“Ezkerreko mugimenduok eztabaida sakona egin behar dugu”
Rennes espetxean (Bretainia) dago preso Moreno. ARGIAk argitaratutako Txori urdinak liburuan parte hartu du, eta liburuaren Bilboko aurkezpenerako lau audio labur bidali zituen, espetxearekin lotutako hainbat gairen inguruko galderei erantzunez. Albiste honetan dituzue entzungai.
Martxoaren 31n Bilboko Bira kultur gunean aurkeztu zen Txori Urdinak: espetxearen erretratu bat Santi Cobos presoaren ahotik liburua. Itziar Moreno Martínez euskal preso politiko bilbotarrak ilustrazio bat egin zuen libururako. Bilboko saioan ere bere ahotsez parte hartu zezan hiru galdera zuzendu genizkion, Morenok audio bidez erantzun dituenak.
Nola biziraun espetxeari?
Nork bere moduak dituela argi utzirik, beretzat gako garrantzitsuenak direnak aletzen ditu Morenok: “Bizitza kalean geratu dela ez pentsatu” eta proiektuak garatzea; bizipoza eta barne orekari eustea; duintasuna ardatz izatea, “buruko osasunerako ezinbestekoa”; harremanak, “zuek zarete gure arnas eta indar”; edo sorkuntza iheserako eta borrokarako erreminta gisa.
Nolakoak dira preso "sozial" eta "politiko"-en arteko harremanak?
Presoak “sozial” eta “politiko” artean banatzea bera eztabaidagarria dela esanez hasten du audioa preso bilbotarrak: “Denak gara lau hormen artean gauden emakume presoak”, dio batetik; “baina egia da errepresio neurri berezituak ezartzen dizkigutela”, bestetik. Espetxea haien arteko elkartasuna “beldur eta mehatxu” bidez eragozten saiatu arren, egon badagoela azpimarratzen du, askotarikoa: laguntza materiala zein psikologikoa, adiskidetasuna eta elkarrekin abiatutako borrokak, intimitatea, dantza, edo emakume presoen arteko sexualitatea. Arazoen artean salatzaileak, bekaizkeria edo botere harremanen ondorioak azpimarratzen ditu.
Ba al da alternatibarik espetxeari?
Lau ideia nagusi laburbiltzen ditu Morenok galdera horri erantzuteko. Baga, espetxeari alternatiba bilatzeko “sistema juridiko osoa” eraldatu behar da, delituaren definiziotik hasita. Biga, espetxeak ez du deus konpontzen, ez “ustezko delitugileari” begira, ez delituaren ondorioak edo kalteak jasan dituen pertsona edo komunitateari begira. Higa, beste garai eta kultura batzuetan gatazkak bideratzeko beste modu batzuk garatu dira, horietatik badugu zer ikasia. Laga, Ezkerreko mugimenduetan eztabaida sakona abiatzeko beharra dago. “Gaiari heltzeko ausardia” eskatzen du Morenok, “alternatiba errealak gaurdanik erabiltzeko”.
Txori urdinak liburuaz
Laugarren audio bat ere bidali zuen Morenok ekimen propioz, Txori urdinak liburuaren inguruan. “Barruak mugitzen dituen” irakurgaia dela iritzi dio, berari denetariko sentimenduak piztu dizkiola azalduz: “Hunkitu naiz, barre eta negar egin dut, haserretu naiz, tarteka gogorra egin zait pasarte gogorrak daudelako...”. Santi Cobosek espetxearen deskribapen “bikaina” egiten du Morenoren ustez, eta eskerrak eman dizkio “lekukotasun zintzoa” emateagatik, eta hori euskaraz eskaintzeagatik. Liburuan parte hartzea plazera izan dela adierazi du.
