Itsasoaren igoerari aurre egiteko urgentziazko deia estatu aberatsenei, Pazifikotik
Itsasoaren heina 9,4 zentimetroz igo da azken 30 urteetan, baina guneka anitzez handiagoa da igoera –besteak beste, Pazifikoko eremu batzuetan 15 eta 30 zentimetro artekoa da–. Beroketa efektuko gasen isurketak ttipitzeko eta klima larrialdiari aurre egiten laguntzeko dirulaguntzak bideratzeko deia luzatu diete munduko herri aberatsenei Pazifikoko Irlen Foroaren baitatik.
"Ozeanoen beroketa bizkortu egin da azken hamarkadetan. Inoiz ez dira 2023an bezain beroak izan ozeanoak. Beroketa horrek eta izotz-geruzaren ttipitzeak dakarte mundu mailako itsasoaren heinaren igoera". Horra Nazio Batuen Erakundearen Munduko Meteorologia Erakundearen abisua. Itsasoaren heina 9,4 zentimetroz igo da azken 30 urteetan, baina guneka anitzez handiagoa da igoera –besteak beste, Pazifikoko eremu batzuetan 15 eta 30 zentimetro artekoa da–.
Tongako Erresumako hiriburuan abiaturiko Pazifikoko Irlen Foroaren kari plazaratu dute datua. Errealitateak datuak berretsi nahi balitu bezala, 6,9 graduko lurrikarari aurre egin behar izan diete foroaren lehen egunean. Hemezortzi estatu biltzen ditu topaketak, eta horien artean anitz dira itsasoaren igoerari aurre egin ezinean. Adibidez, Tuvalu irlaren puntu gorena 4,6 zentimetroetara da eta egoerak berdin segituz gero, hemendik 30 urtera hiriburuaren erdia erabat desagerturik izanen dute marea goraz eta hemendik 80 urtera irlaren %95ak erregularki pairatuko ditu uholdeak.
1971tik berotegi-efektuko gasen isuriek metatutako gehiegizko beroaren % 90 baino gehiago xurgatu dute ozeanoek, orain arteko oreka erabat desorekatuz. Itsasoko uren beroketa kezkagarria da, itsasoaren igoeraz gain bestelako ondorio meteorologikoak dakartzalako ere (uholdeak, tenpestak, zikloiak eta abar). Hori horrela, klima aldaketaren ondorioei aurre egin beharrean dabiltza egunerokoan mundu mailako milioika herritar. Klima larrialdian gutxien eragiten dutenak dira, ordea. Injustizia hori azpimarratu nahi izan du bertan egon den NBEko idazkari nagusi Antomio Guterresek ere.
Klima justizia
Ondoko mezua luzatu nahi izan du Guterresek: "Mundu mailako arduradunek hartuko dituzten erabakien araberakoa izanen da Pazifikoko irlen geroa, baita munduarena ere. Pazifikoa salbatzen badugu, orduan mundua salbatuko dugu". Mundu mailako herri aberatsenak batzen dituen G20 taldeko estatuen esku da nagusiki aldaketa, hain zuzen, horiek direlako arazoaren erantzule: isurketen %80aren oinarrian dira.
COP28 gailurrean hitz emandakoa betetzeko deia egin diete Pazifikoko estatuek herri aberatsenei. Hala nola, klima larrialdiari aurre egiteko dirulaguntzak bideratzeko engaiamendua errespetatzeko beharra azpimarratu diete. Pacific Resilience Facility izeneko diru fondoa adosturik badute ere, oraingoz hitz emandakoa ez da betetzen: 2026rako 500 milioi dolar bideratu behar dituzte, baina oraingoz 116 milioi dituzte jarrita. "Isurketen %0,02aren oinarrian dira Pazifikoko herritarrak, eskandalagarria da krisi klimatikoa beraiek pairatzea", 350.org GKEko kide Savio Carvalhoren hitzetan.
Dena dela, argi daukate itsasoaren igoerari aurre egiteko azpiegiturak ez direla nahikoak izanen eta benetako aterabidea beroketa efektuko gasen isurketaren gutitzean dutela. GIEC Klima Larrialdiari Buruzko Gobernu Arteko Taldeak behin eta berriz azpimarraturik du gradu bakoitzak duela bere garrantzia: 1,5 graduko beroketa izan beharrean 2 gradukoa baldin bada, orduan 10 zentimetroz handiagoa izango dela uren igoera.
Agorrilaren 30ean emanen diote bukaera Pazifikoko irlak batzen dituen foroari.
