Italiako Poliziaren “arraza-profilak” eta torturak salatu dituzte
Poliziek arrazaren araberako "profilak" egiten dituztela azaldu du Europako Kontseiluaren txosten batek, eta komisarietan pertsona migranteek eta ijitoek arrazismo sistematikoa pairatzen dutela seinalatu. Melonik poliziak babestu ditu: "Gure polizia-indarrek arduraz egiten dute lan".
"Arraza-profilak" egiten ditu Poliziak Italian, pertsona ijitoekin eta jatorri afrikarrekoekin, bereziki. Hala nabarmendu du Europako Kontseiluaren Arrazismoaren eta Introlerantziaren aurkako Komisioaren (ECRI) txosten batek, poliziek filtro arrazisten araberako atxiloketak eta kontrolak egiten dituztela ondorioztatuta. "Gizarte zibilak eta hainbat antolakundek horren berri eman dute", diote txostenean. Baina mugatuak omen dira jazarpen horri buruzko datuak, eta polizia-indarrek ez omen dute "arazoaren tamaina" erakutsi nahi.
Italiako poliziek pertsona arrazializatuak eta LGTBI kolektiboko pertsonak bereziki jazartzen dituztela salatu izan du askok, ASGI and Medi Study Centre Genoa erakundearen ikerketa baten esanetan. Inkestatutako migranteen %45,8k jakinarazi zuten nolabaiteko diskriminazioa edota arrazismoa pairatu izan dituztela komisarietan, eta aztertutako instituzio eta espazio publiko guztien artean, polizia-etxeak omen ziren diskriminatzaileenak.
Pertsona migratzaileek salatu zuten, besteak beste, poliziek arrazoirik gabe ukatzen dizkietela asilo-eskaerak, dokumentazio pertsonala suntsitzen dietela, iraindu egiten dituztela edota jo egin dituztela.
Torturak eta kanporatzeak, sistematikoak
Pertsona ijitoen aurkako jazarpen poliziala eta erasoak, zehazki, etengabeak dira Italian. 2017 eta 2021 artean, ijitoen 187 etxebizitza edo bizitoki hustu zituen Poliziak, eta, beraz, gutxienez 3.156 pertsona etxegabetu zituen. European Roma Rights Centre (ERRC) erakundeak ohartarazi duenez, "jendeak uste duena baino kaleratze gehiago dago", eta gutxienez astean behin etxegabetzen omen dute ijitoren bat.
Torturen eta bestelako tratu txarren berri ere eman dute. Iaz, adibidez, Veronako bost polizia atxilotu zituzten, pertsona migranteak eta etxerik gabekoak jotzeagatik eta torturatzeagatik. Kasu batzuetan, poliziek piper-gasa botatzen zieten begietan, eta buruan ostikadak ematen zizkieten, konorterik gabe utzi arte. Beste batzuetan, berriz, identifikatuak izaten ari zirela, lurrean pixa egitera eta gainean etzatera behartzen zituzten. Tratu txar horiek behin eta berriro eman zituzten atxilotutako agenteek, 2022ko uztailetik 2023ko martxora arte, gutxienez.
Kasurik entzutetsuena, hala ere, Hasib Omerovicena izan zen. Ijitoa zen Hasib, eta gorra jaiotzez. 2020ko uztailaren 25ean, 36 urte zituela, legez kontrako sarekada bat egin zuen bere etxean Poliziak. Bertsio ofizialaren arabera, etxeko leiho batetik "jausi" zen Hasib, bederatzi metroko altueratik amilduta. Epaileak polizien kontakizuna babestu zuen.
Hasiben arrebaren lekukotza, baina, oso bestelakoa izan zen. Etxean zegoen sarekada gertatzean, eta, salatu zuenez, kalez jantzitako hainbat poliziak "dokumentuak eskatu zizkioten Hasibi, makil batekin kolpatu zuten, eta ostikadak eman zizkioten". Bere logelara ihes egin zuen, baina agenteek "kolpatu eta leihotik bota zuten".
Gobernuaren babesa dute poliziek
Txostenaren berri izatean, Giorgia Meloni lehen ministroak Poliziaren defentsa sutsua egin zuen: "Gure polizia-indarrek arduraz egiten dute lan". Matteo Salvini eta Antonio Tajani lehen ministro-ordeek ere Poliziaren alde egin zuten, eta txostena kritikatu zuten. Haien ustez, agenteei "eraso die ezgauza den organismo baten txostenak". "Ijitoak eta immigrante ilegalak hain gustuko badituzte, Estrasburgoko euren etxeetara eraman beharko lituzkete", esan dute agintari faxistek.