UPNk jarritako salaketa bati erantzunez hartu du erabakia auzitegiak. Apirilaren 17an gazte topagunearen baitan Berriozarren antolatutako "Kurdistan eta Euskal Herriko preso politikoen" aldeko ekitaldia da UPNk bertan behera utzi nahi izan duena "terrorismoaren... [+]
ELA, LAB, ESK, STEILAS, CGT-LKN, CNT, HIRU, EHNE eta ETXALDE sindikatuak, Sarek abiatutako Gotzon SOS kanpainara batu dira. 2019an antzeman zioten gaixotasun genetiko sendaezina 68 urteko preso politiko bilbotarrari. Sindikatuek gaixotasun larriak dituzten presoak kartzelatik... [+]
“Saihestu egingo dira giza eskubideen, ordenamendu juridikoaren eta espetxeetako tratamendu psikosozialaren aurkako balioak eta jarrerak babestea, justifikatzea eta goratzea ekar dezaketen adierazpenak”, dio, besteak beste, agiriak. Azaroan Eusko Jaurlaritzako... [+]
Asteazken eguerdian berreskuratu du askatasuna astigartarrak, zigorra osorik beteta. Espainiako Auzitegi Nazionalak otsailean inputatu zuen ETAren zuzendaritzako ustezko beste lau kiderekin batera, Gregorio Ordoñezen hilketa leporatuta.
Martxoaren 13an lau urte bete dira Fran Balda arbizuarra istripuz hil zela. Preso, iheslari eta deportatuen etxeratzearen alde egin zuen lan, eta haren bost kidek idatzi diote gutun hau.
Frantziako Poliziak 2002an atxilotu zuen zumarragarra, eta 30 urteko zigorra betetzen ari da. Sare Herritarrak mobilizazioa deitu du datorren ostiralerako, Urretxuko Potros Plazan.
Iratxeren Bidasoaldeko Lagunak ekimenak deituta, dozenaka lagun kalera atera ziren atzo Iratxe Sorzabal preso politiko irundarraren absoluzioa eskatzeko eta behingoz etxera ekartzeko, torturak salatzeaz gain.
Sare Herritarrak antolatuta, pasa den urtarrilaren 11n Bilboko kaleak bete zituen manifestazio jendetsuaren ondoren, berriz sortu da eztabaida, euskal presoei salbuespen legeriarik aplikatzen ote zaion. Gure iritzia azaltzen saiatuko gara.
Espetxe politikan aldaketa nabarmena... [+]
Irakurlea dagoeneko jakitun dateke Euskal Herrian askatasunaren alde egon den eta dagoen gatazka politikoaren ondorioz urte luzetan kartzelan, erbestean edota deportazioan bizi behar izan duten euskaldunak, etxerako bidean, beren bizitza berregiten hasteko izaten dituzten... [+]
Urte hasiera honetan ere Bilboko kaleak bete ditu Sare Herritarrak larunbatean Bilbon antolatutako manifestazioak. Presoei ezartzen zaizkien salbuespeneko lege eta tratamenduekin amaitzea eskatu dute amaierako ekitaldian, eta memoria “kolektibo” bat eraikitzea... [+]
Larunbat honetan egingo da Bilbon euskal preso politikoen aldeko urteroko manifestazioa. Gero eta preso gutxiago dago, baina 2011n ETAk bere jarduera armatua eten zuenean inork gutxik irudikatuko zuen handik hamabost urtera oraindik gatazka haren ondorioz espetxeratutako... [+]
Jar gaitezen 2025erako proposamen politiko gisa, Espainiako Auzitegi Kolonialaren (AN) epai guztiak berrikusten hasteko eta makila bakoitzak bere belari eusteko.
Unionismoarekin lerrokatutako alderdi, sindikatu eta gizarte-erakunde gehienek, eta ez bakarrik horrela... [+]
Datorren larunbaterako, urtarrilaren 11rako, Sare Herritarrak euskal presoen eskubideen aldeko manifestazioa deitu du, beste urte batez, Bilbon. Aukera paregabea da gure herriarentzat elkarbizitzaren bidean aurrera egiteko, hainbat hamarkadatan liskar bortitzetan murgilduta egon... [+]
Konponbide prozesuari eta etxeratze prozesuari behin betiko amaiera emateko aldarrikatuko dute, eta euskal preso behin betiko etxean nahi dituztela. Laguntza ekonomikoa jasotzeko Bizumkada Nazionala ekimena jarri dute martxan.