“Itxura mantentzeko utziko digute taberna irekitzen, baina guztiz helduta gaituzte”
Bizkaiko Tabernariak eta SOS Ostalaritza plataformetako kidea da Ihintza Torres García. Larunbatean indarrean sartuko diren neurri berrien atarian, Bilboko eta inguruko ostalarien egoeraz hitz egin dugu berarekin. Haserre eta etsituta mintzatu da ostalaritzaren inguruan lan egiten duten familien izenean, eta laguntzak haien errealitatearekin doitzeko eskatu du.
Nolakoa da egungo egora Bilboko eta inguruko ostalarien artean?
Oso txarra. 20:00etan itxi behar izatea ez da bideragarria, tabernen % 80ak 18:00etatik aurrera irekitzen dugunean. Agian jatetxeei ondo etorriko zaie, baina ostalaritzari, orokorrean, ez. Goizean bakarrik lan egitera mugatzen gaituzte, eta gehienak poteorako tabernak gara, ez gosaltzekoak. Oso haserre gaude.
Jaso duzue laguntzarik?
Oso jende gutxik jaso ditu hasierako 3.000 euroak, amaitu ziren, eta iragarri dituzten gainerako laguntzetatik ez da bat bera ere iritsi. Oso larri gaude eta badirudi familia askoren bizitzarekin jolasten ari direla.
Zeintzuk dira eskatzen dituzuen neurriak?
Plataforma ez da inoiz kexatu itxi behar izateaz, baina neurri horiek laguntza ekonomikoekin batera etor daitezela eskatzen dugu. Lokalen gastu guztiak kentzea eta langileok lanbide arteko gutxieneko soldata eskuratzea eskatzen dugu. Hori litzateke bidezkoena. Gu negozio pribatuak gara eta itxiarazi gaituzte, esku har dezatela alokairuetan eta argindar enpresetan ere. Taberna batek gutxienez hilean 3.000 euro inguru behar ditu alokairua eta zerga guztiak ordaintzeko, eman dituzten laguntzek ez dute zentzurik guretzat.
Nola eragin die egoerak langileei?
Denbora daramagu uzten digutenean lan egiten, justu-justu ordainagiriak eta zergak ordaintzeko. Taberna asko itxi dituzte, jendea senitartekoekin eta bankuekin zorpetzen ari da hau amaituko den esperantzarekin. Banatzaileak ere hor daude, ezin dute aldi baterako enplegu-erregulazioko espedienterik erabili, eta lan egitera behartuta daude, baina ez dute lanik, eta ez zaie autonomoen zergak ordaintzeko ere iristen.
Eta kontraturik ez zuten langileak? Asko izango dira.
Denetarik dago, nik ez dut onartzen jendeak kontraturik gabe lan egin behar izatea, baina horiek oraindik okerrago daude, bai. Bestalde, denboraldi indartsuetan bakarrik lan egiten dutenak ere badaude, hala nola jaietan, Gabonetan... Jende hori erabat abandonatuta dago, ez dakigu ezer kobratzen ari diren sikiera. Gure langileen egoera ez da askoz hobea: ostalari batek lanaldi osoan 1400 euro inguru kobratuko ditu, % 70a bakarrik jasotzen baditu, egin kalkuluak.
Alde handia dago alokairua ordaindu behar dutenen eta lokala erosita dutenen artean?
Bai, areago, betiko itxi duten lokal gehienek alokairuagatik itxi dute, lokalen jabeak ez daudelako akordioetarako prest. Gainera, normalean diru gehien duten errentatzaileak izaten dira amore ematen ez dutenak. Alde Zaharrean hori gertatu da, akordio batera iritsi ez eta epaiketa egin behar izan dute.
Nola ikusten duzue etorkizun hurbila?
Hamabost egun irekiko ditugu, Gabonetan kutsatzeak igoko dira, berriro botako diote errua ostalaritzari eta itxi egingo gaituzte. Eta egun batean herri bat alerta gorrian sartzen bada, tabernak itxiko dituzte eta berriz galduko dugu aste horretarako prestatutako guztia. Itxura mantentzeko utziko digute irekitzen, baina guztiz helduta gaituzte.
Jarrera sexistak, klasistak, arrazistak eta homofoboak salatu dituzte, besteak beste. Eskualdeko ostalariei dei egin diete ekimenarekin bat egiteko. Kanpainarekin atxikimendua adierazteko epea urtarrilaren 31n amaituko da.
