Israelgo Defentsa ministroa kargugabetu du Netanyahuk, gerra kudeaketan dituzten “desadostasunengatik”
Israel Katz da Defentsa ministro berria, orain arte Atzerri ministro izandakoa. Erabakiak israeldarren kexua eragin du eta milaka dira karriketara atera. Israelgo Gobernuko oposizioko ordezkariek prentsaurreko bateratua eskainiko dute azaroaren 6 honetan. Bizkitartean, Israelen bonbardaketek segitzen dute Palestinan, Libanon baita Sirian ere.
Israelgo lehen ministro Benjamin Netanyahuk Defentsa ministro kargutik kendu du Yoav Gallant, eta postua bere alderdiko Israel Katz-i bideratu dio. "Gerraren kudeaketan desadostasun handiegiak" dituztelako hartu du erabakia. Aldaketak haserrea eragin du israeldarren artean eta milaka atera dira karriketara. Poliziak ur kanoiak erabili ditu manifestarien kontra eta 40 bat lagun atxilotu ditu. Netanyahuren aurkako bi eragilek –Israelerako Kalitatezko Gobernuaren Aldeko Mugimenduak eta Israelen Defentsarako Erredolak– auzitegira jo dute kargugabetzea ezeztatzeko helburuarekin. Testuinguru horretan, Netanyahuren politikari buruzko irakurketa zabalduko du prentsaurreko bateratu bidez gobernuaren baitako oposizioak azaroaren 6 honetan. "Herriaren buruzagitza eri dela" erranik, oposizioko lau ordezkariek dute hitza hartuko, alderdi demokratako Yair Golan-etik hasi eta eskuin muturreko Avigdor Lieberman-era arte, baita zentro eskuineko Benny Gantz eta ezkerreko Yair Lapidek ere.
Gazan, Libanon, Sirian bonbardaketak
Bonbardaketek segitzen dute Gazan, eta bertako Osasun Ministerioak salatu du Kamal Adwango ospitalea eraso duela Israelgo armadak. Tsahalek nagusiki Gaza iparraldea du berriz ere jomugan, dioenaz Hamasen berrantolaketa oztopatzeko xedez. Azken hilabetean 1.800 palestinar hil ditu bertan eta gutienez beste 4.000 kolpatu.
Hezbollah jomugan harturik, Siria bonbardatzen dabil ere Tsahal. Damas hiriburuan izandako eraso batean gutienez erakundeko bi kide hil ditu Israelgo armadak azaroaren 4an.
Gazarako su-etenari buruzko negoziaketak berriz abiaturik dituzte, baina ez da bi aldeen arteko adostasunik lortzen. Hain zuzen, epe labur eta mugatuko su-etena dakarren proposamenarekin ez du bat egiten Hamasek, bai ala bai gerraren behin betiko bukaera ekarriko lukeen akordioa dutelako nahi.
Hezbollaren eta Israelen arteko negoziaketak ere aitzina doaz, eta hurbileko iturriei fidatzen bagara, baliteke "hemendik hamar-hamabost egunetara" su-etenerako akordio bat lortzea.
Carrefour Jordaniatik kanpo
Israelgo armada laguntzen arituriko Carrefour multinazionalaren kontrako boikot mugimenduak emaitzak dakartza. Jordanian dituen produktu guztiak salmentatik kenduko direla jakitera eman du BDS boikot mugimenduak. Jordaniarako Carrefourrekin dituen harreman komertzial guziak mozteko erabakia hartu du Majid Al Funttaim inbertsio-partaidetza konpainiak.
Majid Al Futtaimen sei hileko txostenaren arabera, xehekako salmentaren sektoreko irabaziak kasik erdira apaldu zaizkio –%47–, "eskualdeko gatazka geopolitikoaren ondorioz kontsumitzaileek konfiantza gutiago dutelako, eskualde osoan".
Urtarrilaren 30 honetan abian jarri du Israelek Jerusalem ekialderako UNRWA Palestinar Iheslarientzako Laguntza eta Lan Bulegoaren debekua. Urtarrilaren 15ean adosturiko su-etenari segi, bahituen eta presoen hirugarren trukea dute ostegun honetan.
