“11 urte ditut, palestinarra naiz, Nabi Saleh herrian bizi naiz eta munduko kazetaririk gazteena naiz” esanez aurkeztu ohi du bere burua Janna Jihad Tamimik (AEB, 2006). Zazpi urte zituelarik hasi zen okupazioaren karietara herrian gertatzen ziren atxiloketa, hilketa eta istilu guztien berri zabaltzen sare sozialen bitartez. Tarteka bere adinari dagokion moduan eta tarteka heldu baten eran mintzatzen den neskatoa pertsona arriskutsu eta mehatxu gisa izendatu du Mosad Israelgo Inteligentzia Agentziak.
Zure kabuz hasi zinen honetan ala norbaitek bultzatuta?
Nire ideia izan zen. Orduan ez zen kazetari bakar bat ere hurbiltzen gure herrira, hemen gertatzen zena ixilpean geratzen zen, ezintasuna sentitzen nuen, Nabi Salehko umeok bizi genuena erakutsi nahi nion munduari.
Nolakoa gogoratzen duzu haurtzaroa?
Umea naiz oraindik! –barrez–. Baina, txikiagoa nintzenean, istiluak entzuten nituenean korrika mahai azpian ezkutatzen nintzen. Orain sakelako telefonoa hartu eta kalera irteten naiz dena grabatzera.
Eta gai al zinen egoera ulertzeko? Ba al zenekien nor zinen zu eta nor haiek?
Bai, noski. 0 urte nituenetik hazi izan naiz giro honetan, eta etxean beti entzun ditut helduak okupazioari buruz hizketan. Mustafa nire laguna lau urte nituenean hil zuten...
Orain makina bat kazetari pasatzen gara Nabi Salehtik.
Inoiz ez da nahikoa, hemen egunero gertatzen delako zerbait eta familia bakoitzak historia mingarri asko duelako kontatzeko. Ezinezkoa da okupazioa bertatik bertara bizi dugunon begirada bera izatea kazetari atzerritarrek baina, hala ere, oro har, lan nahiko ona egiten duzue.
Etorkizunaz pentsatuta, baikorra al zara?
Bai, plan asko ditut! Lehenik eta behin, Palestina askearekin amesten dut. Niri dagokidanez, Zientzia Politikoak ikastea gustatuko litzaidake. Kazetaria ere izan nahiko nuke, munduko beste ume batzuen arazoen berri emateko. Hirugarrenik, palestinar jantzi tradizionalak diseinatzea gustatuko litzaidake. Artista ere izan nahi dut haurrei indarkeriaren ondoriozko traumak marrazkien bitartez kudeatzen laguntzeko. Eta, azkenik, Bartzelona futbol taldeko jokalaria izango naiz!
Informazioa zabaltzeaz aparte, zein beste modutan sortzen duzu erresistentzia?
Era askotan egin daiteke! Palestinaren alde abes dezakezu, dantza tradizionalak ikasi, manifestaldietan parte hartu... gure etxeetan bizitzen jarraitzea bera ere erresistentzia egitea da!
Palestinian teen Ahed Tamimi may spend 10 years in jail for slapping an Israeli officer. Here's the whole story as told by her cousin, the world's youngest journalist, Janna Jihad. Thanks @trtworld
The full story of Ahed Tamimi ▶️ https://t.co/8bzEj83Ey4 pic.twitter.com/IdcGSaY11W
— Janna Jihad (@JannaJihad1) January 5, 2018
Aurten "Israel Premier Tech" txirrindularitza talde israeldarra ez da Lizarraldeko Miguel Indurain Sari Nagusia lasterketara etorriko. Berri ona da hori Palestinaren askapenaren alde gaudenontzat eta munstro sionistarekin harreman oro etetea nahi dugunontzat, izan... [+]
Zer esango zenioke Palestinako aktibista bati aurrez aurre izango bazenu? Ni mutu geratu nintzen Iman Hammouri nire herrian bertan aurkeztu zidatenean. Eskerrak andre nagusi bat gerturatu zitzaigula eta solaskide roletik itzultzailearenera pasa nintzela.
Palestinako Popular... [+]
Gure Haurrak ere Badira ekimenak deituta, Israelek azken egunetan Gazan hildako gehienak haurrak direla salatu dute. Gobernuei eta erakundeei Israelekin harreman oro etetea ere exijitu diete, "genozidio honen aurka argi eta tinko" lerratu daitezen.
No other land dokumentalaren zuzendari Hamdan Ballal kolono sionistek jipoitu zuten astelehenean bere herrian, beste hainbat palestinarrekin batera, eta Israelgo militarrek eraman zuten atxilo ondoren. Astarte goizean askatu dute.
Asteartean menia apurtu zuenetik gutxienez 650 palestinar hil dituzte sionistek, Al Jazeeraren arabera. Netanyhauren gobernuak Shin Bet zerbitzu sekretuetako buru Ronen Bar kaleratzeko erabakia hartu du, baina Auzitegi Gorenak kaleratzea geldiarazi du.
Milaka pertsona bildu dira larunbat honetan Palestinako herriari elkartasuna adierazteko eta “Israelek Gazan egindako genozidioa” amaitzeko eta Benjamin Netanyahuren gobernuak su-etenari berriro ekiteko eskatzeko. Gernika-Palestina herri ekimenak deitu du martxa,... [+]
Palestinarekin Elkartasuna plataformak osteguna, ostiral eta larunbatean eginen ditu protestak, Israel genozida. Palestinar erresistentzia aurrera! lelopean. Gernika-Palestina-k ere manifestazio nazionala antolatu du larunbaterako Donostian. Euskal Herriko Kontseilu Sozialistak... [+]
500 palestinar hil ditu Israelek, horietatik 130 baino gehiago adin txikikoak, su etena apurtu eta bigarren egunean. “Hasiera baino ez” dela ohartarazi du Netanyahuk.
Israelek eraso masiboak abiarazi ditu berriro ere Gaza osoan: Khan Younis eta Rafan Gaza hegoaldean, Gaza Hirian iparraldean eta eta Deir el-Balah-n erdialdean. "Familiak seme-alaben gorpuzkiak eskuetan zituztela iristen ziren ospitalera", adierazi du lekuko batek.
Israelek Gazarako su-etenaren urraketa ugari egin ditu urtarrilaz geroztik: zerrendako palestinarrak oinarrizko laguntzarik jaso gabe egon dira ia astebetez, eta Netanyahuk azken egunetan mehatxu egin ondoren, argindarrik gabe utzi ditu orain. Dohan ordezkari estatubatuarrekin... [+]
Asteburua baino lehen lau gatiburen gorpuak itzuliko ditu Hamasek. Horrela, Gazarako su-etenaren lehen faserako adostutako preso truke guztiak gauzatuko dituzte Israelek eta talde palestinarrak.
Yala Nafarroak deitutako manifestazioan 2.000 pertsona inguruk hartu dute parte eta Iruñeko hainbat kale zeharkatu ditu Gaztelu plazan amaitzeko. Azken irakurketan adierazi dutenez, "erokeria distopiko hori geldiarazi daiteke, askoz gehiago garelako kapital handiak... [+]
Jenin hiriaren aurkako oldarraldia duela hilabete bat baino gehiago abiatu zuen Israelek, geroztik 26 palestinar hil ditu gutxienez, eta milaka beren etxeetatik kanporatu. Israelgo armada Zisjordania iparraldean pasabideak eraiki nahian ari dela salatu dute, kanporatutako... [+]
