ITA aerolinea publikoa sortu du Italiako Gobernuak, Alitalia konpainia pribatua itxi ondoren
Hegazkin enpresa pribatuak 1.300 milioi eurotik gorako laguntza publikoak jaso ditu, baina porrot egin du. Konpainia nazional batek hartuko du bere lekua urriaren 15etik aurrera. 7.000 behargin lanik gabe geratu daitezke itxierarengatik.
Alitalia hegazkin konpainia itxi, eta bere lekuan ITA (Italia Transporto Aereo) aerolinea publikoa sortu du Italiako Gobernuak. Enpresa pribatuak diru eta laguntza publikoak jaso dituen arren, galera ekonomiko handiak izan ditu, eta 2017tik egon da konkurtso-administrazioan. Negoziazio luzeak egon dira ordutik Gobernuaren Europako Batzordearen artean, konpainia nazionalizatzeko.
Elkarrizketak uztailaren 5ean bukatu zituzten, eta abuztuaren 18an jaso zuen ITA aerolinea berriak Aire Operadore Ziurtagiria eta Aire Garraioa Ustiatzeko Lizentzia. Urriaren 15ean hasiko dituzte lehen hegaldiak; Alitaliak ateak itxiko dituen egun berean.
Halere, itxiera hori ez da erraza izango. Konpainia pribatuko 10.000 langileek enpresa berrira lekualdatzeko eskatu dute, baina ITAk adierazi duenez, 3.000 behargin baino ez ditu hartuko lehen faserako. Gainera, soldatak murriztu egingo dizkie gelditzen direnei.
Irailaren 24an grebarako deia egin dute postua mantendu nahi duten langileek. Italiako garapen ekonomikorako ministro Giancarlo Giorgettik kalteak saihesteko “ahal duten guztia” egingo dutela azaldu du, baina egoera “oso konplexua” dela. Fabrizio Cuscito Italiako garraio langileen federazioko idazkari nagusiak “gobernu mailako eztabaida” zabaltzeko eskatu dio administrazio publikoari: “Erantzunak eskatuko ditugu, [negoziazio] mahaietan egongo gara”.
Inbertsio publikoa
Nazionalizatutako aerolineak 1.500 milioi euroko laguntzak jasoko ditu Gobernutik, eta ez ditu Alitaliak urteotan pilatu dituen zorrak oinordetuko. Horietako asko kutxa publikotik bereganatu ditu porrot egindako konpainiak: 1.300 milioi eman dizkio Italiako estatuak, eta azken urtean, 300 milioi poltsikoratu ditu pandemiari aurre egiteko Bruselako laguntzetatik.
ITAk Alitaliak jarduteko erabili izan dituen bitarteko berdinekin hasiko du lana, baina negozioa zabaltzeko asmoa du. Momentuz, konpainiaren 52 hegazkin baliatuko dituzte (2022aren amaieran 22 izatea nahi dute, eta 2025ean, 105 inguru) eta 45 norako eskaini (2025ean, 74 izatea aurreikusi dute).
Erreparazioa Alitaliako bezeroei
Urriaren 15etik aurrera, ordea, operatzeko dena prest izango dute. Jadanik hasi dira hegaldi-txartelak saltzen, baina Alitalia konpainiaren lekua hartu arren, ez dira aerolinea horrek lehenago saldu dituen bidaien kontu egingo. Guztira 250.000 bezero daude kaltetuta.
Urriaren 15a eta gero Alitaliarekin hegaldi bat erreserbatu duten bidaiariek urriaren 14ra arte izango dute txartelak aldatzeko edo dirua itzultzea eskatzeko aukera. Data hori baino lehenagoko egun batera eraman dezakete hegaldia kostu gehigarririk gabe, norako bera mantenduz gero. Beste norako bat aukeratzen badute, prezioa aldatu egin daiteke: hegaldia garestiagoa bada, gehiago ordaindu beharko da; merkeagoa bada, diferentzia ez da bueltatuko.
