Isuna jarri diote herritar bati, Bilboko udaltzainei euskaraz egiteagatik
Arkaitz Zarragak Twitterren salatu duenez, abuztuaren 27an bi isun jarri dizkio Bilboko udaltzain batek, 1.052 zenbakidunak. Horietako bat, harekin euskaraz hitz egiteagatik, “agenteekiko errespetu falta” delakoan.
Txio hari baten bidez kontatu du Zarragak gertatutakoa. Azaldu duenez, Bilboko jai gunean trafikoa murriztuta zegoen baina konpartsetako kideek badute agiri bat, zirkulatzen uzten diena. Hura baliatuz udaletxerantz joateko zebrabidetik pasatzean, ordea, udaltzain batek gelditu egin zuen astelehen honetan.
Beheko txioan hasi zen kontatzen ondoren gertatutakoa.
Bilboko 1052. Udaltzainak bi isun jarri dizkit txosnagunetik irtetean! Trafikoa murriztuta dago jai gunean, baina konpartsakideok badugu agiri bat zirkulatzeko. Zebrabidetik pasa naiz udalerantz joateko eta 1052k gelditu egin nau. Euskaraz aritzeko eskatu eta...
— Arkaitz Zarraga (@azarramendi) 2018(e)ko abuztuaren 27(a)
“Euskaraz aritzeko eskatu eta bere jarrera aldatu egin da!”, esplikatu zuen Zarragak. Administrazioak euskaraz hitz egin diezaiola nahi duela esan ondoren, agenteak esan zion “bere eskubideak ondo ezagutzen dituela”.
Zarragak ez zuen etsi: agenteak herritarraren eskubideak errespetatu behar dituela gogorarazi zion. Erantzuna: “Paperak, karnetak, aseguruaren ordainagiria niri eta errefortzuak irratitik eskatu ditu”.
Beste agente bat agertu zen orduan, euskalduna bera. “Autoa aparkatzeko esan dizu”, azaldu zion. Zarragak agentea ezagutu ordea, ikaskide izandakoak ziren, euskaltzalearen arabera: “Soziolinguistikaz ere aritzen ginen klasean eta eskubiderik ez zegoela esan diot! Lotsatu egin da!”.
Horrek ez zuen udaltzaingoarekin izandako hartu-emanaren ondorioa aldatu ordea: bi isun jarri dizkiote Zarragari: “Bata zirkulazioari lotutakoa. Bestea agenteekiko errespetu faltagatik! Ni naiz kriminala berriro ere. Bere eskubideak nireen gainetik. Inpotentzia, amorrua eta kontatzeko beharra ezin kabituta itzuli naiz desmuntaiatik!”.
Isuna jaso duen euskaltzale honen ustez, Bilboko Udalean Euskararen Ordenantzarik ez izateak eragiten ditu euskaldunentzat mota honetako babesgabetasun egoerak.
Gertakariak salatzeko publikatutako txioak asko zabaltzen ari dira astelehenetik Twitterren eta hainbat elkartasun mezu jaso ditu.
Ertzain patruila batek hizkuntz tratu desegokia eman diela salatu dute Donostiako bi herritarrek. Isuna jaso zuten, behin eta berriz euskaraz artatuak izateko eskatu ondoren. Arartekoak kargu hartu dio Ertzaintzari.
