Itza Zendea, AHTa, fotovoltaikoen eta goi-tentsioko bi linearen mehatxupean
Euskal Herri osoko herri txiki asko gogor ari dira nozitzen trantsizio klimatikora bideratutako azpiegitura ugarik dakarkien kaltea. Oraingoan, Itza udalerriko (Nafarroa) herritarrek horietako lau azpiegiturak nola eragiten dieten azaldu dute.
Itza Zendea Iruña eta Irurtzun artean dagoen kontzeju multzoa da, eta Gulibarreneko bailarako herriekin batera 1.200 bat biztanleko Itza udalerria osatzen dute. Beste herri txiki askotan moduan, energia trantsizioaren ondorioek haien izaera eta ingurunea gogor mehatxatzen dute. Iza Zendeako herritar talde batek mehatxu hori haien eremuan zertan gauzatzen den salatu du asteazken honetan Orderitzeko kontzejuan egindako agerraldian.
Batetik, abiadura handiko trena iragango da bertatik, eta 160 metroko zabalera duen trenbideak udalerria zatituko du. Horrez gain, 64.000 plaka fotovoltaiko lukeen eguzki planta eraikitzea aurreikusten dute. Azkenik, goi-tentsioko bi linea berri ere jasan beharko lituzke. 80 metroko garaiera izango luketen 30 dorre lirateke, eta horietako linea batek Zaragozan ekoitzitako elektrizitatea Gatikaraino (Bizkaia) eramateko balioko lukeela azaldu dute.
Gaur egun nekazari lurrak dira nagusi eremu horretan, eta haiei eragiteaz gain, Aldabako kontzejua izan daiteke kaltetuenetako bat, besteak beste han aberastasun handiko hariztia dagoelako, sasoi bateko basoetako azken arrastoa.
Alternatibak
Herritar taldearen ustez, ez da beharrezkoa hainbeste azpiegitura. AHTko ibilbide berria beharrean, oraingo trenbidearena baliatu beharko litzatekeela iritzi diote. Eta halako proiektu fotovoltaikoak egin aurretik, kalterik jasango ez dituzten eremuak okupatu beharko liratekeela uste dute, hala nola, teilatu eta industri eremuak. Energiaren eredu deszentralizatua aldarrikatzen dute, haiek herri osorako duten eguzki plakena gisakoa.
Azkenik, diotenez, goi-tentsioko bi linea berriak egin beharko balira, orain diren biak eraitsi beharko lirateke. Datorren larunbatean mendi ibilaldi informatiboa egingo dute inguruetan, 10:30etan Aldabatik aterata, eta proiektuon eraginen berri izan nahi duten inguruetako herritar guztiak animatu dituzte bertaratzera.
Galar Zendeako proiektu fotovoltaikoa
Galar Zendea Iruñerriko udalerria da, Iruñetik hegoaldera kokatua, eta Bahia de Plata Real Statek han eraiki nahi du 9.400 moduluko planta fotovoltaikoa, Fsfv Sadar izenekoa. Bertako udalak oraintsu aurkeztu ditu proiektuaren aurkako alegazioak, batez ere oinarrituta erabili nahi diren lurren nekazari balio handian eta paisaiaren balioan. Parke horrek, besteak beste, AHTren ibilbideak udalerrian eragindako zatiketa areagotu dezakeela ere arrazoitu du udalak, eta eraikuntza garaian Donejakue Bidea egiten dutenei eragingo liekeen kaltea ere aipatu du.
