Itxialdiak egin dituzte Iruñerriko institutuetan Gazaren alde, nahiz eta Nafarroako Gobernuak espresuki eskatu ez baimentzeko
Astearte gauean Israelen genozidioaren aurkako itxialdia "normaltasunez" egin dute DBH eta Batxilergoko ikasleek Iruñerriko hainbat institututan, ARGIAri kontatu diotenez. Itxialdi horiek egin ez zitezen saiatu da Nafarroako Gobernua, astearte eguerdian urgentziazko gutuna bidali baitzuen ikastetxeetara, zuzendariei eskatuz itxialdiak ez baimentzeko (haiek dute horretarako eskumena), "ez direlako hezkuntza, kirol, gizarte edo kultura ekintzak".
Foru dekretu bati erreferentzia eginez, Nafarroako Hezkuntza Departamentutik ikastetxeei gogoratu diete soilik hezkuntzari, kirolari eta arlo sozio-kulturalari lotutako ekintzak baimendu daitezkeela eta ikastetxeetako zuzendariei esan diete haien ardura direla itxialdiak baimentzeagatik sortu daitekeen edozein ondorio edo intzidentzia.
Hala ere, itxialdiak egin dituzte ikasleek, eta hainbat irakaslek ere hartu du parte gainera. Ikamak, IAk edota tokian tokiko ikasle antolakundeek deituta, Iruñerriko zazpi-zortzi institututan egin dituzte itxialdiak, normaltasunez burutu dituztela eta jendetza batu dela adierazi diote ARGIAri Ikamatik. Polizia ere agertu da institutu batzuetan eta Biurdanako institutuan esaterako, agenteak grabatzen aritu dira, ikasleak identifikatu nahian, “baina Polizia kanpoan eta ikasleak barruan, ez dute lortu”.
Iruñean BDZk bart deituriko martxa isilean ere parte hartu dute ikasle ugarik.
Polizia ere agertu da institutu batzuetan eta agenteak grabatzen aritu dira, ikasleak identifikatu nahian, "baina Polizia kanpoan eta ikasleak barruan, ez dute lortu".
Zein eragin izango du Gobernuaren gutunak?
Gau bateko itxialdia ote zen ala aurrera begira gehiagotan errepikatuko duten oraindik ez da gauza jakina, eta Ikamatik diote ez dakitela aurrera begira beste itxialdiren bat antolatuz gero Nafarroako Gobernuaren gutunak eraginik izango duen ikastetxeetako zuzendariengan. Kontuak kontu, "ikusita gainera Israelek ez duela genozidioa gelditzeko asmorik, bermatu behar da ikasleok mobilizatu ahal izatea, ikastetxea izatea mobilizatzeko esparru legitimo bat".
Hezkuntza Departamentuak, aldiz, mobilizazio eta itxialdi horiekiko "erabateko gaitzespena" adierazi nahi izan du, argudiatuz deitzaileek aldarrikatu dutela Israeli aurre egin behar zaiola berau desagerrarazi arte. "Palestinar herriaren sufrimendua amaitu behar da, gerra bukatzea lehenetsi beharreko helburua da (…) eta bizitzeko eskubidea ez dira errespetatzen ari Gazan –dio Nafarroako Gobernuak–, baina herrialde oso bat suntsitzea eskatzea aberrazioa da eta hezkuntza zentroek ezin dute halakorik onartu".
Gazako iparraldeko Beit Lahiya hiria setioan dago eta Israelen etengabeko erasoaldiek gutxienez 120 palestinar hil dituzte azken aldi honetan. Astebete baino gutxiagoan, urriaren 24tik 29ra bitartean, NBEk “biktima masiboak” izan dituzten zazpi eraso erregistratu... [+]
Errefuxiatu palestinarrei giza laguntza emateko lan egiten duen NBEren agentziari jarduna galarazi diote. Asteartean onartu du legea Israelgo legebiltzarrak, gehiengo oso zabalarekin. 1967an sinatu zen akordioa indargabetuko du Israelek.
Israelgo armadak dio sei kazetariak Hamaseko eta Jihad Islamikoko kideak direla, baina ez du hori egiaztatzeko frogarik eskaini. Horren ondorioz, eta aurrekariak ikusita, Aljazeera eta sei kazetariak beldur dira gerta daitekeenaz.
