Israeli boikota eskatzeko, Espainiako Gobernuaren Nafarroako ordezkaritzara kateatu dira BDZko kideak Iruñean
Nafarroako BDZtako bi kide kateatu dira Espainiako Gobernuaren Ordezkaritzara, Iruñeko Merindadeen plazan 11:30ean. Beste 30en bat lagunek lagundu dituzte kateatuak Israeli boikota eta harekiko harreman diplomatikoak apur ditzaten eskatzeko ekimenean.
Taldetxoka joan dira hurbiltzen ekintzan parte hartu behar zuten Nafarroako BDZko –Boikot, Desinbertsioa eta Zigorra– kideak eta kazetari eta argazkilariak Iruñeko Merindadeen plazara. BDZtakoek uzkur ziren egoerarekin, azken asteetan bezala, nekazarien traktoreak goizean goizetik ari zirelako atzera aurrera Iruñean. Besteak beste, Volkswageneko lantegia oztopatu dute goizean. Hori dela eta, goizean goizetik Espainiako Poliziaren furgoneta batek zaintzen zuen Espainiako Gobernuaren Ordezkaritza eta horrek saihestu du A plana aurrera eramatea. B plana orduan.
Ekimeneko bi kide berehala kateatu dira ordezkaritzako leiho batera eta gainerakoak segidan zabaldu dira inguruan haien pankarta eta oihuekin. Sarrerako poliziak ere berehala iritsi dira, baina ez dute esku hartu. Handik hamar bat minutura joan dira kateatuengana eta askatu dituzte. Identifikatu ondoren libre utzi dituzte.
Israeli boikota eskatu dute BDZko kideek, Israelen aurkako zigorrak eta estatu sionistarekin harreman diplomatikoak haustea. Ekintzaren bidez, halaber, Espainiako Gobernua Palestinako genozidioa gelditzeko behar beste ez dela egiten ari salatu dute. "Biktimekiko dolumin hitzek ezin dute ezkutatu gobernuaren konplizitatea Madrilen. Sánchezek eta bere lagunek armak bidaltzen jarraitzen dute, eta Israelekin dituzten harreman diplomatikoak mantentzen dituzte", dio BDZk oinezkoen artean banatu duten idazkian. Salatu dute, halaber, José Manuel Albares Espainiako Gobernuko Atzerri ministroa publikoki aitortu izana Israelen lagun eta AEBen aliatua dela.
Genozidioa gelditu, eta Israeli armak ez saltzeko eta harreman diplomatikoak apurtzeko eskatzeko Espainiako Estatu osoan mobilizazioak egingo dira datorren igandean, hilaren 25ean. Iruñean manifestazioa 12:00etan aterako da Antoniuti parketik.
Munduarenak ere egin du, sinbolo bat delako aspaldi, zeren eta historian lehenago ere egin dira genozidioak eta egingo dira gehiago (zorte txarra, aizu, han jaiotzea egokitu zaizu), baina Palestinarenak ezaugarri bereziak ditu:
- Aspaldikoa da, XIX. mendearen hondarrean... [+]
Ehunka pertsona mobilizatu dira ostiralean Santutxun ireki berri dutenMcDonald’s jatetxearen itxiera eskatzeko. Enpresa amerikarraren aurkako boikot kanpainan aktiboki parte hartzea eskatu du mobilizazioa deitu duen Bilbo-Palestina herri ekimenak.
Abenduaren 13an mobilizazioa antolatu dute Santutxun (Bilbo), enpresa amerikarra palestinarren aurkako genozidioaren parte dela salatzeko. Auzoko kideek azpimarratu dute ez dutela nahi auzoan sarraskiari sostengua ematen dion enpresa multinazionalik.
Gabonetan “mahaian sionistarik ez esertzeko” galdegin du taldeak. Boikotaren eraginez, supermerkatu kate frantziarrak behera egin du salmentetan, eta berriki Jordanian saltokiak itxi ditu.
Palestinarekin Elkartasunak "sionistekin harreman oro etetera" deitu du. Kanpaina bat jarri dute abian Euskal Herriak Israelgo estatu terroristaren bizirautea bermatzen duten harreman militar, diplomatiko eta kulturalak seinalatu eta hauen etetea exijitzeko. Pasa den... [+]
Israelek gosea erabiltzen du palestinarren aurkako gerra-arma gisa, eta nekazaritza-produktuak mundu osoan merkaturatzen ditu.<
Espainiako Defentsa Ministerioaren 6 milioi euroko esleipen publikoak jaso ditu aurten enpresak. Margarita Robles ministroaren arabera, urriaren 7tik ez diote "armarik saldu edo erosi Israelgo Estatuari", baina indarrean zeuden kontratuei eutsi diete. Elbit Systemsek... [+]
Larunbatean Makean izanen da Hamza Abuhamdia, Parisen bizi den palestinar queer-a, Palestinaren aldeko topaketaren kari. Israelek bideraturiko pinkwashing-ari buruzko tailerra eskainiko du –bat-bateko euskarazko itzulpenarekin– arratsaldeko 15:30ean. LGBT pertsonen... [+]
Urtebete pasa da palestinar erresistentziak burua altxatu eta Israelek inoiz egin duen ofentsibarik bortitzena hasi zuenetik. Tamalez, egoerak okerrera egin du, Israelek bere ofentsiba areagotu baitu palestinar lurrez harago, Libano, Siria, Yemen edota Iranen aurkako eraso... [+]
Herriko supermerkatuetan salgai dituzten produktu eta saltokiei eskatu diete Israelen ekoitzitako produktuak saltzeari uztea: Arrasateko Eroskik eta Alcampok eskaria onartu dute; Lidl eta BMk ez. Elkarretaratzea egingo dute ostiral honetan Lidl supermerkatu aurrean.
Asteburuan Espainiako Estatuko hiri ugaritan egindako mobilizazioen harira, Israelgo Atzerri Gaietarako Ministerioak eta Israelen Espainiako Enbaxadak "terrorismoa goraipatzea" egotzi diote Espainiari.
Israelgo armadak bortizki egin du eraso igandetik astelehenerako gauean, Hamasen urriaren 7ko erasoaldiaren urtemugarekin bat eginez. Libanoko Beirut hiriburuaren hegoaldea bonbardatu du, eta Gaza erdiguneko beste ospitale bat ere bai.
"Kanporatuko al du FIFAk Israel?", galdegin du hainbat mediok, futbol erakunde gorenak adierazi ostean Palestinako Federazioak egindako eskaera aztertuko duela. FIFAren izaera ezagututa, are gehiago eskaeraren bueltan zein epel jokatzen ari den, inplikatutako bi aldeak... [+]
Larunbatean zeharkatuko ditu hiriko kaleak Donostiako Klasikoak, eta Gernika-Palestina herri ekimenak Israelek bertan duen presentzia salatu du, prentsaurreko batean. Adierazi dutenez, “genozidioa eteten ez duten bitartean” klasikoak ez luke Israel-Premier Tech... [+]