Israelekin negozioak eteteko eskatu diote Azkoitiko Juaristi Milling Boring enpresari
Armagintzari loturiko makinaria ekoizten eta merkaturatzen du enpresak eta bere bezeroen artean Israel dagoela salatu du Elkar-ekin taldeak. Hala, Israeli boikot dinamikaren bidetik enpresako sarrerak blokatu dituzte igandean.
Azkoitiko Juaristi Milling Boring enpresak hainbat arlotan egiten du lan: energia, aeronautika, eraikuntza eta defentsa, beste batzuen artean. Gerraren arloari dagokionez, defentsa ibilgailu astunentzako materialak sortzen dituztela diote, tartean tankeentzat, itsaspekoak, fragatak eta hegazkin-ontzientzat.
Negozioak erakunde sionistarekin
Enpresak webgunean aditzera ematen dutenez, Europa, Afrika, Asia, Amerika eta Australiako 40 herrialdetara iristen dira enpresaren negozioak. Eta bezero horien artean Israel agertzen da. Entitate sionistari dagokion merkatua NCM konpainiaren bidez –bera ere armagintzari loturikoa– bideratzen dutela diote.
Enpresaren erantzukizun soziala eta kode etikoa
Elkar-ekin taldeak azpimarratu duenez, jarduera etikorako kode propioa dauka Juaristi enpresak. Enpresak bere buruaz dio "konprometitua", "justua", "arduratsua" eta "zintzoa" dela. 2018. urtetik Azpeitiko Iraurgi saskibaloi taldearen babesle nagusia da enpresa. Horrez gain, haurtzaroaren babeserako AVAIM erakundea diruz laguntzen dutela esplikatzen dute. Besteak beste, "lurralde arriskuan" dauden umeak babesteko 3.000 euro bildu dituztela diote.
Elkar-ekinen salaketa
Igande arratsaldez, enpresa horrek Azkoitian duen eraikineko bi sarrera itxi zituzten paleak erabilita, eta armagintzaren aurkako eta Israeli boikota egiteko mezuak jarri zituzten. Ekimenaren bitartez, enpresako arduradunei eskaera argia egin nahi izan dietela zabaldu dute: armagintzari uko egin eta Israelekin dituzten merkataritza harremanak eten.
Ondorengoa ere azpimarratu du Elkar-ekinek: "Hemengo enpresek egiten dutenaz hitz egitea deserosoa zaigu, baina ez du balio Gazara hunkituta begiratzeak hemen egiten dugunaren aurrean begiak itxiz geroz. Gerrak eta genozidioak hemen ere hasten dira, eta ardurak dituzten enpresak eta erakundeak seinalatu behar direla uste dugu: bereziki armagintzaren sektorean inplikazioak dituzten horiek".
Elkartasuna erakustetik harago, urrats berriak emateko garaia dela diote Elkar-ekineko lagunek, tartean Israelen aurkako boikota indartzekoa.
Larunbatean zeharkatuko ditu hiriko kaleak Donostiako Klasikoak, eta Gernika-Palestina herri ekimenak Israelek bertan duen presentzia salatu du, prentsaurreko batean. Adierazi dutenez, “genozidioa eteten ez duten bitartean” klasikoak ez luke Israel-Premier Tech... [+]
Palestine Action taldeak dio bere ekintzaileek astelehen goizean (abuztuak 6) Elbit-ek Bristolen duen fabrika "inbaditu" dutela. Ikerketa eta fabrikazio zentroa oso zainduta dago, eta espetxeko furgoneta bat erabili dute kanpoko perimetroa txikitzeko.
Kaleak bete dituzte LGTBI Komunitatearen Nazioarteko Egunean. Salatu dute erakundeek aurpegia garbitzen dutela keinu sinbolikoekin.
Hainbat lagun elkartu da ekainaren 19ko goizean EHUko Gipuzkoako errektoreordetzaren egoitzan, Ibaetan EHUk CAFekin dituen harremanak eten ditzala eskatzeko. Gipuzkoako campuseko errektoreorde Agustin Erkizia Olaizolak adierazi die EHUk ez duela akordio berririk sinatuko... [+]
Mondragon Korporazioak bost proiektu ditu esku artean erakunde israeldarrekin Ahoztar Zelaietak El Salton salatu duenez. Horren bidez hiru milioi euro inguru irabaziko ditu Mondragonek.
Uribe Kostako Palestinaren aldeko Khalas! elkartasun taldeko hainbat kidek salaketa ekintza egin dute Eusko Jaurlaritzak Bilbon duen egoitza barruan. Jaurlaritzak Israelekin dituen harremanak azaleratu eta salatu nahi izan dituzte.
Ahoztar Zelaietaren ikerketa batek argitu du EHUk lotura duela palestinarren etxeak botatzeko erabiltzen diren ‘bulldozerrak’ garatu dituen institutuarekin. Unibertsitate publikoak apirila bukaeran esan zuen harremanak etengo zituela Palestinako sarraskia espreski... [+]
Gazako krimenak baztertzen ez dituen unibertsitate israeldarrekin harremanak eten eginen ditu Nafarroako Unibertsitate Publikoak. Unibertsitateko Gobernu Kontseiluak aho batez hartu du erabakia, akordio bidez, eta ez du hartu emanik izanen. Harreman komertzialak eta akademikoak... [+]
Asteartean deklaratu beharko dute Tuteran, ikertu gisa. Palestinan eraikitzen ari den tranbia-sarearen bidez, CAF "entitate sionistaren kolonizazioan parte hartzen" ari dela ohartarazi dute.
Duela 76 urte abiatutako Nakbak martxan jarraitzen duela salatu dute hiri eta herri ugaritan. 5.500 euskal herritar inguruk egin dute bat BDZk antolatutako mobilizazioekin. Larunbatean manifestazioa izango da Iruñean, 12:30ean.
Maiatzaren 11n ospatuko da Suedian Eurovision jaialdia eta Israelen parte hartzeak kritika ugari sortu ditu. Europako milaka artista eta ehunka antolakundek jaialdiari boikota egiteko deia egin dute. Aurten Malmö hirian izango da ekitaldia eta aurreko egunetan, milaka... [+]
Besteak beste, Bartzelonako Unibertsitateko klaustroak Israelekin harreman instituzionalak etetearen alde bozkatu du. Dublingo Trinity College ikasle mobilizatuekin akordio batera heldu da Israelekin “harremana hausteko norabidean lan egiteko”. Ikasle Abertzaleakek... [+]
Erandioko Carrefour katearen merkatalgunean protesta egin zuen barikuan Khalas! Palestina Uribe Kostako taldeak, "Gazako sarraskian duen konplizitatea salatzeko". Ekintza horren bitartez, bezeroak informatu, kontzientziatu eta "Israelen kolaboratzailea" den... [+]