Realak Israelgo Tel Aviv-eko Maccabiren kontra jokatuko du ostegunean Belgradon. Segurtasun arazoak direla-eta, ez dute Israelen jokatuko. Talde txuri-urdineko zaletu batzuek Realari eskatu diote Palestinaren aldeko keinuren bat izateko, baina Jokin Aperribay presidenteak argi... [+]
Zisjordanian bezala, Gazako lurretan ere asentamenduak ezartzea eta bertan finkatzea planteatu du Israelgo Gobernuko Segurtasun Nazionalerako ministro ultraeskuindarrak. Horretarako, aukera onena palestinarren “emigrazioa sustatzea” dela adierazi du.
Urriaren 21erako, mobilizazioak deitu zituen Gernika Palestina izena hartu duen sareak. Palestinak pairatzen duen genozidioa salatu, eta bakearen alde egiteko ekimena omen da, eta nekez jar gaitezke bi kausa horien kontra. Elkartasunak palestinarren alde lerratzera garamatza,... [+]
Asteburuan indiskriminatuki bonbardatu ditu Gaza eta Beirut hegoaldea. 2023ko urriaren 7az geroztik, 42.600 pertsona baino gehiago hil ditu Israelek Palestinan, Gazako Osasun Ministerioak zenbatu ahal izan duenaren arabera. The Lancet aldizkari zientifikoak uztailean kaleratu... [+]
Urtebete pasa da palestinar erresistentziak burua altxatu eta Israelek inoiz egin duen ofentsibarik bortitzena hasi zuenetik. Tamalez, egoerak okerrera egin du, Israelek bere ofentsiba areagotu baitu palestinar lurrez harago, Libano, Siria, Yemen edota Iranen aurkako eraso... [+]
Yahya Sinwar Hamaseko burua hil ondoren, Ekialde Erdiko gerrak nola jarraituko duen aurrera mintzagai da hilketaren biharamunean. AEBek, Joe Bidenen ahotik, berehala iragarri dute orain su-etenak bidea libre izan dezakeela. Bide beretik jo dute Mendebaldeko hainbat buruzagik... [+]
Israelek dio ostegunean Hamasen buru Yahya Sinwar hil duela eraso batean, Israelgo armadarentzat "gizonik bilatuena". DNA frogak egiten ari dira gorpuari, albistea baieztatu asmoz. Israelek eskola baten aurka egindako bonbardaketa horretan 28 pertsona hil eta 160 baino... [+]
Istiluak izan dira Ertzaintzarekin eta Espainiako Poliziarekin Bilbon eta Iruñean. Sare sozialetan jakinarazi dutenez, gutxienez bina pertsona atxilotu dituzte batean zein bestean, eta aske daude dagoeneko.
Erantzukizuna Israelgo Estatu Sionistarena da, bera baita, biztanleriaren zati handi baten, soldadu, kolono eta abarren laguntzarekin, garbiketa etnikoa eta genozidioa egiten ari dena inguruko herrialde eta herrien aurka.
Mendebaldeko estatuek ere laguntzen diete, armak... [+]
Urtebete igaro da, diotenez. Ez dut sekula ulertu mendebaldarrok daukagun ohitura harroputz hau: nahiz eta gatazkak ia mende bateko iraunaldia izan, datak nahierara moldatzen ditugu, garrantzia nolanahi oparituz. Azkeneko sasoia ezberdina izan al da beren lurraldean preso... [+]
Azken egunetan gutxienez Nazio Batuen Erakundeko bost kasko urdin zauritu ditu Israelgo armadak, UNIFIL Nazio Batuen Libanorako Indar Behin-Behinekoak duen egoitza nagusiaren kontrako erasoetan, Naqoura herrian. Netanyahuk esan du kasko urdinak “giza ezkutu” gisa... [+]
Ingelesez zabalduriko bideo baten bidez eman die abisua Israelgo Lehen ministroak: Israelgo armadarekin kolaboratu ezean, libanoarrei ere bideratuko die palestinarrek pairaturiko "sufrikarioa".