Istiluekin amaitu da AHTren aurkako bizikleta martxa Gasteizen
Larunbatean amaitu da AHTren aurkako hirugarren “bizikleta martxa desobeditzailea” Gasteizen. Hiri barruko ibilbidean, hiru pertsona identifikatu eta martxako kideen aurka oldartu da Udaltzaingoa, neska bat zaurituz.
Gaztetxetik abiatzera zihoazela, AHTk “larru gorritan uzten gaituela” salatzeko biluztu egin dira parte-hartzaileak. Segituan bertaratu da Udaltzaingoa, eta arropak jantzi ezean identifikatu egingo zituztela ohartarazi die txirrindulariei. Tarte batez eztabaida izan ondoren, ibilbidearekin jarraitu ahal izateko janztea erabaki dute parte-hartzaileek.
Abiatu eta berehala, istiluen aurkako Ertzaintzaren hiru furgonetak atzetik jarraitu du martxa. Bakea etorbidean, bi udaltzain sartu dira taldearen erdira biluzik zihoan gizon bat identifikatzeko. Parte-hartzaileen protesten aurka udaltzaingoa bultzaka hasi eta borra luzagarriekin eraso egin diete. Emakume bat esku eta hanketan zauritu dute.
Tren geltokira iristean, alboetako kaleak itxi eta martxa geldiarazi dute berriz Ertzaintzaren eta Udaltzaingoaren artean. Beste bi pertsona identifikatu ditu Udaltzaingoak mehatxu egitea eta istiluak sortzea leporatuta.
Martxako parte-hartzaileek polizien “neurrigabeko bortizkeria” salatu dute, giro alai eta baketsuan egindako ekimenaren aurka. “Gorputz biluziak manifestazio bat eteteko aitzakia izatea” sinestezina dela adierazi dute zabaldutako idatzian.
Zortzi egunez AHTren aurkako mezua zabaltzen
Nafarroan hasi eta Arabako hiriburuan amaitu den martxak herri eta bailara ugari zeharkatu ditu AHTren aurkako aldarria zabaltzen. Bidean, ingurumenaren eta bestelako jendarte ereduaren aldeko mugimenduekin elkartu dira, eta era askotako ekitaldiak antolatu dituzte.
Espainiako Garraio Jasangarrirako estatu idazkari José Antonio Santanok adierazi du Eusko Jaurlaritzaren helegite bat onartu dutela Ezkio-Itsasoko konexioari buruz, Aralarri "hainbeste" kalte egingo ez liokeena.
2024ko otsailean Astigarraga-Hernani tartea amaitu zutenean Abiadura Handiko Trena 2027an prest egongo zela aurreikusten zuen Eusko Jaurlaritzak. Orain Arkautiko lotunearen obren lizitazioari ekin dio Jaurlaritzak; Euskal Trenbide Sarea enpresaren esku utzi du, eta 2027an hasiko... [+]
Informaziorik helarazi gabe eta baimen eskaerarik gabe hasi dituzte Abiadura Handiko Trena eraikitzeko asmoz lehenago egin beharrak diren zundaketa lanak Otsobi kontzejuaren lurretan. Stop Zundaketak plataformak jakinarazi du egoera: "Izako Udalari edo Otsobiko kontzejuari... [+]
Lapurdi zeharkatuko lukeen AHT egitasmoa aitzina doala salatu du ingurumenaren alde dabiltzan elkarteen artean osaturiko CADE kolektiboak. Urriaren 12 eta 13rako jarri du hitzordua, Gironda eskualdean Lurraren Altxamenduak sareak antolaturiko protestari sostengua erakutsiz.
Oscar Puente Espainiako Garraio ministroaren esanetan, Nafarroarekin lotura egiteko aukerarik "onargarriena" Gasteizkoa da, Ezkio-Itsasoko ibilbideak "konplexutasun teknikoak" dituelako.
2017an Gaintxurizketan tunela zulatzen hasi zirenetik etengabeak izan dira AHTko obrek Renferen tren zerbitzuan eragindako murrizketak eta kalteak. Orain, Espainiako Garraio Ministerioak iragarri du udaran hainbat astez etenda egongo dela zerbitzu hori Hernani eta Irun artean... [+]
Manifestazio jendetsua egin dute Altsasun AHTren lanak gelditzea eta gaur egungo trenbidea hobetzea eskatzeko.
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]
Muru Artederreta herrian, Murugain izeneko muinoan, Burdin Aroko herrixka baten horma agerian geratu da, AHTren lanentzako laginak hartzen ari zirela. Bizilagunen hango elkarteak salatu du trenarentzako tunel baten ahoa eraikitzeak harresiaren zati bat suntsituko lukeela.