Israelgo frankotiratzaile batek Al Jazeerako kazetari beterano bat hil du, burura tiro eginda
51 urteko Shereen Abu Akleh kazetari palestinarra hil du Israelgo armadak asteazken goizean, Jenin hiri okupatuan egiten ari zen operazio militarraren berri ematen ari zela. Buruan jo dute tiroz. Al Jazeerak Israelgo armadari egotzi dio berariaz hil izana kazetaria.
Heriotzaren inguruabarrak ez daude oso argi, baina –argitaratuko ez dugun– bideo batean ikus daiteke buruan tiroa jaso duela. "Oraingoz dakiguna da Palestinako Osasun ministroak jakinarazi duela hilda dagoela", jaso dute Al Jazeeran bertan.
Abu Akleh Bigarren Intifada garaian hasi zen Al Jazeeran lanean, eta sare sozialetan palestinar askok nabarmendu du kazetari erreferenteetako bat zela, "palestinarren ahotsa" zela.
Asteazken goizean beste palestinar kazetari bat ere zauritu dute tiroz, Osasun ministroak esan duenez: Ali Samoudi. Honek egoitza nagusia Jerusalemen duen Quds egunkarian egiten du lan eta bere osasun egoera egonkor dago.
Bertan ziren kazetariek eman dute testigantza zuzena. Goizaldeko 6:30ean, kazetariz beteriko furgoneta bat joan da Jeninera. Bazekiten Israelgo armadak operazio bat egingo zuela bertan. Heldu direnerako hainbat teilatutan frankotiratzaile israeldarrak zeuden lekua hartuta. Abu Akleh autotik atera denean PRESS zioen txalekoarekin, berehala tiro egin diote burura eta belarri ondoan jo diote.
Al Jazeerak Ramallah-n duen bulego-buruak, Walid al-Omary-k, esan du beren informazioen arabera armada israeldarra operazioa egiten ari zela Jeninen eta palestinarren aldetik ez dela tirorik izan hauen aurka. Israelgo militarrek, justu kontrakoa adierazi dute: tiro egin eta lehergailuak bota dizkietela eta beraiek ez direla hasi tiro egiten, "erantzun" egin dutela. Hala ere, gehitu du "gertaera ikertzen" ari direla.
Palestinarrak beren samina adierazten ari dira sare sozialetan. Adibidez, Erresuma Batuko enbaxadore palestinar Husam Zomlot-ek ondorengoa idatzi du:
"Israelgo okupazio indarrek hainbeste maite genuen Shireen Abu Akleh kazetaria erail dute gaur goizean, beren bortizkeriaren berri ematen ari zela. Shireen Palestinako kazetaririk onenetakoa eta lagun mina zen".
Israeli occupation forces assassinated our beloved journalist Shireen Abu Akleh while covering their brutality in Jenin this morning. Shireen was most prominent Palestinian journalist and a close friend. Now we will hear the “concerns” of the UK govt & the international community pic.twitter.com/M6lKTbceHJ
— Husam Zomlot (@hzomlot) May 11, 2022
Palestinaren aldeko manifestazioetan parte hartzen duten atzerriko ikasleak kanporatzea baimentzen duen dekretua izenpetu zuen urtarrilaren 30ean AEBetako presidente berriak. Orduz geroztik ikasleen bisen baliogabetzeak errepikatzen dabiltza.
Bi langileek Microsoften 50. urteurreneko ekitaldia moztu zuten ostiralean, eta enpresako buruei Gazako genozidioan duten papera leporatu zieten. Adimen artifizialarekin eginiko armak saltzen dizkio multinazionalak Israelgo armadari.
Palestinako Ilargi Gorria larrialdi zerbitzuak baieztatu du gorpuei eginiko autopsiak erakusten duela soldadu israeldarrek tiro egin zietela medikuei. Hil aurretik osasun langileetako batek soldaduek eraso egin zien unea grabatu zuen mugikorrarekin, eta bideoan ikus daiteke... [+]
Gergely Gulyas Hungariako Presidentetza ministroak eman du erabakiaren berri, Hagako auzitegiak atxilotze agindua ezarrita dion Benjamin Netanyahu Israelgo lehen ministroa herrialdera heldu den egun berean. Israelgo armadak Gazako eremu gehiago hartzeko asmoa duela... [+]
Palestinarekin Elkartasuna plataformaren ekimenez, txirrindularitzarekin lotura duten 70 bat pertsonak eskatu dute talde sionistak ez dezala txapelketan parte hartu, eta lortu dute.
Lekukotasunak, autopsia txostenak eta atxiloaldian izenpeturiko adierazpenak bildu ditu The Independent komunikabide britainiarrak. 2023ko urriaren 7az geroztik 70 palestinarrek dute bizia galdu Israelgo presondegietan. Palestinar presoen alde dabilen Addameer elkartearen... [+]
Berriki zabaldu da Gazako lurralderako Egiptok egindako hirigintza-antolaketa plana. Marrazki batean jaso dira etorkizuneko kale, eraikin eta iruditeria, oraindik metraila eta lehergailuen usaina darion errealitate baten gain. Hirigintza proposamena, beste bonba jaurtiketa bat... [+]
Aurten "Israel Premier Tech" txirrindularitza talde israeldarra ez da Lizarraldeko Miguel Indurain Sari Nagusia lasterketara etorriko. Berri ona da hori Palestinaren askapenaren alde gaudenontzat eta munstro sionistarekin harreman oro etetea nahi dugunontzat, izan... [+]
Zer esango zenioke Palestinako aktibista bati aurrez aurre izango bazenu? Ni mutu geratu nintzen Iman Hammouri nire herrian bertan aurkeztu zidatenean. Eskerrak andre nagusi bat gerturatu zitzaigula eta solaskide roletik itzultzailearenera pasa nintzela.
Palestinako Popular... [+]
Gure Haurrak ere Badira ekimenak deituta, Israelek azken egunetan Gazan hildako gehienak haurrak direla salatu dute. Gobernuei eta erakundeei Israelekin harreman oro etetea ere exijitu diete, "genozidio honen aurka argi eta tinko" lerratu daitezen.
No other land dokumentalaren zuzendari Hamdan Ballal kolono sionistek jipoitu zuten astelehenean bere herrian, beste hainbat palestinarrekin batera, eta Israelgo militarrek eraman zuten atxilo ondoren. Astarte goizean askatu dute.
Asteartean menia apurtu zuenetik gutxienez 650 palestinar hil dituzte sionistek, Al Jazeeraren arabera. Netanyhauren gobernuak Shin Bet zerbitzu sekretuetako buru Ronen Bar kaleratzeko erabakia hartu du, baina Auzitegi Gorenak kaleratzea geldiarazi du.
Milaka pertsona bildu dira larunbat honetan Palestinako herriari elkartasuna adierazteko eta “Israelek Gazan egindako genozidioa” amaitzeko eta Benjamin Netanyahuren gobernuak su-etenari berriro ekiteko eskatzeko. Gernika-Palestina herri ekimenak deitu du martxa,... [+]