene auzoan lapurretak ugaritu direla aitzakia hartuta, iaztik, hainbat dira Martutene auzoan eztabaida eta polemikak. Segurtasun talde bat sortu zuten hainbat bizilagunek, “Ertzaintzak ezer egiten ez zuela iritzita”. Pauso bat urrunago joan dira orain, eta... [+]
Aita Mari ontzian salvamento marítimo humanitario izeneko gobernuz kanpoko erakundearekin lanean ari da Isa Egiguren kazetaria.
Duela bi urte, Marokotik Melillara igaro nahian ari ziren ehunka pertsonari eraso egin zieten polizia-indarrek, eta gutxienez 70 lagun erail zituzten, nahiz eta kopuru zehatza ez dagoen argi. Gertakarien inguruko ikerketa amaitutzat jo dute Marokon, iritzita ez dagoela... [+]
Futbolarien agente bat dela antzeztuta, gazteei dirua eskatu eta Kolonbiatik migratzera bultzatu ditu iruzurgileak, sinetsarazita Euskal Herriko futbol talderen batek interesa izan zezakeela haiengan. Gutxienez 25 pertsona engainatu ditu, eta pilatuta izan ditu azpialokatutako... [+]
Ekainaren 16an Britainia Handiko BBC telebista kateak publiko egin duenez, Greziatik Europara joan nahi zuten pertsonak modu basatian hil izan dituztela frogatzen duten lekukotasunak bildu dituzte. Greziako uretatik irten eta brankatik behera itsasora bota dituzten bederatzi... [+]
Atzerritartasun Legea aldatzea adostu dute Kanariek eta Espainiako Gobernuak: lurralderen batek pertsona migratuak hartzeko duen "gaitasunaren %150" gainditzen denean, estatuko beste erkidego batzuetara mugitzera behartuko dituzte adingabeak.
Migrazio politikaren gogortzea dakarren dekretua izenpetu du ekainaren 4an AEBetako presidente Joe Bidenek eta asteazken honetan sartu da indarrean neurria. Testu horrek dio egunean 2.500 zeharkatze ilegalen langa gaindituz gero (asteko batezbestekoa eginez), muga erabat itxiko... [+]