Su-etenaren akordioarekin barnean, Israelgo armadak Netzarim korridorea ireki du. Ia urtebeteko erbestealdiaren ondoren, milaka palestinar euren etxeetara abiatu dira bidaia emozional sakonean. Trumpek gazatarrak Egiptora eta Jordaniara desplazatzea proposatu du, eremua erabat... [+]
.png)
Gutxienez hamar palestinar hil eta 35 zauritu ditu Israelek Zisjordaniako Jenin hiriaren aurkako operazio militar batean, Palestinako Osasun Ministerioak jakinarazi dutenez. Hildakoen eta zaurituen kopurua etengabe handitzen ari dela eta, kopuru zehatzak jakiteko zailtasunak... [+]
Asiak jarraitzen du izaten kazetari gehien atxilo dituen kontinentea: 2024an atxilotutako kazetarien %30 baino gehiagorekin. Txina, Israel eta Myanmar izan ziren berriemaile gehien espetxeratu zituzten estatuak iaz. Osotara, 200 kazetari baino gehiago hil eta ehunka zauritu eta... [+]
"Sedizioa bultzatzen duelako" hartu du Al-Jazeeraren zabalpena eta lana "aldi baterako" debekatzeko erabakia Palestinako Aginte Nazionalak. PAN "Israelekin lerrokatu izana" deitoratu du komunikabideak, argi utzirik "mehatxuen eta intimidazioen... [+]
Siriako Arabiar Errepublikaren amaierak harridura handia sortu du, gertatu den moduagatik: azkar eta ia erresistentziarik gabe. Halere, ez da hain arraroa herrialdea suntsituta, pobretuta eta zatitua zegoela kontutan hartzen badugu. Aspalditik siriar gehienen ardura ez zen nor... [+]
Mundu osoa dago Siriara begira, Israel tartean, zeinak bere presentzia handitu nahi duen. Bitartean, kartzeletan zeuden presoak askatu egin dituzte Bashar al Assad-en gobernuaren aurka egin duten matxinoek, eta milaka errefuxiatu herrialdera itzultzen ari dira.
Iruñeko Baluarten, ostegunean, Israelgo ereserki nazionalaren orkestrako bertsioaren egilearen pieza bat jotzear zirela aurretik zutik jarri eta aretoa utzi du publikoaren zati handi batek. Ereserki horrek “okupazio sionistari” gorazarre egiten diola kritikatu... [+]
Jean-Noël Barrot ministroaren telefono pertsonala hackeatu dute, honek Signal aplikazioko mezu zifratu bat ireki ondoren. Gai Numerikoen –digitalen– ministro ere izan zen Barrot, eta gisa honetako amarruen aurkako lege proiektu bat ere sustatu zuen.
Palestinarekin Elkartasunak "sionistekin harreman oro etetera" deitu du. Kanpaina bat jarri dute abian Euskal Herriak Israelgo estatu terroristaren bizirautea bermatzen duten harreman militar, diplomatiko eta kulturalak seinalatu eta hauen etetea exijitzeko. Pasa den... [+]
Abenduaren 5ean erakundeak argitaratutako txostenak Israel genozidioa egiten ari dela salatu du. Erakundeak nahikoa elementu aurkitu ditu Israelek palestinarren aurkako genozidioa egin duela eta egiten jarraitzen duela ondorioztatzeko.
Israelgo lehen ministro Benjamin Netanyahuk "immunitatea", hau da, babes politikoa duela adierazi du Frantziako Kanpoko Aferen ministroak. Israelgo Haaretz eta Maariv komunikabideek jakitera eman dute Libanorekin adosturiko su-etenaren baldintzen artean zuela... [+]
Iranen “mehatxuari” arreta handiagoa eskaintzeko eta Gazan sarraskiarekin jarraitzeko helburuz sinatu du menia Israelek, Benjamin Netanyahuk onartu duenez, baita Hamas Hezbollahtik aldentzeko ere. Israelen aliatuen tropek "ziurtatuko" dute akordioa betetzen... [+]