Israelek su etena apurtu du eta 400 hildakotik gora eragin ditu Gazan
Israelek eraso masiboak abiarazi ditu berriro ere Gaza osoan: Khan Younis eta Rafan Gaza hegoaldean, Gaza Hirian iparraldean eta eta Deir el-Balah-n erdialdean. "Familiak seme-alaben gorpuzkiak eskuetan zituztela iristen ziren ospitalera", adierazi du lekuko batek.
"Oraindik hainbat biktima hondakinen azpian" daudela ziurtatu du Palestinako Osasun ministroak. Beraz, zifrek gora egin dezakete. Hildakoen kopuru handi bat umeak direla ziurtatu du, Al Jazeerak jaso duenez.
Erasoa urtarrilaren 19an adostutako su etenaren ezeztapena dela adierazi du Hamasek: "Netanyahu eta bere muturreko gobernua su eten akordioa bertan behera uzteko erabakia hartzen ari dira, Gazako presoak patu ezezagun baten eraginpean jarrita". Nazio arabiar eta islamiarretako herritarrei, "munduko jende askearekin" batera, kalera ateratzera deia egin die, erasoa salatzeko.
Gazako Gobernuko Hedabideen Bulegoak adierazi du "haurren eta emakumeen aurkako genozidioa egiten jarraitzeko aldez aurretik pentsatutako plan bat" duela Isaelek, eta "inolako muga moral edo legalik gabe okupazioaren benetako asmoak" azaltzen dituela.
Israelgo lehen ministro Benjamin Netanyahuk adierazi du militarrei "neurri sendoak" hartzeko agindu diela. Hamasi leporatu dio su eteneko akordioa luzatu ez izana eta Israelgo gatibuak ez askatzea. "Hemendik aurrera, Israelek indar militarra areagotuko du Hamasen aurka egiteko". Al Jazeerak argitaratu duenez, Israelek Hamasi negoziaketetan egindako hainbat proposamen errefusatu izana leporatu dion arren, Netanyahuk uko egin zion otsailaren 6an su eten akordioaren bigarren faseari buruzko negoziazioak hasteari.
Lekuko izan den Gazako irakasle batek horrela kontatu ditu erasoak: "Ikaratuta geunden, haurrak ikaratuta zeuden. Senitartekoengandik dei asko jaso genituen ondo geunden egiaztatzeko. Anbulantziak etengabean zebiltzan kale batetik bestera". Irakasleak adierazi du familiak "seme-alaben gorpuzkiak" eskuetan zituztela iristen zirela ospitalera. Erasoak jendea aterpetu den auzoetan, eskola inprobisatuetan eta etxebizitza eraikinetan egin dituztela jaso du Al Jazeerak.
Israelgo indarrek 48.000 pertsona baino gehiago hil dituzte orain arte lurraldean, Palestinako osasun agintarien arabera.
Israelek Gazarako su-etenaren urraketa ugari egin ditu urtarrilaz geroztik: zerrendako palestinarrak oinarrizko laguntzarik jaso gabe egon dira ia astebetez, eta Netanyahuk azken egunetan mehatxu egin ondoren, argindarrik gabe utzi ditu orain. Dohan ordezkari estatubatuarrekin... [+]
Asteburua baino lehen lau gatiburen gorpuak itzuliko ditu Hamasek. Horrela, Gazarako su-etenaren lehen faserako adostutako preso truke guztiak gauzatuko dituzte Israelek eta talde palestinarrak.
Yala Nafarroak deitutako manifestazioan 2.000 pertsona inguruk hartu dute parte eta Iruñeko hainbat kale zeharkatu ditu Gaztelu plazan amaitzeko. Azken irakurketan adierazi dutenez, "erokeria distopiko hori geldiarazi daiteke, askoz gehiago garelako kapital handiak... [+]
Jenin hiriaren aurkako oldarraldia duela hilabete bat baino gehiago abiatu zuen Israelek, geroztik 26 palestinar hil ditu gutxienez, eta milaka beren etxeetatik kanporatu. Israelgo armada Zisjordania iparraldean pasabideak eraiki nahian ari dela salatu dute, kanporatutako... [+]
Berlinale zine jaialdian gertatu da joan den asteburuan. Jun Li zuzendariak, Queerpanorama lan berria aurkeztu zuenean, printzipio ideologikoengatik Alemaniara ez joatea erabaki zuen Erfan Shekarriz aktore irandarraren testu bat irakurri zuen oholtza gainean: "Ibaitik... [+]
Yala Nafarroak bat egiten du Israelek nazioarteko zuzenbidea sistematikoki urratzen duela salatzeko mundu osoan zehar egiten ari diren mobilizazioekin, eta iragarri dute mobilizazioei eutsiko dietela Mendebaldeko gobernuek Israelgo erregimenarekin duten konplizitatearekin amaitu... [+]
Su-etena hitzartu eta hilabete bete denean, lehen faserako adostutako 33 bahituetatik 25 askatu ditu Hamasek. Israelek, berriz, 985 preso utzi ditu aske. Bigarren fasea martxoaren 2an da indarrean sartzekoa, baina bi aldeek jarraitu beharreko urratsak zehazteko daude... [+]
Kulturatik elkarteak antolatuta, Musika eta dantza Palestinarekin ekitaldia egin dute Alderdi Ederren gaur eguerdian. Palestinako herriari elkartasuna adieraztea eta jasaten ari diren genozidioaren bukaera eskatzea izan da helburua. Donostiako Udalaren Musika eta Dantza... [+]
Su-etena hausteko arriskua erreala izan bada ere aste guztian zehar, adostasun batera iristeko bidean dira bi aldeak: bahitu gehiago askatuko lituzke Hamasek, laguntza Gazara sarrarazteko bidea ez oztopatzeko "promesa" egin duelako Israelek. Arabiar Ligako herriek... [+]
"Hamasek gure bahituak larunbat eguerdia baino lehen itzultzen ez baditu, su-etena amaitu egingo da eta armadak gogor borrokatuko du Hamas garaitu arte", adierazi du Israelgo lehen ministro Benjamin Netanyahuk, talde palestinarrak preso trukea behin-behinean... [+]
Erakunde islamistak Israelek urratu dituen neurrien artean aipatu ditu Gaza bonbardatzen jarraitzea eta aske utzitako preso palestinarren egoera. Trumpek mehatxatu du, preso trukea egin ezean, Gaza "infernu" bihurtuko duela.
Ehunka pertsona mobilizatu ziren Maccabi Tel Aviv talde israeldarrak Gasteizen jokatu duela gaitzesteko. «Israelgo Estatuaren normalizazioari» ekarpena egiten diola kritikatu diote Baskoniaren zuzendaritzari.
AEBetako presidentearen Gazako palestinarrak kanporatzeko asmoak aurkako erreakzio ugari eragin ditu nazioarteko nahiz herrialdeko politikan, baita Alderdi Errepublikanoan ere. Gehienek "garbiketa etnikoa" sustatzea egotzi diote, baina Trumpek bere asmoa berresten... [+]
Benjamin Netanyahu Israelgo lehen ministroaren bisitarekin batera egin ditu adierazpenak AEBetako presidenteak, Etxe Zurian. Zerrendan bizi diren 1,8 milioi palestinarrak Egipto edota Jordaniara lekualdatzea proposatu du.