Datorren abenduaren 31n hamar urte beteko dira Iruñeko Katakrakek ateak ireki zituenetik: ostatua, liburutegia eta ikuskizunetarako areto nagusia biltzen zituen espazio berriak. 2016an laugarren hankak mahaia osatu zuen: argitaletxea. Iruñerrian bakarra da... [+]
Lehiaren Euskal Agentziarekin akordioa lortu du, eta espedientea itxi diete. 2021eko abenduan guztiek batera igo zituzten prezioak, eta herritarren haserrea piztu zuten. Orain, ostalariek hitzeman dute lehiaren arauak errespetatuko dituztela eta norberak bere prezioak finkatuko... [+]
Leiharen Euskal Agintaritza Getariako taberna eta jatetxeak ikertzen ari da, pandemiatik irtetean prezioak igotzea adostean konpetentziaren erregimena urratu zutelakoan. 18 hilabete ditu elkartea zigortu ala ez erabakitzeko. El Diarioko Belén Ferrerasek eman du isilpeko... [+]
Txikia bezain bizia da Getaria, Gipuzkoako kostako herria, baina abendutik hona aldaketa batzuk izan dira Parte Zaharrean: ostalariek prezioak igo dituzte, eta gazteek eratutako Sos herritarrak ekimenak boikota egin die. Ia lau hilabete daramatzate tabernetan zentimo bat gastatu... [+]
Zisjordania, Mendebaldeko Sahara, Krimea eta orain zure etxe pareko espaloia. Noiz demontre kendu behar dituzte covidaitzakian tabernek anexionatutako terraza horiek? Ba ez dago batere argi. Agindu kontraesankorrak. Behe lainoa. Etsaia identifikatzea ere kosta egiten da... [+]
Nafarroako Gobernuak auzitegietara jo du ostalaritzako ordutegia eta aforoak mugatzeko. EAEn ere Eusko Jaurlaritzak LABI batzordea bilduko du asteartean, eta Ipar Euskal Herrian Frantziako Gobernuko ministroen kontseiluak hartuko dituen erabakien zain daude.
"Dantza dezagun berriro" aldarri eginez dator Bilboko Kafe Antzokia. Iazko martxotik itxita egon ostean, ostegunean irekiko ditu ateak.
Iruñeko Alde Zaharreko istiluak ez dira oraingoak, baina azken asteetan ostegun gauetan biziki gogorrak izan dira, bereziki San Nicolas eta San Gregorio kaleetan eta Sarasate Pasealekuan. Horren harira, hainbat tabernek itxi egingo dute hilaren 9an, 18:30etatik aurrera.
Webgunea 2022tik aurrera jarriko dute martxan, eta garbitzaileen lan-baldintzak betetzen dituzten hotelak zeintzuk diren jakiteko balioko du. Prekarizazioa gelditzea eta esternalizazioa saihestea dira helburu nagusietako bi.
Lan Justu eta Kalitatezkoa Zigilua luketen hotelak bilduko lituzke plataformak, ostatu hartzen duen bezeroari langileen lan egoera duina bermatuz. Proiektua Kataluniako Kellyek bultzatu arren, Kataluniaz gaindikoa izatea nahi dute.
Kutsaduraren igoera dela-eta hartu du neurria Nafarroako Gobernuak. Asteazken gauerditik aurrera 01:00ak arte ireki ahal izango dute ostalariek, gehienez ere. Nafarroako Gobernuak “zuhurtzia” eskatu die herritarrei.
AEHN Nafarroako Ostalaritza eta Turismorako Elkarteak eta Anapeh Nafarroako Ostalaritza Enpresa Txikien Elkarteak jakinarazi dute Nafarroako Auzitegi Nagusian helegitea jarriko dutela, Chiviteren exekutiboak harturiko neurriak "funtsik gabeak" direla iritzita.
Ostalarien elkarteek helegitea aurkeztu zuten eta EAEko Auzitegiak erabaki du ostalarien eskaera behin-behinean onartzea. Denbora gehiago hartuko du auziaren muina aztertu eta ebazpena emateko. Baina Jaurlaritzak onartutako dekretua indarrean dago oraindik, eta horregatik beste... [+]
Senideek bere buruaz beste egin duen herritarraren izena publiko ez egitea eskatu duen arren, ‘Kasu, kasu ostalariak kexu!’ kolektiboak argitaratu duen agiri baten jakinarazi du gremioko kide batek bere buruaz beste egin duela. "Ostalaritzaren itxierak... [+]