Iturgaiz, aingura hegoduna

  • PPk historiako emaitzarik txarrenetakoak lortu ditu EAEko hauteskundeetan, baina Carlos Iturgaiz, alderdiaren Madrilgo aparatuak inposatutako zerrendaburua, euforiko agertu da uztailaren 12ko emaitzak baloratzera.


2020ko uztailaren 12an - 23:37
Carlos Iturgaizek positiboki baloratu ditu PP-Cs-en emaitzak.

PPko Raquel Gonzálezek ez zuen dena galdutzat ematen 21:30ak aldera. Lehenbiziko emaitza ofizialak eskuan, bere alderdiaren eta Ciudadanosen arteko koalizioak kolpe handi samarra hartuko zuela ikusten zen arren, eskuineko partiduaren Bizkaiko presidenteak zenbaketan jarri du letra larria: “Oraindik %50 bakarrik zenbatu da eta gauza asko gerta daitezke gaur. Abstentzioak asko kezkatzen gaitu, denok galdetu beharko genuke zergatik gertatu den hori”, adierazi du. Eta hitzaldi laburra bukatzeko, zera gaineratu du: “Gure hautagaiak egingo du balorazioa gauaren amaieran”.

Gauzak horrela antolatuta edukiko zituzten segur aski, baina hauteskunde hauetan PPk eta Cs-ek lortutako emaitza txarren aurpegia Carlos Iturgaiz izango zela azpimarratzea agian ez da detaile hutsala, kontuan izanda santurtziarra lehendakarigai bihurtzea Madrildik egindako inposizioa izan dela EAEko PPrentzat; eta Gonzálezek berak zuzenean pairatu duela Pablo Casadok alderdiari emandako “Ultras Sur” ildoa, iaz Bilboko Udaleko ordezkarien brindis batean parte hartzeagatik –besteak beste EH Bilduko ordezkariekin– kritika gogorrak jaso baitzituen Genovatik. Ez da giro EAEko PPn azkenaldian, mapatik desagertu diren Semper, Quiroga edo Alonsorekin akordatzea besterik ez dago.

Emaitza txarrak, beraz: Ciudadanosekin bat eginda ere, lau eserleku galdu ditu PPk 2016ko hauteskundeekin alderatuta. Duela 30 urteko emaitzetara itzuli da; eta Alianza Popularren garaietara joan behar da uztailaren 12 honetakoak baino emaitza txarragoak aurkitzeko.

Baina atera da Iturgaiz 23:00ak jo baino pixka bat lehenago kameren aurrera, eta xanpain botila burutik behera hustea bakarrik falta izan zaio, hain zegoen energiko: “Inkestei irabazi diegu, denek ematen zizkiguten bost eserlekutik behera”, egin du aldarri. Ondoren, José Félix Tezanos aipatu du izen-abizenez: eskuinaren jo-puntuan dago aspaldi honetan Espainiako Ikerketa Soziologikoen Zentroko (CIS) presidentea, PSOEren aldeko emaitzak aurreratzen dituelakoan. “Botoen %2,8rekin legebiltzarretik desagertuko ginela esan zuen Tezanosek eta hemen gaude”, esan du popularren zerrendaburuak.

Abstentzio handiarengatik kezkatuta agertu ondoren, Eusko Jaurlaritzari leporatu dio parte hartze baxua. Eta segidan, bere ohiko errepertorioa jotzen hasi da –a cappella, hori bai–: “Abstentzio horrek erraztu du hemendik aurrera parlamentuaren lau bosten abertzaleak izatea. Batzuek Bildu zuritzen eta erabiltzen dute, biolentzia kondenatzen ez duten horiek, alegia; eta horrek bakarrik balio du Bildu indartzeko”.

Hizketan jarraitu ahala indarra hartzen joan da Iturgaiz: Alberto Nuñez Feijook Galizian lortutako gehiengo absolutuaz poztu ondoren, EAEn ere seigarren eserlekua lortzeko aukerak dauzkatela ohartarazi du, gogoratzeko azkeneko Espainiako bozetan Bea Fanjulek nola eskuratu zuen eserleku bat posta bidezko botoa zenbatu ostean. Hitzaldiaren unerik gorenera iritsita, PP eta Cs “zentro-eskuin konstituzionalistaren indar nagusia” direla esatera iritsi da.

Carlos Iturgaiz aingura hegoduna baita: erortzen bada ere, gorantz erortzen da.


Kanal honetatik interesatuko zaizu: EAEko hauteskundeak 2020
2020-09-01 | Ramón Grosfoguel
Juan Carlos Monederori erantzuna: Podemos alderdiaren jokabide kolonialista

AEBetako Berkeley Unibertsitateko irakaslea eta pentsamendu dekolonialean aditua da Ramón Grosfoguel. Artikulu honetan, Galiziako BNGren eta Euskal Autonomia Erkidegoko EH Bilduren azken hauteskundeetako emaitzez iritzia ematen du, Podemos alderdiko Juan Carlos... [+]


2020-07-20 | Karmelo Landa
Non dago, baina, zure garaipena

Hauteskundeak izan dira oraingoan Euskal Herriaren mendebalde honetan, eta horien ondoren gerta ohi denez, erabateko garaipen loriatsua (auto)aldarrikatzera abiatu da prestu irabazten lar ohituta dugun EAJ.

