“Izan ditudan medikuen jarrera txarrarengatik ez daukat konfiantzarik”
Urte batetik bestera bi mediku izan ditu Amaia Martinek, bien “profesionaltasunik eza” salatu ditu: “Medikuak esan zidan ez zegoela arreta psikologikorik”.
Azken urteetan osasun etxean izandako esperientzia txarrak kontatu ditu Amaia Martinezek; antsietateaz, akneaz eta dermatitisaz mintzatu da besteak beste. Ez du benetako izena eman nahi ez duelako nahi lanean eragitea: “Oso intimoa da, eta osasun mentala oso estigmatizatuta dago”. Azken urtean bi mediku izan ditu, eta bien “jarrera txarra” eta “profesionaltasun eza” salatu ditu: “Ez da nirekin bakarrik gertatu; oso orokortua dagoen egoera bat da”. Ondorioz, geroz eta gutxiago doa medikuarenera: “Izan ditudan medikuen jarrera txarrarengatik ez daukat konfiantzarik, eta uste dut ez didala lagunduko”.
Aurpegian eta bizkarrean aknea zeukanez minarengatik eta estetikarengatik medikuarenera joatea erabaki zuen. Buenavista osasun etxean artatu zuten, Portugaleten (Bizkaia). Ez zen erabaki erraza izan, tratamendua “oso bortitza” zelako gorputzarentzat; hala ere, aurrera egitea erabaki zuen. Egun horretan jasotako harrera “oso txarra” izan zela salatu du: “Lehenago ere ikusita nituen jarrera batzuk ez zirenak oso onak”. Medikuak aurpegiko aknea ikusi zuenean, gutxiago zeukanez ez zion garrantzirik eman, baina bizkarrean gehiago zuenez beste erreakzio bat izan zuen: “‘Zer desatsegina’, esan zuen praktiketan zegoen beste medikuaren aurrean”.
Martinezentzat lan handia izan da medikuarenera joateko erabakia hartzea, eta norberaren egoeraren eta autoestimuaren arabera “min handia” egin dezakeela uste du: “Nik nahiko onartuta neukan egoera, baina pentsa doala norbait laguntza eske edo kostatzen zaiona lehen urrats hori ematea; horrelako erantzun bat jasotzen badu zer gertatuko da?”.
Hortaz, medikuz aldatzea erabaki zuen. Aldaketa egin ahal izateko aurrez aurre egin behar da, eta gutxienez sei hilabetez egon behar zara mediku horrekin. “Aldaketa eskatu nuenean esan zidaten mediku bakarra geratzen zela; hortaz, horrekin hasi nintzen ez zegoelako beste aukerarik”.
"Medikuak esan zidan ez zegoela arreta psikologikorik, eta gazteei esaten diela osasun mentaleko kontuetarako pribatura joateko"
Mediku berriarekin izandako lehengo hitzordua “txarra” izan zela kontatu du: “Harremana zeukaten hiru arazo kontatu nizkion, eta bere erantzunak harritu ninduen. ‘Izan dadila laburra jende asko daukagulako’, esan zidan”. Azpimarratu du bere jarrera ez zela enpatikoa izan. Hala ere, artatzeko eskatu zion: “Esaten nizkion gauza guztietarako aitzakia edo justifikazioa zeukan; esaten zuen alergia daukadala alergikoa naizelako eta dermatitisa daukadala gorputzaren erreakzio bat delako. Gainera, ez zidan jarraibiderik eman”.
Begietan eta buruan dermatitisa dauka eta farmazian erositako xaboia erabiltzen hasi da Martinez; medikuari horren berri eman, eta aholkuak eskatu zizkion, baina ez zuen gomendiorik jaso: “Esan zidan bost axola diola non erosten dudan xaboia, eta ez zidan esan egokia zen edo beste aukerarik zegoen”.
