Israelgo espetxerik ankerrenean atxiloturik dago Gazako azken ospitaleko zuzendaria
Hussam Abu Safiya medikua askatzeko eskatu du Osasunaren Mundu Erakundeak, eta bere aldeko kanpaina ere abiatu dute sareetan. Abu Safiya medikua ez da edonor; nazioartean erreferente bihurtu da, berak zuzentzen zuen ospitalearen aurka egindako erasoak kontatzen zituelako.
Osasunaren Mundu Erakundeak (OME) azken ohar batean jakinarazi duenez, palestinarren heriotza eragiten duten orain arteko lehergailu, gose, gaixotasun eta bestelako faktoreei beste bat gehitu zaie: hotza. Abenduaren hondarra hotza ari da izaten. Palestinako Wafa albiste-agentziak emandako datuen arabera, azken astean sei haur hil dira dagoeneko nagusiki hotzak eraginda.
Ospitaleak dira, besteak beste, hotzetik babesteko eremu. Baina lehergailuen pean dira baita azken orduotan ere. Osasun langileak eta medikuak jo puntuan ditu Israelek, OMEk makina bat bider seinalatu duenez.
Abenduaren 30ean CNNk baieztatu eta OMEk salatu duenaren arabera, Gaza iparraldeko Kamal Adwan ospitaleko zuzendari Hussam Abu Safiya atxilo harturik du Israelek, Sde Teman deituriko espetxe ankerrean, "Israelgo Guantanamo" gisa ezaguna denean. Giza eskubideen aldeko taldeek hainbatetan salatu dituzte torturak eta tratu txarrak, tratu iraingarriak, loa galarazteko mekanismoak eta jipoi krudelak.
Han dago atxiloturik Abu Safiya medikua. Bere familiak denbora zeraman senidea lokalizatu nahian, eta espetxe horretatik irten ahal izan duten bi preso palestinarrek emandako informazioaren arabera, susmo argiak dituzte bertan espetxeratu dutela Abu Safiya; batak ikusi eta bere ahotsa entzun du, eta beste lekukoak militarrak entzun ditu mediku palestinarrari buruz hizketan.
Ez da edonor Abu Safiya doktorea. Nazioartearentzat erreferente bihurtu da Israel Gaza suntsitzen ari den enegarren ahaleginean. Izan ere, Gaza iparraldeko ospitale handiaren zuzendaritzan egonik, erresistentzia lan handia egin du Israelgo armadak zentroaren aurka egindako erasoak salatzen. Jakinarazten zuenaren arabera, berak zuzentzen zuen ospitalearen aurkako erasoak, tiroak eta sarekadak ia egunero egin dituzte. Joan den urrian, esaterako, Israelgo operazio militar batean, ospitaleko dozenaka kide atxilotu zituzten, eta Abu Safiya hainbat orduz galdekatu zuten; Tel Avivek medikuari leporatzen dio Hamasekin elkarlanean aritzea. Galdeketa hartatik egun gutxira, 21 urteko bere semea hil zuen Israelgo armada sionistak.
Gutxienez 201 dira 2023ko urriaz geroztik Israelek Gazan hildako kazetariak. Abenduaren 26 honetan hildako azken bostak Al-Quds telebista katean zebiltzan lanean.
Ekimena abenduaren 28an egingo da Iruñeko Baluarte plazan. Goizeko 11:00etan ipuin irakurketa antolatu du Yalak La diverxa Cris ipuin kontalariarekin eta, ondoren, 12:00etatik aurrera, BDZ (Boikota, Desinbertsioa eta Zigorra) ekimenak antolatuta egingo da irakurketa.
Israel entitate sionista Palestinan egiten ari den "genozidio eta sarraski terrorista" salatzeko Lekeitioko hainbat eragilek txandakako hamar orduko elkarretaratzea egingo dute abenduaren 28an.
Palestinatik aberriratu eta urtebetera, Espainiako Gobernuak jakinarazi du familien harrera programa ez duela gehiago finantzatuko eta aterpetxe eta hostaletako egonaldia abenduaren 31n etengo diela. Urtarriletik aurrera Gasteizko Udalak Gazako bost familien ostatuaren gastuak... [+]
Israelgo Atzerri Ministerioak igandean iragarri du Dublinen daukaten enbaxada itxiko dutela, Irlandak iragarri eta gero bat egingo duela Hegoafrikak Israelen aurka jarritako salaketarekin.
Palestinarekin Elkartasunak "sionistekin harreman oro etetera" deitu du. Kanpaina bat jarri dute abian Euskal Herriak Israelgo estatu terroristaren bizirautea bermatzen duten harreman militar, diplomatiko eta kulturalak seinalatu eta hauen etetea exijitzeko. Pasa den... [+]
Israelgo lehen ministro Benjamin Netanyahuk "immunitatea", hau da, babes politikoa duela adierazi du Frantziako Kanpoko Aferen ministroak. Israelgo Haaretz eta Maariv komunikabideek jakitera eman dute Libanorekin adosturiko su-etenaren baldintzen artean zuela... [+]
Save the Children erakundearen esanetan, Gaza iparraldeko 130.000 haur artatu gabe daude 50 egunez, gutxienez.
Palestinan genozidio bat burutzen ari den Israelgo estatu eta berarekin batera diharduten enpresa eta erakunde guztiekin eteteko asmoz sortu zen EHU Palestina. Israelen inpunitatea Europan eta Estatu Batuetan dituen harreman politiko, militar, ekonomiko, zientifiko zein... [+]
Egunkariaren editoreak egindako adierazpen batzuen harira hartu du neurria Israelgo Gobernuak. "Netanyahuren erregimena krudela da eta apartheid-a ari da egiten", esan zuen Amos Shocken editoreak Londresen emandako hitzaldi batean, duela hilabete.
Forensic Architecture erakundearen ondorioetakoa da hori, ikusita Israelgo Armadak nola antolatu duen Gazaren egungo kontrola. Suntsiketa maila hori bakarrik litzateke Gazaren kontrola segurtatzeko, zeren eta, berez, txikitze maila askoz handiagoa da lurraldearen gainerako... [+]
Espainiako Defentsa Ministerioaren 6 milioi euroko esleipen publikoak jaso ditu aurten enpresak. Margarita Robles ministroaren arabera, urriaren 7tik ez diote "armarik saldu edo erosi Israelgo Estatuari", baina indarrean zeuden kontratuei eutsi diete. Elbit Systemsek... [+]
Gizateriaren aurkako krimenak eta gerra krimenak egotzi dizkie Hagako auzitegiak bi sionistei. Erabakia "antisemitismotzat" jo du Netanyahuk, eta Hamasek, aldiz, "Justiziarako urrats garrantzitsutzat".
Hori da Israelgo hedabideetan azken egunotan bolo-bolo dabilen albistea. Baieztapenaren inguruan auzi ugari daude, eta horietako batzuk ikerketa judizialean aztertzen ari dira. Israelgo Estatuko Fiskaltza urriaren amaieratik ikertzen ari da Benjamin Netanyahu Israelgo lehen... [+]