Luza dakioke gaur EAJri esaldi klasikoan egiten den galdera: Non dago... [+]


2020-07-20 | Z. Oleaga
“Penko” kolektiboa EAEko hauteskundeetan

Demokrazian penko, suspentso, kate, gutxiegi. Politika egiteko oinarritzat hauteskundeak eta bozak dituen jendarte batek hori esan beharko lioke bere buruari herritarren erdiak "festan" parte hartu ere egiten ez duenean, ezta?


2020-07-17 | ARGIA
EH Bilduren eta PP+C's-en artean jokoan zegoen Bizkaiko eserlekua, eskuinarentzat

Atzerrian bizi diren Euskal Herritarren botoak zenbatu ostean, PPk eta Ciudadanosek eratutako koalizioak bereganatu du Bizkaiko 25. eserlekua.


2020-07-15 | Juan Mari Arregi
Eskuineko eta ezkerreko politikak daude

Iñigo Urkullu jarduneko lehendakariak eta bere alderdiak hauteskunde kanpainan esan dutenez, “ezkerrekoak eta eskuinekoak jada ez dira existitzen”. Gaur egun EAEn nagusi den politikaren alternatibarik existituko ez balitz bezala, hau da, ez balego bezala... [+]


2020-07-14 | Aritz Galarraga
HUMANITATEAREN UNE GORENAK
Bozkaleku baten agortze saiakera

Data: 2020ko uztailaren 12a (igandea). Ordua: 13:00. Tokia: H. herriko bozkaleku nagusiko kanpoaldean dagoen banku bat. Eguraldia: orduak iraun dituen euri jasa baten azken tantak. Jende mugimendu etengabea atarian. Talde handirik ez. Gehienak banaka, binaka, trioren bat... [+]


U12: hauteskundeen lehen analisia

2020ko uztailak 12ko Eusko Legebiltzarrerako hauteskunde emaitzak esku artean ditugu eta horiek aztertzeko asmoz hiru artikulu idatziko ditugu, gaurkoa lehenengo izango da interpretazio deskriptibo-orokor bat eskaintzeko:


2020-07-13 | Axier Lopez
Normaltasun berriak zahar usaina du

Jokaldia ondo atera zaie. EAEko hauteskundeak Kataluniakoekin, eta batez ere, erabakitzeko eskubidearekin, talka ez egiteko aurreratu zituzten aurrena. Koronabirusak uztailera arte atzeratu du bozkaketa, baina helburua lortu dute boterean jarraitu nahi zuten alderdiek: orain... [+]


Gipuzkoa EAJ eta EH Bildu artean banatu dute ia, lehia estuan

Euskal lurraldeen artean, EAJren eta EH Bilduren lehia-gune handia da Gipuzkoa. 2012ko Eusko Legebiltzarrerako hauteskundeetan EH Bilduk irabazi zuen ozta-ozta, 2016koetan EAJk aise eta 2020koan ezker abertzaleko alderdia jeltzaleengandik oso gertu egon da. Abstentzio handia... [+]


2020-07-12 | ARGIA
Andoni Ortuzar (EAJ)
“Kolaborazio ziklo berri bat behar dugu krisitik ateratzeko”

EAJk irabazi ditu hauteskundeak eta 31 legebiltzarkide lortu ditu, 2016ko hauteskundeetan baino hiru gehiago. Andoni Ortuzarrek Iñigo Urkullu jo du krisitik ateratzeko gidaritzat, eta alderdi politiko guztiei eta euskal gizarteari egin die elkarlanerako eskaintza.


2020-07-12 | ARGIA
Ordizian EH Bildu garaile botoen %45ekin

Ordizian parte-hartzea nabarmen handiagoa izan da bataz-bestekoa baino: %55,92k eman du botoa eta EH Bilduk irabazi ditu Legebiltzarreko hauteskundeak herri honetan. 1.747 (%45,3) boto lortu ditu, eta bigarren indarra izan den EAJk, berriz, 1.268 (%32,88). Duela lau urteko... [+]


2020-07-12 | Mikel Eizagirre
%53ko parte hartzea Eusko Legebiltzarreko hauteskundeetan, inoizko baxuena

Abstentzio-tasa %47koa izan da, 2016an baino baino %7 handiagoa.


2020-07-12 | ARGIA
Maddalen Iriarte (EH Bildu)
“Gure baloreekin bat egiten duen gero eta jende gehiago dago”

EH Bilduko lehendakarigai Maddalen Iriarte “oso oso pozik” agertu da koalizio abertzaleak izandako emaitzekin. Bere esanetan emaitza horiek “aldaketa baten hasiera baino ez” dira.


Eguneraketa berriak daude