Horrez gain, antsietatea daukanez laguntza psikologikoa eskatu zuen sistema publikoan artatzeko: “Medikuak esan zidan ez zegoela arreta psikologikorik, eta gazteei esaten diela osasun mentaleko kontuetarako pribatura joateko”. Erantzunaren ondorioz harrituta eta blokeatu geratu zen: “Hori ez da erantzun egoki bat, ez daki zein den nire egoera ekonomikoa eta zein baliabide ditudan”. Esku hutsik joan zen etxera.
.jpg)
Blanca Ester Díaz Pulido epaileak Osakidetzako 2018ko oposizioen filtrazioen inguruko ikerketari amaiera eman dio, sei urte eta erdi igaro ondoren. Akusatu guztiak absolbitu dituzte, 22 guztira, nahiz eta bi kasu behin-behingoz artxibatu dituzten.
Osasun Legea aldatzea beharrezkoa dela adierazi du Nafarroako Osasun kontseilariak, hala nola Osasunbidea enpresa-erakunde publiko bihurtzea, bestela “luze gabe sistemak porrot” egingo duela argudiatuta. Sindikatuak ez daude formula horrekin ados.
Kutsatze gutxiago egon ez dadin diagnostiko horiek lehenago egitea zein garrantzitsua den azpimarratu du Nafarroako Osasun zuzendari nagusiak. “Osasun-sistemara heltzeko zailtasun handiagoak dituztenengan” jarri du fokua aurtengo hiesaren Eguneko kanpainak.Nafarroak... [+]
Atun latatan aurkitu diren merkurio kopuruekin asaldatuta dabiltza herritarrak. Bloom erakundeak Europan egindako ikerketa baten arabera, Carrefour, Intermarché, Mercadona, Aldi... supermerkatu guztiek merkaturatzen dute atuna kutsaturik. Arrantza industrialak berehala... [+]
Haurdunaldiaren zazpigarren hilabetean hil zen Aduna, Amets Etxeberriaren alaba. Halakoetan, erru sentimendua da bizkar gainean emakume askok hartzen duen zama, dolua ere oztopatzen duena. Profesionalengandik jasotzen duzun tratua funtsezkoa dela dio Etxeberriak, horri aurre... [+]
Hego Euskal Herriko gazteen osasun mentalaren egoera “kezkagarria” da, Gurea Geroa atari digitalak egindako txosten batek agerian utzi duenez. Inkestaren arabera, gazteen erdiek ondoez emozionala pairatzen dute, eta hamarretik seik pentsamendu suizidak izan dituzte... [+]
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez... [+]
Azala ez da azaleko gaia, kanpoarekiko muga eta gure buruaren babesa baizik. Ordea, kosmetiko industrialak erabiliz gero, toxiko kimikoak barneratzen ditu gure gorputzak azaletik, eta dutxako zulotik behera joaten direnean, ura eta Lurra ere kutsatzen ditugu egunero. Eredu... [+]
Kexak eta esker onak paretsu mantendu dira, baina erreklamazioetan bada aldea. Esaterako, aurtengo ekaina iazkoarekin alderatuta, ia %30 igo dira erreklamazioak.
Aste honetan zehar egongo da AEBko auditoria Gurutzetako ospitalean; bere estandarrak betetzen dituzten osasun-zentroei akreditazioa ematen die. Osakidetzak 106.843 euro gastatu ditu bere aurrean itxurak egiteko.
Sexologian eta zoru pelbikoan aditua den Juncal Alzugaray Zurimendi fisioak zenbait gako eman ditu klimaterioa eta menopausia hobeto ulertzeko.
Silizearen hautsak sorturiko gaitz eta biriketako minbizi kasuek ez dute etenik azken urteetan. Australian, Ingalaterran edo Espainiako Estatuan alarmak piztu dira, eta kristal-silizea duten kuartzozko sukalderako mahaiak egitea debekatzeko urratsak ematen hasi dira.
Eurostaten arabera, 2013tik 2021era bitartean, 13.530 kasu erregistratu zituzten Europar Batasunean. Teorian 2005ean debekatu zuten amiantoaren erabilera, baina mesoteliomaren sintomak ez dira agertzen hamarkada asko igaro arte. Amiantoagatik 700 pertsona baino gehiago hil dira... [+]