"Ez dugu aukerarik, hauxe da gure lantokia. Eusten saiatuko gara ". Itxiera eragozteko, Italiako fabrika bateko langileek "industria behetik birmoldatzearen" aldeko apustua egin dute, ekoizpen-bitartekoak beraiek kontrolatuta. Kanarietako energia-komunitate... [+]
Langile migratzaileek indarkeria, lanaldi luzeak eta ordainketa eskasak modu ohikoan jasaten dituzte, Europako bederatzi estatutan egindako ikerketa baten arabera. Gutxienekoa baino soldata baxuagoak jaso ohi dituzte ia estatu guztietan, eta emakumeek are soldata baxuagoak.
Igandean egin du erreskatea Aita Mari salbamendu ontziak. Azaldu dute Siriatik etorritakoak direla gehienak, baina badaudela haien artean Egiptotik, Nigeriatik eta Bangladeshtik etorritakoak ere. Aita Mari ontziari Ravennako portuan lehorreratzea agindu dio Italiako... [+]
Calabriako (Italia) kostaldetik 120 miliatara hondoratu da astelehenean ontzi bat eta erreskate lanetan, haurdun zegoen emakume bat hil da. Libiatik gertu beste ontzi batean, ura sartu eta hamar pertsona hil dira sotoan. Desagertuen artean gutxienez 26 ume daude.
1991n Alpeetan Ötziren gorpua aurkitu zutenetik, egoera oso onean kontserbatutako 5.000 urteko arrastoak ikerketa asko egiteko erabili dituzte. Hasieratik arreta eman zuten azalean zeuzkan 61 tatuajeek. Adituek uste zuten tatuaje horiek azalean ebaki txikiak eginda eta,... [+]
2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]
Venezia, 1459ko apirilaren 24a. Fra Mauro monje eta kartografoak bere munduko mapa amaitu zuen San Michele de Murano monasterioan zeukan kartografia tailerrean. Portugalgo errege Alfontso V.aren enkarguz egin zuen lan hura, eta, mapa amaitu bezain pronto, Portugalera bidali... [+]
Paduako (Italia) unibertsitateko ikerlari talde batek Iranen 2001ean aurkitutako harrizko ontzi txiki bat aztertu du. Zehazki, flasko barruan zeuden arrastoak aztertu dituzte, eta hainbat osagai dituela ikusi dute: hematita xehetua –kolore gorri biziko mineral... [+]
Erroma, 1215eko apirila. Laterango IV. Kontzilioan, Eliza Katolikoak apaiz eta monjeei kirurgia egitea debekatu zien, besteak beste. Aurreko kontzilioetan ere, Reimsen eta Toursen, gaia landu zuten, lekaideek soilik arimak salbatzeaz arduratu behar zutela eta gorpuen salbazioa... [+]
Grezia, K.a. IV. mendea. Hainbat greziar pentsalarik, esaterako, Aristotelesek edo Heraklidesek, etruriarrei buruz idatzi zuten, Italiar penintsularen erdialdean eta iparraldean bizi zen herriari buruzko iritzi negatiboa jasoz. Etruriar emakumeak kritikatu zituzten bereziki, eta... [+]
Meloniri ez zaio ondo atera. Zer ezustekoa. Migranteek ez diote iristeari utzi. Agian, ez zegoen dei efekturik; agian, kanporatze efektu bat baino ez dago, beti. Ez da gure lorategia gustatzen zaiela (Borrellek esan zion moduan), da beraiei infernuko sua baino ez diegula utzi... [+]
“Migrazio irregularra gelditzeko” plana aurkeztu dute Europako Batzordeko presidente Ursula von der Leyenek eta Italiako eskuin muturreko lehen ministro Giorgia Melonik, Italiako Lampedusa irlara egindako bisitan. Hiru egunetan 8.500 migratzaile iritsi dira uhartera,... [+]
94.000 migratzaile inguru heldu dira Italiara 2023. urte hasieratik. Medicos Sin Fronterasen arabera, 13.300 pertsona itzuli edo atxikitu dituzte mugan: egunero 80 pertsona inguru. Immigrazio politiketan irregulartasunak eta “kontrol arrazistak” salatu dituzte... [+]
Segurtasun Ministerioaren esanetan, Mohamed Bazoum presidentea kargutik bota zutenetik, “segurtasuna erabat okertu” da. Operazioa errepikatzeko gomendatu die gainontzeko Europako herrialdeei. Espainiako Gobernua 70 lagun ebakuatzeko lanetan hasi da.