Istiluen kontrako polizia unitatean sortu zen Ertzainak Borrokan mugimendua, hainbat hedabideren arabera
Euspel sindikatuak jarraitzen du Ertzainak Borrokan mugimenduaren alde egiten, eta gainontzeko hirurek, ErNE, Esan eta Sipek, "mehatxuak, irainak eta bortxa saiakerak" salatu dituzte ostiralean plataforma ez babestea erabakitzeagatik. Ordura arte, ordea, denak elkarrekin zihoazen.
Hainbat hedabidek jakitera eman dutenez, istiluen kontrako ertzain unitatean zabaldu zuten "kritikoen" arteko Whatsapp taldea izan daiteke Ertzainak Borrokan taldearen sorburua. Besteak beste, El Correo-k eta Gara-k jaso dute informazioa. Bien arabera, Sipe sindikatuko kideak ere badaude taldea sortzearen atzean –Jusapol elkartera lotuta dago Sipe; Vox alderdiaren orbitakoa da–. Sipe sindikatuak %11ko ordezkaritza du Ertzaintzan.
El Correo-ren arabera, Ertzaintzaren barneko iturriak aipatuta, Bizkaiko metaleko langileek azaroan egindako protestetan dago "gatazka indartzearen oinarria". Istiluen aurkako polizia unitateko kide "askok" uko egin zioten lanera joateari, eta goi-zuzendaritzak, azken orduan, "herri mailako ertzainekin" osatu behar izan zuen taldea. Hau guztia kontuan hartuta, ertzainek ez dutela greba egiteko eskubiderik. Aipatutako hedabidearen arabera, "hor ikusi zuten eragiteko gaitasun handia dutela".
Sipe sindikatuaren aldarrikapen ezaguna da erkidegoetako Polizien soldata bateratzea, eta Araba, Bizkaia eta Gipuzkoaren kasuan, udalerri batzuetako poliziek gehiago kobratzen dutelakoan, parekatzea da haien eskaera. Segurtasun Sailak emandako datuen arabera, antzinakotasunik gabeko ertzainaren oinarrizko soldata 2.040 eurokoa da, plusak, dietak eta bestelako ordainsariak kanpo utzita.
Erne, Esan eta Sipe: "Totalitarioak dira"
Euspel ez ezik, gainontzeko sindikatuak jaitsi egin dira ontzitik.
Gogor mintzatu dira Ertzainak Borrokan plataformako kideen aurka, ostiralean sindikatu guztiek egindako bileraren ostean: "Talde horretan dauden pertsonak totalitarioak dira. Ez ditugu jarrera horiek onartuko". Besteak beste, mehatxuak eta irainak jasan dituztela salatu dute.
Ertzaintzak "etxe barruan ditu arazoak", Ertzaintzako buruaren arabera
Arkautiko ekitaldi batean, duela astebete, Gasteizko Legebiltzarraren atarian gertatu zenaren ondotik, gogor hitz egin zuen Josu Bujanda Ertzaintzako buruak. Lehen, iraganean, "arazoa kanpoan" zeukatela azaldu zuen Bujandak, "zipaios" eta antzerakoak esanez iraintzen zitzaielako. Orain, ordea, "arriskua barruan" daukatela iradoki zuen: "Lehen, gure polizia eredua aldatzeko arrisku hura kanpotik zetorren. Orain etxe barruan daukagu eta argi ibili behar gara, gure polizia eredua mantendu nahi badugu".
Urkullu lehendakariak, bestalde, inongo momentuan ika-mikak piztu dituen ertzain taldea aipatu gabe, zera oroitarazi zuen: "Ertzain izatearen arrazoiak aldatu al dira azken urteotan? Sentimenduak, balioak... aldatu dira? (...) Badira gaur egun ere bete beharrekoak: konpromisoa, profesionaltasuna eta errespetua. Ertzaintzaren nahitaezko hiru ezaugarri dira horiek, nabarmendu nahi ditudanak. Izan ere, horiek betetzen ez badira, erakunde honek, Ertzaintzak, nekez beteko du gizarte honek ezarri dion helburua: herritarren segurtasuna bermatzea".
