Ivan Gimenez: “Nafarroa ez dago salgai, Nafarroa oinordetzan hartzen da”
Sindikalista eta kazetari iruindarrak El corralito foral liburua plazaratu du, Pamiela argitaletxearen eskutik.
El Escarmiento liburuan, Miguel Sanchez Ostiz idazleak Nafarroan memoria historikoaren gainean argitaraturiko guztia bildu eta eleberri forma eman zion. Askok Nafarroako memoria historikoari buruzko liburu definitiboa dela diote. Ivan Gimenezek hori bera egin du erregimen erregionalistarekin. Baina bera ez da idazlea baizik eta kazetaria, eta horregatik erregimen erregionalistari buruz argitaraturiko guztiarekin ez du eleberria egin baizik eta 400 orrialde baino gehiagoko erreportaje mamitsua, umoretsua, txinpartatsua. El corralito foral erregimen erregionalistaren gaineko liburu definitiboa da, gure uste makalean.
Santi Leonek salatua zuen Jaime Ignacio Del Burgoren oinarri historiografikoak iruzur hutsa zirela. Ricardo Feliuk esana zuen Nafarroan jatorri sozial bereko 90 lagunen artean banatzen dutela boterea. Javier Ederrek kontatua zuen Xabierraldia asmakizun frankista dela. Baina Gimenezek horiek guztiak eta beste asko bildu ditu (liburuaren bibliografiaren atala luze bezain interesgarria da), eta bere tesi birrintzailea guztiz frogatua utzi du: egun Nafarroan aginte ekonomikoa, politikoa, mediatikoa, erlijiosoa duten pertsonen botereak 36ko Gerran duela sorburua, eta botere hori heredatu egiten dela.
Liburuaren bertute nagusia: tesi oro-hartzaile hori; corralito, kortatxo, txosna foralaren funtzionamendua azaltzeko gaitasun arrunt didaktiko hori. Beste bertute bat: zatika ere ederki funtzionatzen duela, datu eta pasadizo mordoa biltzen baitu. Hirugarren bertute bat: liburu ausarta dela, tesi nagusia sustengatze aldera sona handiko hainbat familiaren dirutzaren jatorri frankista agerian uzten duena. Catalandarrak, Huartetarrak, Arraizatarrak… Denak larrutzen ditu.
Gimenezek berak azaldu digunez, “arraina ez da jabetzen inguruan duen uraz, eta asko Nafarroan hala bizi dira: ez dira jabetzen inguruan dauzkagun gauza asko eta asko ez direla batere naturalak, erregimenak inposaturikoak direla, erregimena indartzen dutela”. Adibide zehatzak eskaini dizkigu elkarrizketan, nafar guztiok batzen omen gaituzten hiru gauza ustez neutroren inguruan. Iruñeko Udalaren webaren arabera Txupinazoa bi zinegotzi falangistak asmatu zuten, baina egiazki 36an fusilatu zuten Kale Nagusiko estankoko jabe errepublikazalearena zen asmakizuna. Osasuna futbol taldearen izena asmatu zuen ANVko kidea ere fusilatu zuten. Xabierraldia asmakizun frankista bat da. Liburuan adibide gehiago ematen ditu, jakina.
Une berezian iritsi da liburua, krisi ekonomiko garaiotan. Gimenezek dioenez, “orain jada ez dute dirurik aho guztiak erosteko, eta orain arte asko kobratzen zuten eta jada horrenbeste kobratzen ez duten zenbait aho hitz egiten hasi dira”. Horrek “asko erraztu du liburua egitea, corralito honek nola funtzionatzen duen kontatu ahal izatea”.
Horiek guztiak eta gehiago entzun daitezke lerrooi atxikitako bideo-elkarrizketan.
Oharra: Albiste hau Euskalerria Irratitik ekarria da lizentzia libreei esker. Jatorrizkoa hemen.
.jpg)
Entitate sozial honen langileek Etxebizitza, Gazteria eta Migrazio Politiken batzordean agerraldia egin dute haien lana azaltzeko. Hizlariek etxebizitza duinak, bizileku zein lan baimena erraztea eta osasun mentaleko baliabide publiko gehiago eskatu dizkiote Foru Gobernuari... [+]
María Chivite lehendakariak esan du kezkatuta dagoela Alemaniatik Volkswagenetik datozen albisteekin, baina aldi berean, konfiantza duela multinazionalak Iruñean duen lantegian, orain arte iragarritako planak betetzen ari direlako.
