Hondakin organikoak konpost bihurtzen aitzindaria den Itsasuko (Lapurdi) Loreki kooperatibak biomasa erregaia ekoizteko lantegi berria estreinatu du Landetako Hastinga (frantsesez Hastingues) herrian, Euskal Herriko mugan bertan. Basoetako egurrarekin eta Landetako pinudietako inausketen eta mozketen soberakinekin bio-erregaia hasi da ekoizten ospitaleak, ikastetxeak edo auzuneak berotzen dituzten kalderetarako.
Hego Euskal Herrian Diario Vascok eta hondakinen errausketaren aldeko indarrek egin zuten arren famatu Loreki ("El PSE denuncia que Hernani, Oiartzun y Usurbil quieren «exportar» basura a Francia"), askoz lehenagotik zen Itsasuko kooperatiba ez hain txiki hau energia berriztagarrietan erreferentzia. 1985ean sortua, hirietako hondakin organikoak (etxe eta komertzioetatik atez ate bilduak, baina baita lorategietako inausketen hondarrak ere) konpost bihurtzen aitzindari izan dira. Hogeita hamar urte beranduago, basoetako inausketa eta bestelako egurrak berokuntzarako biomasa gisa aprobetxatzeko lantegi berria sortu dute Landetako Hastingan, Euskal Herriaren mugan bertan, Baionatik Pauerako autopista bazterrean.
Lorekiko arduradunek Astingues hautatu izana ez da kasualitatea. Aspalditik daukate Itsasukoaz gain Paue-Leskarren ere beste lantegi bat, han atez ate bildutako hiri hondakinak konpostatzeko. Biomasaren iturri nagusia Landetan daukate, eskualde honetako pinudi zabaletan erruz metatzen baita kimaketen adar-jendea bezala entresaketako egurra. 2009an Landetako basoak txirtxilatu zituen Klaus ekaitzak ere milaka metro kubiko egur utzi ditu alferrik galtzeko zorian, orain Lorekik berokuntza kolektiboetako kalderetarako aprobetxatuko dituenak. Bestalde, eraikuntza nagusiaren teilatua baliatu dute zentral fotovoltaiko gisa funtzionatu dezan.
Kanaldude telebistak bideo honetan bildu du Lorekiko Artzai Mendiburuk Hastingako usina berriaz egindako azalpena inaugurazio ekitaldian.
Hondakinak tratatzeko Artaxoako plantara Zubietako erraustegitik milaka tona lixibiatu modu ilegalean eraman izanaz galdetu dio EH Bilduko parlamentari Mikel Oterok, Eusko Jaurlaritzako Industria, Trantsizio Energetiko eta Jasangarritasun sailburu Mikel Jauregiri. Iragan... [+]
Donostiako Udalak iragan osteguneko udalbatzarrean iragarri zuen moduan, zaborren tasa % 26,5 igoko du, 2025eko urtarriletik aurrera, Hondakinen 7/2022 Legeak horretara behartzen duela argudiatuta. Eguzkik, ordea, salatu du legea kostuei begira aplikatzen duela soilik, eta... [+]
Mikel Jauregi sailburuaren esanetan Eusko Jaurlaritzak ez du "inolako arau hausterik atzeman" Ekondakinek Zubietako erraustegitik Artaxoako zabortegira bidalitako lixibiatuetan. Hala, ez du sozietate publikoa zigortuko, Nafarroako Gobernuak eskatu bezala.
Zubietako erraustegitik Artaxoara eramaten zituzten lixibiatuengatik, Ekondakini zigor espedientea irekitzeko eskatu zion ekainean Nafarroako Gobernuak Eusko Jaurlaritzari.
Berrerarabili, zaharberritu, konpondu, eraldatu… Behar duguna baina gehiagorekin bizi garelako agian…
Nafarroako Ecofert Sansoain enpresa itxita dago 20.000 tona hondakin toxiko legez kanpo jasotzeagatik Zubietako (Gipuzkoa) erraustegitik eta Tuterako (Nafarroa) Oleofat enpresatik.
Artaxoako Ecofert enpresara baimendu gabeko hondakinak eramateagatik, Zubietako Ekondakin enpresari zigor-espedientea abian jartzeko eskatu dio Nafarroako Gobernuak Eusko Jaurlaritzako Ingurumen Sailari. Jose Maria Aierdi Nafarroako Ingurumen kontseilariak jakinarazi duenez,... [+]
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
2022an errekor historikoa hautsi zen Espainiako Estatuan, ia 8.700 milioi litro ontziratu baitziren, Geologia eta Meatzaritza Institutuaren estatistikaren arabera. Aurreko urtean baino 580 milioi gehiago dira horiek, eta 2019an ezarritako mugarria baino % 4,8 gehiago.
Sektoreko enpresek hamarkadak daramatzate praktika sustatzen, nahiz eta ebidentziak izan ez dela bideragarria, Center for Climate Integrity-ren ikerketa baten arabera.
Zaldibar Argitu plataformak ekitaldia egin du igandean. Ez dago berririk “euskal oasian”, adierazi dute, “Eusko Jaurlaritzak dena ondo egin zuela errepikatu zuen”.
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.
Artaxoako konpostatze plantara Gipuzkoatik Nafarroara bidalitako lixibiatuek Nafarroako Gobernuko eta Gipuzkoako Diputazioaren arteko hika-mika piztu dute. Ostegun honetan Jose María Aierdi kontseilari nafarrak gaitzetsi egin ditu atzo José Ignacio Asensio diputatu... [+]