Israelgo Maccabi saskibaloi taldearen Gasteizko partida bertan behera uztea exijitu dute
Otsailaren 7an, Maccabi Tel Aviv taldeak Baskoniaren aurkako partida jokatzeko asmoa du Gasteizen. Palestinarekin Elkartasuna Plataformak salatu du Israelek kultur eta kirol ekimenak palestinarren aurkako krimenak estaltzeko erabiltzen dituela. Aurpegi zuriketaren aurka, mobilizatzera dei egin dute.
Maccabi Tel Aviv taldea Israelen kirol ordezkari nagusia dela kritikatu du Palestinarekin Elkartasunak, eta urteak daramatzala estatu kolonialistaren irudia hobetzeko estrategiaren parte izaten. Taldeko jokalariek eta zuzendaritzako kideek Israelgo armadaren aldeko kanpainetan parte hartu izana salatu dute, eta Gasteizko partida ez jokatzea eskatu dute.
Israelek politika genozidak estaltzeko, kirol eta kultur ekimenak propaganda tresna moduan erabiltzen dituela nabarmendu du Palestinarekin Elkartasuna Plataformak. Horrela, Israel “entitate kolonial” bat dela ezkutatu, eta “estatu moderno” bat balitz bezala irudikatzen dutelako.
2005ean Hasbara izeneko plan bat martxan jarri zuela gogorarazi du plataformak, zeinaren helburua Israelen irudia hobetzea eta kolonizazioarekin lotura saihestea den. Mugimenduak nabarmendu du Maccabi Tel Aviv taldeak urteak daramatzala estrategia horren parte izaten.
Euskal Herrian, Israelen presentzia normalizatzen duten ekimen ugari izan direla ohartarazi du Plataformak. Hala nola Noa abeslariaren Bilboko kontzertua, Israel Premier Tech txirrindularitza taldearen parte-hartzea hainbat lasterketetan, eta orain, Maccabi Tel Aviv saskibaloi taldearen bisita.
Israelekin harremanak normalizatzeak “proiektu sionista gauzatzeko legitimitatea” ematen duela adierazi dute. Hori dela eta, harremanak “erabat etetea” eskatu du Palestinarekin Elkartasunak, baita kirol arloan ere.
Otsailaren 7ko partida jokatzearen aurka mobilizatzera dei egiten dute, Palestinarekiko elkartasuna erakusteko eta Maccabiren partida bertan behera gelditzea exijitzeko. “Ezin dugu onartu genozidioa normalizatzen duen ekimenik”, azpimarratu du Palestinarekin Elkartasuna Plataformak.
Via Campesinako ordezkaritza bat Palestinan izan da abenduaren 8tik 18ra, bere kide den Palestinako Lan Komiteen Batasuna-k (UAWC) gonbidatuta. Bidaia horrekin herri palestinarrari elkartasuna adierazi nahi izan diote, "Gazan egiten ari diren genozidioaren erdian eta... [+]
Israel entitate sionista Palestinan egiten ari den "genozidio eta sarraski terrorista" salatzeko Lekeitioko hainbat eragilek txandakako hamar orduko elkarretaratzea egingo dute abenduaren 28an.
Ehunka pertsona mobilizatu dira ostiralean Santutxun ireki berri dutenMcDonald’s jatetxearen itxiera eskatzeko. Enpresa amerikarraren aurkako boikot kanpainan aktiboki parte hartzea eskatu du mobilizazioa deitu duen Bilbo-Palestina herri ekimenak.
.jpeg)
Azaroak 20an, Haurren Nazioarteko Eguna, ikastetxe sarreretan krespoi belzdun bandera palestinarra eta bi zapata pare jartzea proposatu du hezkuntza arloko ekimen herritarrak. Azaroaren 30etik urtarrilaren 31ra bitartean haur palestinarrentzako elkartasun mezuak jaso eta ondoren... [+]
Palestinari elkartasuna emateko elkarretaratzeak egin dituzte urriaren 21ean Euskal Herriko herri eta hiri ugaritan. Milaka lagun batu dira arratsaldean zehar Gernika-Palestina plataformak antolatutako deialdietara.
Herriko supermerkatuetan salgai dituzten produktu eta saltokiei eskatu diete Israelen ekoitzitako produktuak saltzeari uztea: Arrasateko Eroskik eta Alcampok eskaria onartu dute; Lidl eta BMk ez. Elkarretaratzea egingo dute ostiral honetan Lidl supermerkatu aurrean.
Euskal Herriko herri guztietan elkartasun ekitaldiak antolatzeko eskatu du mugimenduak. Goizean, sindikatuen eta hezkuntza komunitatearen manifestazioak izango dira, eta arratsaldean herri guztietako udaletxeen aurrean elkarretaratzeak egitera deitu dute.
Palestinarekin Elkartasuna ekimenak antolatu du Aste Nagusian Israel borrokatu lelopean. Bilboko Aste Nagusiaren bezperan, ostiralean, 19:00etan, egingo dute mobilizazioa.