Esako urtegia handitzeko proiektua berraztertu dezala eskatu dio Chunta Aragonesista alderdiak Espainiako Gobernuari, tanta hotzak berriki utzitako hondamendia ikusita. Halako euriteak jasanez gero, Esak ur hori guztia askatzeko gaitasun nahikorik ez lukeela izango eta... [+]
Duela bi urte Urdaibai Guggenheim Stop! plataforma herritarra sortu zenetik, Urdaibai ez dago salgai! leloa nonahi ari gara entzuten. Joan den urriaren 19an Gernikan milaka lagun bildu ginen proiektu horri ezetza emateko eta, nire aburuz, hiru dira arrazoi nagusiak... [+]
Araba mendebaldeko Gaubeako proiektu eolikoak eskualdeko energia berriztagarrien potentziala areagotzea helburu duela adierazi du Mendia Wind enpresak. Gasteiz eta Arratzua-Ubarrundia udalerrietan hiru parke fotovoltaiko egiteko proiektua aurkeztu du, bere aldetik, San Miguel... [+]
Pasaiako Portuko Agintaritza eta Algeposa taldea lan arriskuen babesa ez bermatzeagatik kondenatuak izan direla adierazi du Amiantoaren Biktimen Euskal Elkarte ASVIAMEk. Osakidetzak laneko gaixotasunak ezkutatu izana salatu dute.
Arano eta Hernani inguruetan Repsol eta Endesa enpresek eraiki nahi dituzten makro-zentral eolikoen aurkako txosten kritiko mardula egin du Mikel Alvarez ekintzaile ekologista donostiarrak. Bere esanetan, "Euskal Herrian planteatzen den era horretako azpiegitura... [+]
Erramun Galparsoro eta Joxe Manuel Muñoz aranoarrak dira. 22 eta 30 urte daramatzate, hurrenez hurren, 440 metroko garaieratik itsasoari begira dagoen eta 114 biztanle dituen Nafarroako herri txiki hartan bizitzen. Inguruetan Repsolek eraiki nahi duen zentral eoliko... [+]
Informaziorik helarazi gabe eta baimen eskaerarik gabe hasi dituzte Abiadura Handiko Trena eraikitzeko asmoz lehenago egin beharrak diren zundaketa lanak Otsobi kontzejuaren lurretan. Stop Zundaketak plataformak jakinarazi du egoera: "Izako Udalari edo Otsobiko kontzejuari... [+]
Nafarroako Gobernua ezustean harrapatu du Zangozako Muga meatze proiektuari Justiziaren arlotik emandako ostikadak. Hala onartu du Mikel Irujo Trantsizio Ekologikoko kontseilariak. Espainiako Meatzeen Legea aldatu beharko litzatekeela esan du eta ez du argitu Nafarroako Justizia... [+]
Hamasei plataformak baino gehiagok bat egin dute "Araba ez dago salgai" eta "Makroproiekturik ez!" mezuekin eta manifestazioa antolatu dute elkarrekin: urriaren 26an izango da, 18:00etan Gasteizko Bilbo plazan hasita. Jarraian, manifestazioa deituz plazaratu... [+]
Nafarroako Justizia Auzitegiak bertan behera utzi du Nafarroako Gobernuak Geoalcali enpresari potasa ustiatzeko emandako baimena, Sustrai Erakuntzak eta Ekologistak Martxanek jarritako helegitearen ondoren.
"Sare elektrikoak eta lurraldea: sistema energetikoa eztabaidagai" hitzaldia emango du Euskal Herriko Unibertsitateko ikertzaile eta irakasleak. Herribizigune eta Ezkeltzu Bizirik taldeek elkarrekin antolatu dute hitzaldia.
Aixeindar SA enpresak "Laminoria" izeneko zentral eolikoa eta fotovoltaikoa eraiki nahi du Arraia-Maeztu, Iruraiz-Gauna eta Donemiliagako lurretan. Proiektu horrek Eusko Jaurlaritzaren ingurumen baimena jasoko ote duen ikusteko dago. ARGIAren eskuetara iritsi da... [+]
Azkenaldian bestelako argumentuak landu dizkigute, Euskal Herriko inguruetan makroproiektuak beharrezkoak direla konbentzitu gaitezen. Erakusgarria iruditu zitzaidan honekiko, Bizkaiko EHNEren webgunean Jauzi Ekosoziala ekimeneko partaide bati argitaraturiko artikulua: "Por... [+]