Lurrean zela, polizia batek Realeko zaleari ostikoa jo ziola ikus liteke Ertzaintzak bere ikerketan erabilitako bideoetako batean, Noticias de Gipuzkoa-k zabaldu duenez. Martxoan, Realaren eta PSGren arteko Donostiako futbol partidaren testuinguruan izandako istiluetan zauritu... [+]
"Ernai ekonomikoki itotzen eta politikoki deuseztatzen" saiatzea leporatu dio gazte antolakundeak Jaurlaritzari ostegun goizean Bilbon egindako agerraldi jendetsuan. Jakinarazi dutenez, Aitor Zelaia eta Galder Barbadoren espetxeratze agindua salatzeko Bilbon eta... [+]
Gizonezkoa kolpatu zuen ertzain agentea kargutik kendu dute kautelazko neurriekin, eta gertakariak ikertzen ari da Ertzaintzaren Barne Arazoetarako Unitatea. Une hartan han ziren polizia agenteen jarrera ere aztertzen ari dira.
Ostiral goizean sare sozialetan zabaldutako bideo batean ikus daiteke nola pertsona bat eztabaidan ari den udaltzain eta ertzain talde batekin. Une batean, ertzainetako batek zartako indartsu batekin lurrera bota du, eta ondoren, lurrean utzita joan dira. Bideoa Irungo San Migel... [+]
Agintaritzaren aurkako atentatua egitea leporatu diete bi atxilotuei. Ertzaintzak adierazi duenez, bi polizia agente zauritu zituzten igandeko operazioan.
2018 eta 2022 artean, gutxienez 32 aldiz erabili zuen arma hori Ertzaintzak. 2017an, Jaurlaritzak 50.687 euro bideratu zituen taser pistolen erosketara. Azken hilabeteetan, dozenaka pertsona zauritu dituzte ertzainek hamaika polizia-kargatan.
Gazte Koordinadora Sozialistak agerraldia egin du Gasteizen, larunbat gauean hainbat gaztek jasandako polizia-indarkeria salatzeko. Izan ere, etxebizitza huts batean sartu ziren gazteei babesa adieraztera bertaratu zen jendea jipoitu zuen Ertzaintzak. Lau pertsona ospitaleratu... [+]
1993ko abuztuaren 20an Juan Calvo bilbotarra hil zen Arkautiko Ertzaintzaren komisarian, atxilo zegoela. 2023ko uztailean ARGIAk heriotzaren inguruko informazio eta datu berriak argitaratu zituen, agerian uzten zituztenak Calvok jasotako tratu txarrak zein Poliziaren gezurrak... [+]
Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]
Drogen eraginez agerraldi psikotiko betean zen 36 urteko gizon batek Poliziaren laguntza eskatu zuen Astigarragan, pasa den otsailaren 2an. Lagundu ordez, Ertzaintzak gizona bortizki tratatu zuela eta anbulantzian sartu zutenerako hilda zegoela salatu du haren familiak.
Gasteizko Martxoaren 3ko manifestazioaren aurka oldartzean Ertzaintzak gomazko pilotak erabili zituela salatu zuten zenbait eragilek eta pertsonek sare sozialetan, argazkiz lagunduta. Salaketak ez zuen oihartzun handirik izan, baina egia balitz gertaera esanguratsu baten aurrean... [+]
Egun osoko jardunaldi politikoaren barruan, manifestazio bat egingo du 19:30ean, Gipuzkoa Plazatik abiatuta. "Azken asteotako jazarpen polizialaren eta errepresioaren" kontra mobilizatuko dira.
PSGren aurkako partidaren aurretik izandako karga polizialean zauritu zuten pilotakada batez emakumea.
Bilboko aste nagusian atxilotu zituzten 79 pertsonen argazkiak eta izen abizenak argitara atera ziren iazko udan. Argazkietan Poliziaren logoa ageri zen.