Muturreko lehorte eta euriteak normaltasun berria bilakatu zaizkigu. Areagotzen dituzten kalte ekonomiko eta ekosistemikoen artean, laborantzak pairaturikoak ez dira txikienak. Bereziki, lehorte garaietan zaluegi idortzen diren edota eurite handietan ur guzia xurgatu ezin duten... [+]
Elur faltak eski estazio ugari kinka txarrean jarri ditu, klima larrialdiaren ondorioz. Baina paisaiari eta naturari ahalik eta etekin ekonomiko handiena ateratzeko batzuen logikak hor jarraitzen du, eta goi mendietan musika festibal erraldoi eta garestiak antolatzea da azken... [+]
220km/h baino abiadura handiagoko haize-boladek astindu dute Frantziako kolonia den Mayotte uhartea. Funtsezko azpiegiturak suntsitu, eta irlaren zati handi bat inkomunikaturik utzi du; biktimen zenbaketa zaildu du horrek. “Premiazko neurriak” hartuko dituela iragarri... [+]
Plastiko kutsadurari konponbide bat adosteko goi-bilera zikloa bukatu berri dute, Hego Koreako Busan hirian iragandako bosgarren gailurrean ere porrot eginda: hitzarmenik adostea ez dute lortu, nagusiki plastiko esportatzaile handiek negoziaketak oztopatu dituztelako. Bitartean,... [+]
Bilboko Zirika! herri gunean eginen dute banaketa, ostiralean 19:00etan. Fanzine bidez eta sare sozialetan zabalduko dituzte partehartzaileen testuak, eta irabazlearena argitaratuko du ARGIAk.
Azken hamar urteetan turismoak eragindako CO2 isurketen emendioa ekonomia orokorrarena baino bi aldiz handiagoa izan da. Nature Communications aldizkari zientifikoak abenduaren 10ean plazaratu ikerketaren emaitzak dira.
Hizkuntza matematikoa ondo ulertu eta interpretatzeak badu garrantzia ikasketa prozesuan; horixe esan ohi diegu guk geure ikasleei, bederen. Matematiken lengoaia unibertsala da, eta oro har, interpretaziorako errore marjina txikia izan ohi da. Nekez marraztuko genuke hiruki bat... [+]
Bide honetatik jarraituta, mende amaierarako, 5.000 milioi pertsona baino gehiago biziko dira lur idorretan. Arazo humanitario, ekonomiko eta sozial ugari eragingo lituzke horrek.
Duela gutxi, larrialdi klimatikoa zertan zetzan galderaren aurrean, zientzialari batek erantzun bikain hau eman zuen: “Begira, larrialdi klimatikoa hauxe da, zure mugikorrean muturreko fenomeno meteorologikoei loturiko gero eta bideo gehiago ikusten dituzu, eta konturatzen... [+]
Hegosudandar gehienak txirotasun larrian bizi izan dira azken bi mendeotan gutienez, eta zoritxarrez, estatu independente bihurtzeak ez die egoera hobetu, munduko herrialde txiroena baita, hainbat gerra tarteko. Testuinguru oso hauskor horretan klima aldaketak zailtasun berri... [+]
Azken asteotan, arkitekturan dihardugunontzat ez da posible izan Valentziako klima gertaera gure lan hizketaldira ez ekartzea. Uraren ibilbidea eraikinen estalkietan, estolderietan, plazetan eta parkeetan pentsatu eta diseinatu behar ditugulako. Ongi dakigu giza eskalako ur... [+]
COP29 hasi da astelehen honetan Bakun, Azerbaijanen hiriburuan. 197 herrialde dira foro honetako kide eta horiez gain mundu osoko sare zibilaren milaka pertsona hurbilduko dira bertara, gobernuen jarduna jarraitzeko. Aurtengo gai izarra finantzazioa izango da.
Copernicus ingurumen behategiaren arabera 2024ak errekorra hautsiko du Lurreko tenperaturari dagokionez, eta hori bakarrik ez, industria aurreko garaiko batez bestekoa baino 1,5ºC altuagoa izango da lehen aldiz.
Gero eta egoera larriagoan daude munduko oihanak, klima aldaketak ekarritako bero uhin eta lehorteek bultzatzen dituzten suteengatik, bertzeak bertze. Latitude ertain eta borealetan klima jadanik aldatu arren, oihanak orain arte oso guti prestatu ditugu aldaketari, batez ere... [+]
Valentzian denboraleak eragindako hildakoen eta kalteen atzean faktore meteorologiko hutsak daudela pentsatzea inozoegia litzateke. Generalitateak larrialdia nola kudeatu duen salatu du askok, baita multinazionalen negozio egarria lehenetsi dela ere. Eta gune pobreenak kaltetu... [+]