Arrigorriagako Udalak elkarretaratzea egin du igandean udaletxeko plazan, ostiralean txinatar jatorriko merkatari batek bere dendan jasandako erasoa salatzeko eta biktimari babesa adierazteko. Horrez gain, Ipar Euskal Herriko Kontseilu Sozialistak elkarretaratzea antolatu du... [+]
Badatoz urteko asterik magikoenak, edo hobe esanda, kontsumistenak. Askori gustatuko litzaieke opariak Olentzeroren zakutik jasotzea, zerutik erorita bezala, baina errealitatea da Gabonetan gure zakutxoak direla gehien sufritzen dutenak, poltsikoak hustuta hasten dugula urtea... [+]
.jpg)
Sortu berri duten organoaren eginkizun nagusien artean daude, besteak beste, diskriminazioaren aurkako politikak sortzea, migratzaileen eta gutxiengo etnikoen elkarteen parte hartzea sustatzea, Nafarroako arrazakeriaren egoera globala aztertzea, eta Arrazakeriaren eta... [+]
Kasua auzitegietara eramateko aukera aztertzen ari dira.
Irutxuloko Hitzak asteartean parte hartu zuen Hordago - El Saltok antolatutako mahai inguruan, Hibai Arbide, Lucia Mbomio, Xalba Ramirez eta Miriam Najibi kazetariekin.
Azkenaldian nabarmen areagotu dira kutsu arrazistadun mezuak San Inazio auzoko Facebook taldean. Kalean lapurretak ugaritu ei direla-eta, auzokideen erantzuna bazterketa eta miseria egoeran daudenak kriminalizatzea, polizia gehiago eskatzea eta auzoko segurtasun brigadak... [+]
Andoaingo institutuan izan da Pape Niang, bere migrazio-esperientzia kontatzen. 16-18 urteko gazteek, aurrez Pape Niang, hasiera berri bat liburua irakurria zuten ikasleek, jakin-minez, gogoetez eta galderez bete dute aretoa. Bejondeiela, pertsona kritikoak heztea baita... [+]
Londres, 1928. Victoria and Albert Museum-era koadro berezi bat iritsi zen dohaintzan: margolanean gizon beltz bat ageri da, ileordea eta lebita jantzita, liburuz eta tresna zientifikoz inguratua. Museoan horrela katalogatu zuten: “Erretratu satiriko bitxia, beltzen... [+]
2018ko maiatzean Getxoko Ertzaintzaren komisarian jipoitu zuten Silvia emakume migratu eta arrazializatua, bidegabeki atxilotu ostean. Epaiketan zigor arinak ezarri zizkioten ertzain bati, baina emakumea ere zigortu zuten desobedientzia leporatuta. Silviak Espainiako Epaitegi... [+]
Azken asteetan albiste izan da Gasteizko Errota auzoa, urriaren 8az geroztik delinkuentziaren aurkako eta segurtasunaren aldeko mobilizazioak egiten baitituzte zenbait auzokidek asteartero, bi lonja huts okupatu zituzten gazte migratzaile batzuk jo-puntuan jarrita. Inguruan... [+]
Mundu-mailan antifeministak eta arrazistak diren gorroto-diskurtsoak larriki areagotzen ari diren testuinguruan bizi gara. Mundu zabalean sare sozialek zein agenda
politikoek txertatzen dituzte eskuin-muturreko narratibak. Arrazismoa eta antifeminismoa tokian tokiko... [+]
Bere Telegram kanalaren bidez jakinarazi du ez dituela deialdi erreakzionario gehiago egingo oraingoz. Aurreko larunbatean, nabarmen egin zuen porrot Eason antolatu zuen kontzentrazioak, eta agerian geratu da kontramobilizazioen eraginkortasuna.
Lo Que No Te Cuentan de Donosti-k 30 pertsona soilik batu zituen Easo plazan larunbatean, eta haren aurkako deialdi antifaxistak 300. Bestalde, Gasteizko Errota auzoko mobilizazio arrazisten sustatzaileek auzotik irten eta Gasteiz mailako mobilizazioa deitu zuten iragan... [+]
Lo Que no te Cuentan de Vitoria eta Lo Que no te Cuentan de Pamplona Telegram taldeak sortu ditu Lo Que no te Cuentan de Donosti taldearen administratzaileetako batek berriki. Gasteizko kontuak ez du jarduerarik momentuz, baina Iruñekoak 500 jarraitzailetik gora ditu eta... [+]
Lo Que No Te Cuentan De Donosti taldeak mobilizazio berri bat antolatu du datorren astelehenean, hilak 11, Amara Berrin, Kaleko Afari Solidarioak banatzen diren ordu eta leku berean. Hiriko hainbat eragile antifaxista eta antirrazista batzen dituen plataformak... [+]