9 hilabeteko grebaren ostean Irun-Urnietako IATeko langileak itxialdi mugagabean
Lan hitzarmena sinatzeko helburuarekin lantegian itxi dira goizean Irungo eta Urnietako Ibilgailuen Azterketa Teknikoko (IAT) langileak.
Tuv Rheinlad enpresa alemaniarrak kudeatzen duen zerbitzuan lan egiten duten 30 lagun inguruk Urnietako egoitzan itxialdi mugagabea hasi dute astelehen goizean hitzarmen berria sinatzeko negoziazioak sustatzeko asmoz. 9 hilabete daramatzate greban, duela lau urte sinatutako lan baldintzen markoa berritzeko eskatuz. Enpresako zuzendaritzak negoziatzeko borondaterik ez duela salatu dute.
Langileak 9:00etan iritsi dira Urnietako lantegira itxialdia hasteko asmoz. Ordurako Ertzaintza fabrikako sarreran zegoen, lantegiko nagusiarekin batera. Arazoak jarri dizkiete langileei, itxialdia egitera sartu ezin zirela esanez. Enpresa batzordea akordio batera iritsi da Ertzaintzarekin eta lantegiaren kanpoaldean jarri dira. Langileak eta batzordeko kideak baino ezin dira sartu lantegira.
12:00tan bi aldeak, enpresa batzordea eta zuzendaritza, elkartu dira negoziaketekin jarraitzeko. Batzordeko presidenteak hitzarmena sinatzen bada lanean jarriko direla baieztatu du.
Bihar ere bilera dute batzordekideek Eusko Jaurlaritzako Industria Zerbitzu saileko zuzendaritzarekin. Arantza Tapia Garapen Ekonomikorako sailburua bertan izango da.
Informazio gehiago:
Giupuzkoako IATen grebak sei hilabete bete zituenean erreportajea eskaini genion astekarian: "Errebisioa behar duen zerbitzu publikoa".
Departamenduko Laborantza Ganbarako hauteskundeen kanpaina abiatu da. Urtarrilaren 14an bozetara aurkezten diren hiru sindikatuen ordezkariekin bi oreneko eztabaida sakona antolatu zuten Euskal Hedabideek, osoki euskaraz.
Sindikatu abertzaleko 100 bat kidek Portuko sarrera blokeatu dute Santurtzin, eserialdi baten bitartez. Ekimen horren bitartez Palestinari elkartasuna erakutsi eta genozidioa salatu dute.
PAIk sortutako biktimak ez dira bakarrik PAIren Legeak eragindako egonkortze prozesuari esker funtzionarizatutako irakasleak, baizik askoz gehiago. Batzuei nolabaiteko ikusgarritasun mediatikoa eman zaie Steilasek jarritako errekurtsoaren ondorioz; gehienak, alabaina, ikusezinak... [+]
ELA, LAB, ESK, Steilas, Etxalde eta Hiruk herri ekimen legegilea aurkeztu dute Eusko Legebiltzarrean eta Nafarroako Parlamentuan, gutxieneko soldata propio baten alde. Lanbide arteko akordio bat lortzeko ekimen bateratuak ere iragarri dituzte. Eusko Jaurlaritzak begi onez ikusi... [+]
Berriz hasi dira laborarien manifestaldiak frantses estatu guzian. Sindikatu desberdinek aldarrikapenak hedatzen badituzte ere, entzun den lehena eta komunikabide nagusietan gomit izan dena, FNSEA "nagusia" izan da. Zer du saltzeko? Gezur andana bat ahal bezainbat boz... [+]
Botere sindikalaren inguruko bigarren azterlana argitaratu du Ipar Hegoa fundazioak. 2016an argitaratu zuen lehena eta, beraz, orain 2016 eta 2023 arteko eboluzioa ikus daiteke. Ondorio nagusien berri emateko prentsa agerraldia egin dute ostiral honetan LABeko koordinatzaile... [+]
"Euskalduna ez den pertsona bat –Nagore de los Rios– hautatu du EITBko zuzendaritza nagusiak Eitb.eus eta Social Media atalerako zuzendari posturako, eta, ondorioz, euskaraz ez dakien pertsona bat izendatu dute helburuen artean euskararen... [+]
Aurrekontuak eta urteko kontuen itxiera, ez da besterik urteko garaiotan; etxeko ekonomiatik hasita, partekatzen ditugun espazio sozioekonomiko gehienetara. Enpresa handiak hasi dira kalkulagailuak ateratzen eta 2025ari begira asmo handiak martxan jartzen. Erakunde eta eragile... [+]
Teslaren aurkako lehen greba –eta bakarra– da munduan, Suedian 2023ko urritik aurrera egiten ari direna. Duela mende batetik hona Suedian egindako grebarik luzeena bihurtu da. IF Metall sindikatua bultzatu du protesta, Elon Musken autogintza enpresak hitzarmen... [+]
Joan den abenduaren 5ean, PPk lege proposamen bat aurkeztu zuen Nafarroako Parlamentuan, Nafarroako toki entitateetako Idazkaritza eta Kontu-hartzailetza lanpostuetan funtzionarizazioa lortzeko prozesuak bereizteko. Hori gertatuko balitz, 30 pertsona inguruk merezitako... [+]
B&B Trends lantegiaren jabeak iragarri du hartzekodunen konkurtsoan jarri duela lantegia, "ondare desegonkortasuna" argudiatuta.
Alemaniatik etorritako goi kargu batek eman die 655 langileei enpresaren itxieraren berria, ohar bat "hoztasunez" irakurrita, eta langileei “lehiakortasun falta” egotzi die. Langileek presazko bilera eskatu diote BSHko operazio arduradun Pepe Justeri, eta... [+]
Zerk motibatuta bultzatzen da bi ikastetxeren arteko fusioa? Nola uztartu norbere eskola-proiektua, eredua eta ibilbidea ondokoarekin? Zein da bidea bi eskoletako hezkuntza komunitateak ados jartzeko? Zein da Eusko Jaurlaritzaren rola?
660 langile ditu ontzi-garbigailuak eta hozkailuak ekoizten dituen lantokiak. Astelehen goizean ezagutu dute Alemaniako zuzendaritzaren asmoa. Enpresa batzordeak langile asanbladara dei egin du.