Nafarroako "eremu mistorako" deialdi bakoitzean, banan-banan, zehaztu beharko da euskarari zein atzerriko hizkuntzei ematen zaien puntuazioa, eta eremu ez euskaldunean ez da euskara baloratuko. Nafarroako Gobernuaren "jarrera euskarafobo, atzerakoi eta... [+]
Nafarren %68,3 biltzen dituzten 21 udalerri tentsio handiko eremu izendatuko dituela aditzera eman du Begoña Alfaro kontseilariak. Albistea begi onez hartu arren, EH Bilduk aurrekontuak babestearen truke herrietan “hutsik dauden etxebizitzak bizigarri” egitea... [+]
Etxebizitzaren arazoari irtenbidea ematea du helburu Nafarroako Gobernuak hasitako prozesuak. Tentsio handiko eremu izendatu nahi dituzten udalerrien artean daude, besteak beste, Iruñea, Tutera, Lizarra, Tafalla, Corella, Noain, Cintruénigo, Baztan eta Altsasu... [+]
EH Bilduk seigarren urtez jarraian Chivite lehendakariaren aurrekontuak ahalbidetuko ditu, abstentzioaren bidez. Egungo akordioa mantenduz gero, abenduaren 19ko Osoko Bilkuran gauzatuko da proposamena.
Hitzarmenak 1.035 euroko gutxieneko errenta bermatuko du eta euskara, osasuna eta etxebizitza izanen ditu konpromiso estrategiko nagusi. Hamargarren urtez jarraian, UPNk ez du batere eraginik izanen aurrekontuetan, urteroko legerik garrantzitsuenean.
Nafarroako Gobernua ezustean harrapatu du Zangozako Muga meatze proiektuari Justiziaren arlotik emandako ostikadak. Hala onartu du Mikel Irujo Trantsizio Ekologikoko kontseilariak. Espainiako Meatzeen Legea aldatu beharko litzatekeela esan du eta ez du argitu Nafarroako Justizia... [+]
.jpg)
EH Bilduk, Geroa Baik eta Contigo-Zurekinek ekainean egin zuten eskakizuna, eta Espainiako Armadak ezetz erantzun berri du arrazoirik eman gabe, koalizio moreko Daniel Gómez bozeramaileak salatu duenez.
Zurekin Nafarroa taldeak EH Bildu eta Geroa Bairekin batera eskatu zuen Bardeako tiro poligonora bisita egitea. Armadak posta elektroniko bidez jakinarazi dio ez dela posible izanen bertaratze hori, arrazoi "operatiboak" tarteko.
Langileek %23ko erosteko ahalmena galdu zuten 2019ko akordioa sinatu zuten arte. Patronalak orain soldatak izoztea eta hainbat baldintza murriztea proposatu du. PSNk KPIaren eguneratzea eta %2ko soldaten igoera bultzatuko duela esan du orain, gizarte eragileen presioaren... [+]
, Nafarroako parlamentuan..jpeg)
Bizikidetasunaren eta Nazioarteko Elkartasunaren batzordeak Munduko Medikuak erakundearen eskaera onetsi du, PSNk aurka bozkatu duen arren. Irailean zehar 40 bat lagunek Mendebaldeko Saharatik Madrilera bidaiatu zuten nazioarteko babes eske eta dagoeneko haietatik hamasei... [+]
Alfaro kontseilariak “aurreko hamarkadetako politika espekulatiboak” kritikatu ditu eta kolaborazio publiko-pribatuaren aldeko apustua egin du Foru Legebiltzarrean. Helburu gisa jarri du Europa erdialde eta iparraldeko datuetara heltzea. Etxebizitzaren esparruan lan... [+]
Premiazko txostena eskatu dio Nafarroako Kontseiluari. Behin betiko onartzeko aurretiazko urratsa da, Nafarroako Justizia Auzitegi Nagusiak aurreko dekretuaren zati batzuk baliogabetu eta bost urtera.
Iruñerrian, eta Nafarroan orohar, une honetan memoria historikoaz hitz eginez gero, mahai-gainera indarrez aterako da Iruñeko Erorien Monumentuaren afera. Eraikina 1942an eraiki zen Francoren alde altxatutako hildakoei gorazarre egiteko. Elkarte memorialista... [+]