Israelgo espioien buruak Hagako auzitegiko fiskala mehatxatu zuen guda krimenen auziagatik
Bederatzi urtez aritu dira estatu sionistako espioiak Nazioarteko Zigor Auzitegia “espiatzen, hackeatzen eta kikiltzen saiatzen”, bertan behera utzi zitzan Israelen aurkako auziak, The Guardianen ikerketa erreportaje sakon baten bidez azalarazi duenez. Yossi Cohen Mossadeko buru ohiak Netanyahuren “mezulari ez ofizial” gisa jardun zuen.
Israelgo atzerriko inteligentzia zerbitzua den Mossadek, ustez, mehatxatu egin zuen Nazioarteko Zigor Auzitegiko (NZA) fiskala zen Fatou Bensouda, hainbat bilera sekretutan, The Guardian hedabideak jakinarazi duenez. sraelen aurkako gerra krimenen ikerketa bertan behera uzteko presioa egin zion fiskalari Mossadeko buru ohi Yossi Cohenek.
The Guardianen ikerketaren arabera, Israelek ia hamar urteko “gerra sekretua” egin du auzitegiaren aurka. Sionistek beren inteligentzia agentziak erabili dituzte NZAko langileak zelatatu eta presio egiteko, Israelen aurka egin ez zezaten. Israelgo inteligentzia zerbitzuek NZAko langileen komunikazioak atzeman zituzten, Bensoudarenak eta bere ondorengo Khanenak barne. Telefono deiak, mezuak, e-postak eta dokumentuak legez kanpo eskuratu zituzten, iturrien arabera. Duela hilabete gutxira arte iraun du gutxienez zelatatze horrek. The Guardianen esanetan, horri esker Netanyahuk aldez aurrez bazekizkien fiskalaren asmoak.
NZAko goi karguekin partekatutako iturrien arabera, Mossadeko buru ohiak Bensoudari mehatxu egin zion “lagundu beharko zeniguke, eta guk zainduko zaitugu. Ez duzu sartu nahi zure segurtasuna edo zure familiarena arriskuan jarriko duten gauzetan", esanez.
Karim Khan fiskalak berak ohartarazi du “presio izugarriak” eta mehatxuak jasan dituztela Israelen eta AEBen aldetik, auzia uzteko. Atxilotze aginduak iragarri osteko egunetan jakinarazi zuen goi mailako agintari batek esan ziola auzitegia “Afrika eta Putin bezalako liskarzaleak” epaitzeko sortu zela, "ez Mendebaldeko potentziak eta beren aliatuen aurka egiteko".
Azkenean, atxiloketa aginduak guda krimenengatik
Joan den astean jakinarazi zuen Karim Khanek, Fatou Bensoudaren ondorengoak, Netanyahu eta Israelgo beste goi kargu batzuk atxilotzeko agindua emango zuela Hagako Auzitegiak. Agindu hori izan zen emaitza, baina ikerketa 2021ean hasi zuen Bensoudak, Palestinako lurralde okupatuetan Israelek egindako gerra krimenak eta gizateriaren aurkako krimenak egon zitezkeela argudiatuta. Bensoudak ikerketa abiatu aurreko urteetan jasan zituen Mossaden presioak, The Guardianen arabera.
Al Jazeerak zabaldu duenez, agintari sionistek aspalditik zioten beldurra aukera horri, eta gauzatu dira atxiloketa aginduak azkenean, zalantzan badago ere zer eragin izango duten. Josep Borrell Europar Batasuneko Atzerri eta Segurtasun Politiken arduradunak esan du auzitegiaren kide diren estatuek ebazpenak betearazteko eginbeharra dutela.
Bi langileek Microsoften 50. urteurreneko ekitaldia moztu zuten ostiralean, eta enpresako buruei Gazako genozidioan duten papera leporatu zieten. Adimen artifizialarekin eginiko armak saltzen dizkio multinazionalak Israelgo armadari.
Palestinako Ilargi Gorria larrialdi zerbitzuak baieztatu du gorpuei eginiko autopsiak erakusten duela soldadu israeldarrek tiro egin zietela medikuei. Hil aurretik osasun langileetako batek soldaduek eraso egin zien unea grabatu zuen mugikorrarekin, eta bideoan ikus daiteke... [+]
Gergely Gulyas Hungariako Presidentetza ministroak eman du erabakiaren berri, Hagako auzitegiak atxilotze agindua ezarrita dion Benjamin Netanyahu Israelgo lehen ministroa herrialdera heldu den egun berean. Israelgo armadak Gazako eremu gehiago hartzeko asmoa duela... [+]
Palestinarekin Elkartasuna plataformaren ekimenez, txirrindularitzarekin lotura duten 70 bat pertsonak eskatu dute talde sionistak ez dezala txapelketan parte hartu, eta lortu dute.
Lekukotasunak, autopsia txostenak eta atxiloaldian izenpeturiko adierazpenak bildu ditu The Independent komunikabide britainiarrak. 2023ko urriaren 7az geroztik 70 palestinarrek dute bizia galdu Israelgo presondegietan. Palestinar presoen alde dabilen Addameer elkartearen... [+]
Gure Haurrak ere Badira ekimenak deituta, Israelek azken egunetan Gazan hildako gehienak haurrak direla salatu dute. Gobernuei eta erakundeei Israelekin harreman oro etetea ere exijitu diete, "genozidio honen aurka argi eta tinko" lerratu daitezen.
No other land dokumentalaren zuzendari Hamdan Ballal kolono sionistek jipoitu zuten astelehenean bere herrian, beste hainbat palestinarrekin batera, eta Israelgo militarrek eraman zuten atxilo ondoren. Astarte goizean askatu dute.
Asteartean menia apurtu zuenetik gutxienez 650 palestinar hil dituzte sionistek, Al Jazeeraren arabera. Netanyhauren gobernuak Shin Bet zerbitzu sekretuetako buru Ronen Bar kaleratzeko erabakia hartu du, baina Auzitegi Gorenak kaleratzea geldiarazi du.
Milaka pertsona bildu dira larunbat honetan Palestinako herriari elkartasuna adierazteko eta “Israelek Gazan egindako genozidioa” amaitzeko eta Benjamin Netanyahuren gobernuak su-etenari berriro ekiteko eskatzeko. Gernika-Palestina herri ekimenak deitu du martxa,... [+]
Palestinarekin Elkartasuna plataformak osteguna, ostiral eta larunbatean eginen ditu protestak, Israel genozida. Palestinar erresistentzia aurrera! lelopean. Gernika-Palestina-k ere manifestazio nazionala antolatu du larunbaterako Donostian. Euskal Herriko Kontseilu Sozialistak... [+]
500 palestinar hil ditu Israelek, horietatik 130 baino gehiago adin txikikoak, su etena apurtu eta bigarren egunean. “Hasiera baino ez” dela ohartarazi du Netanyahuk.
Israelek eraso masiboak abiarazi ditu berriro ere Gaza osoan: Khan Younis eta Rafan Gaza hegoaldean, Gaza Hirian iparraldean eta eta Deir el-Balah-n erdialdean. "Familiak seme-alaben gorpuzkiak eskuetan zituztela iristen ziren ospitalera", adierazi du lekuko batek.
Israelek Gazarako su-etenaren urraketa ugari egin ditu urtarrilaz geroztik: zerrendako palestinarrak oinarrizko laguntzarik jaso gabe egon dira ia astebetez, eta Netanyahuk azken egunetan mehatxu egin ondoren, argindarrik gabe utzi ditu orain. Dohan ordezkari estatubatuarrekin... [+]