Irungo euskaldunen pazientziak gainezka egin du; haserre daude eta oraingoan ez dira "isilik geratuko". Gabonetako argiak pizteko ekitaldia erdara hutsean egin izanak hiriko 35 elkarte eraman ditu udalaren hizkuntza politika salatzera –aurrekari gutxi izango ditu... [+]
Euskalgintzaren Kontseilua hizkuntza larrialdia bizi dugula ohartarazten ari da azken astetan. Urte dezente pasa dira euskararen biziberritze-prozesuaren egoera bidegurutzean, errotondan, inpasse egoeran eta antzeko hitzekin deskribatzen hasi zenetik, hizkuntza politikek... [+]
Korsikako legebiltzarkideek ezin dute Korsikako Asanblean korsikeraz hitz egin, Bastiako Auzitegiaren 2023ko epai baten arabera. Ebazpen horri helegitea jarri zion Asanbleak, baina debekua berretsi du orain auzitegi berak. Epaiak tokiko beste hizkuntzei eragiten diela ohartarazi... [+]
ELA, LAB eta Kontseiluak elkarretaratzea egin dute, Administrazioarekiko Auzietarako epaitegi batek Kabia organismoari emandako ebazpenaren aurka protestatzeko. Euskara maila bermatzeko ahalegina “hutsaren hurrengoa” bilakatzeko arriskua dagoela salatu dute.
Donostiako Decathlon saltoki handiak errotulazioak euskaraz ez dauzkalako kexa jarri du kontsumitzaile batek Behatokian. Saltokiaren erantzuna (gaztelaniaz) esanguratsua da: Erkidegoko legeak ez du jasotzen inongo inposiziorik karteldegia euskaraz jartzeari buruz. Alegia, lege... [+]
Kabia organismoaren zaharren egoitzetan 54 plaza egonkortzeko 2022an onartutako lan-eskaintza bertan behera utzi du Donostiako epaile Gonzalo Pérez Sanzek. Gipuzkoako Aldundiaren erakundeak jarritako hizkuntza eskakizuna gehiegizkoa eta baztertzailea dela dio epaileak.
6.000 eurotik 10.000 eurorainokoak izango dira zigorrak. Katalana da Andorrako hizkuntza ofizial bakarra, nahiz eta biztanleen erdiaren ama hizkuntza gaztelania den.
Eusko Legebiltzarrera heldu da gaia, eta pobrea izan da Eusko Jaurlaritzaren erantzuna. Osakidetzak medikuak falta dituen arren, apenas handitu diren Medikuntza ikasteko plazak EHUn. Gainera, karrera euskaraz ikasteko plaza gutxiago eskaintzen dituzte espainolez baino, nahiz eta... [+]
Premiazko txostena eskatu dio Nafarroako Kontseiluari. Behin betiko onartzeko aurretiazko urratsa da, Nafarroako Justizia Auzitegi Nagusiak aurreko dekretuaren zati batzuk baliogabetu eta bost urtera.
Justizian, osasungintzan eta gizarte zerbitzuetan euskara bermatu dadin, zerbitzu publikoak euskaraz jaso ahal izan daitezen, Nafarroako zonifikazioa amaitu dadin eta ETB3 Nafarroa osoan ikus dadin neurriak hartzeko eskatu dio Espainiako Gobernuari Europako Kontseiluko Adituen... [+]
Filosofiako laugarren mailan, EHUn, nahitaez ikasgairen bat gaztelaniaz hautatu behar dute ikasleek, ez baitago nahikoa ikasgai euskaraz. Gaztelaniazko ikasleek ez dute arazo hori, eta bitxia da, euskarazko ikasle gehiago dagoelako gaztelaniazkoak baino. Beste karrera batzuetan... [+]
Irailaren 18koa da azken sententzia: Donostiako udaltzaingorako lanpostu deialdiaren euskara eskakizuna atzera bota du EAEko Justizia Auzitegi Nagusiak. Euskalgintzaren Kontseiluak eta Donostiako Bagera Euskaltzaleen elkarteak elkarretaratzea deitu dute Donostian, Alderdi... [+]
Herritarrak eskatzen du seinaleak euskaraz jartzeko. Gobernuak erantzuten dio legeak ez duela horretara behartzen. Behatokiak erantzuten dio, legeak ez badu derrigortzen ere, euskaraz jartzeko debekurik ez duela. Gobernuak bereari eusten dio. Alabaina, herritarrak tematzen dira... [+]