Izar Majarenasen aurkako erasoa onartu du erasotzaileak epaiketan
Hasi da Valentzian Sara Majarenasekin izan zuen alabari bi labankada eman zizkion gizonaren aurkako epaiketa. Erasoa onartu eta damututa dagoela, baina zehaztasunik ez duela gogoratzen esan du erasotzaileak. Alabak ondorio psikologikoak sufritzen jarraitzen duela adierazi du Majarenasek.
Astearte goizean hasi da Valentziako epaitegietan Izar Majarenasi eraso egin zion gizonaren aurkako epaiketa. 30 urteko espetxe zigorra eskatzen du fiskaltzak gizonarentzat, bi urteko bere alaba labankadaz hiltzen saiatzeagatik.
Auzipetuak bere abokatuaren galderei soilik erantzun die. “ETA talde terroristako kide izateagatik al zegoen Sara espetxean?”, izan da abokatuaren lehendabiziko galdera. Epaileak, ordea, ez dio bide horretatik jarraitzen utzi. Gizonak onartu du alaba hiltzen saiatu zela, damututa dagoela adierazi du, baina egindakoaren zehaztasunik ez duela gogoratzen.
Erasotzaileak azaldu du Sara Majarenasen gurasoekin, Izarren aitona-amonekin, harreman txarra zuela, eta erasoa horrekin erlazionatu du. Fiskaltzaren idatziaren arabera, gizonak Izarren aitona deitu zuen erasoa burutu eta jarraian, egindakoaz harrotasuna agertuz.
Ondorio psikologikoak
Majarenasek eta bere aitak bideokonferentziaz deklaratu dute Euskal Herritik. Aitak adierazi du gizonarekin harreman ona izan zuela 2016ko gabonak arte (erasoa 2017ko urtarrilean gertatu zen).
Majarenasek azaldu du gizonarekin harremana izan zuela sei urtez. Erasoaren egunean Izar aitarekin zegoela gogoratu du, eta telefonoz ari zirela gizona mehatxuka hasi zitzaiola. Orduan entzun zituen telefonoz beste aldean alabaren oihu “lazgarriak”. Zauri fisikoez gain Izarrek ondorio psikologiko larriak sufritu zituela adierazi du bere amak, eta oraindik ere trauma osteko estresa pairatzen duela.
Epaiketa ostegunera arte luzatuko dela aurreikusten da.
Valentziako Probintzia Auzitegiak 28 urteko kartzela-zigorra ezarri dio Stytianos Messinezisi, Izar alaba hiltzen saiatzeagatik eta Sara Majarenas amari lesio psikikoak eragiteagatik.
Urriaren 16ra atzeratu da epaiketaren hirugarren saioa, eta ihes egiteko arriskua argudiatuta, Izar Majarenas larri zauritu zuen Stytianos Messinezis espetxeratzeko eskatu dute fiskalak eta akusazio partikularrak. Eskaera onartu egin du epaileak.
Estropaden egun nagusian manifestazioa egin dute Sara Majarenas eta Izarri elkartasuna adierazteko, eta justizia gizartearen presioarekin soilik lortu daitekeela esan dute.
Agerraldia 25 emakumek egin dute, Egiako parkean, astelehenean. Igandean beste justizia eredu bat aldarrikatzeko egingo den manifestazioan parte hartzeko deia ere egin dute.
Kontxako Banderaren bigarren igandean egingo den manifestaziorako deia egin du Sara Izarrekin plataformak. “Bizi nahi dut” lelopean abiatuko dira Bulebarretik, irailaren 8an, 13:30ean.
Valentziako Lurralde Auzitegiak erabaki du Stytianos Messinezis erasotzaileak libre jarraitzea behin behinean, baldintzazko neurriak bete dituela argudiatuta. Uztailean egingo da bere kontrako epaiketa.
Asteartean egin da Majarenas eta honen alabaren kontrako erasoaren auzi saioa. Fiskaltzak erasotzailearentzako 30 urteko espetxe zigorra eskatu du, eta akusazio partikularrak eskariarekin bat egin du.
Sara Majarenasi ongi etorria egin diote Donostiako Intxaurrondo auzoan. 13 urte egin ditu espetxean.
13 urteko espetxealdia amaiturik, aske geratu da Sara Majarenas euskal preso politikoa. Haren izenak oihartzun handia eduki du iazko urtarrilean bi urteko alaba labankadaz bere aitak larriki zauritu ostean.
Michel Foucault eta enparauak irakurriz beti pentsatu izan dut Frantziako Iraultzaren ostean kontrola gorputzaren barneraino sartzeko mekanismo gisa antolatu zutela kartzela egitura osoa. Aurretik, zigor publikoa jasotzen zuten araua betetzen ez zuten horiek: urkamendia, eskua... [+]
Ostegun arratsaldean Donostiako Piratek jakinarazi dutenez, Sara Majarenas eta Izar izango dira aurtengo Aste Nagusi Piratako txupinazoko protagonistak. Larunbatean ezingo dira Alde Zaharreko "La Flamenka" gunean egon, etxean preso baitaude Madrilen. Beren presentzia... [+]
Eusko Legebiltzarreko EAJ, EH Bildu, Podemos eta PSEren taldeek Sara Majarenas euskal presoa askatzeko eskatu dute legez besteko proposamen batean. Legebiltzarreko mahaiak tramitera onartu du, eta beraz osoko bilkuran eztabaidatuko da proposamena. Majarenasen eta beraren... [+]
Sara Majarenasek bigarren gradua eskuratuko duela jakin ostean, 5.000 pertsona baino gehiago batu dira Donostian, ama-alaben askatasuna eta etxeratzea eskatzeko. Majarenasen abokatuak ziurtatu du lanean jarraituko dutela hirugarren gradua lortu arte.