Israelek kazetari palestinarrak hiltzeko patroi bat jarraitzen duela erakutsi dute
Kazetarien Babeserako Batzordeak adierazi du 103 kazetari hil dituztela sionistek urriaren 7tik eta 150etik gora zenbatu ditu Gazako Osasun ministerioak. Txosten batek ohartarazi du kasu batzuetan nahita hil zituztela, kazetariak zirela jakinda.
Gaza bilakatu da munduko lekurik arriskutsuena kazetarientzako azken bederatzi hilabeteetan. Forbidden Stories ikerketa taldeak txosten bat argitaratu du, hamahiru hedabidetako 50 kazetarik landutakoa, eta bertan adierazi dute armada sionistak kazetariak hiltzeko “patroia” errepikatzen dela jardunean. Hildako kazetarien kopuru ezberdinak plazaratu dituzte hainbat iturrik, 103 jaso ditu Kazetarien Babeserako Batzordeak, baina 150etik gora izan dira Gazako Osasun ministerioaren arabera. Genevako laugarren hitzarmenak zehazten du nazioarteko legea urratzen duela borrokan parte hartzen ari ez diren kazetariei edo beren tresneriari eraso egiteak. Israelek berak eta beste 195 herrialdek sinatua dute hitzarmen hori.
Forbidden Stories taldeak ateratako ikerketan adierazi dute Gazan azken hilabeteetan hildako kazetari kopurua “errekorra” dela, mundu mailako beste gatazka armatuak gainditzen dituela. Gutxienez hemezortzi kazetari hil edo zauritu dituzte sionistek ustezko drone erasoen bidez, horietako lauk prentsa txalekoak zituzten jantzita. Ikerketak aditzera ematen du kazetari gisa identifikatuak izan zitezkeen arren eraso egin ziela Israelgo armadak. Hedabideetako 40 langile beren etxeetan zeuden bitartean hil zituzten sionisten bonbek, eta beste 40 lanean zebiltzan Israelek "palestinar erresistentziaren aldeko komunikabide" gisa izendatutako taldeentzat. Hedabideen lantoki ziren sei eraikin suntsitu ditu Israelek, txostenaren arabera. “Patroi beldurgarria” salatu dute Gaza project izeneko ikerketan.
Forbidden Stories ikerketa taldearen sortzailea eta kazetaria den Laurent Richarden hitzetan “Gazan bizirauten duten kazetariek aspalditik dakite prentsa txalekoek ez dituztela babesten. Are gehiago, babeserako tresneriak arrisku handiagoan jarri ditzake”. Ikerketa taldetik ohartarazi dute kazetariak “historiaren lekukoak” direla, eta beren presentziak saihestu dezakeela gerra krimenak inpunitatez zabaltzea. Era berean, adierazi dute kazetarien lana ezinbestekoa dela gatazkan bertan gertatzen ari dena ezagutzeko, zabaldutako propagandatik harago.
Adimen artifizialak kazetariak ditu jo puntuan?
Forbidden Storieseko ikerketa egin duten kazetariek jakinarazi dutenez, Lavender adimen artifizialaren bidez hilketa hauetako batzuk egin izana aukera bat da. Sistema honen helburua erasoen jo puntuan daudenak hautatzea da, eta hainbat ezaugarri hartu ditzake kontuan. Zalantza sortu du honek, ea Lavenderrek kazetariak nahasten dituen erresistentzia palestinarreko borrokalariekin, edo ea nahita hartzen dituen helburu militar gisa. Israelgo iturri batek azaldu du “litekeena dela kazetari bat Hamasen WhatsApp talde batean egotea edo haiekin komunikatzea”, eta horregatik “zentzua duela” Lavenderrek Hamaseko militante gisa identifikatzea.
Palestinarekin Elkartasuna plataformak osteguna, ostiral eta larunbatean eginen ditu protestak, Israel genozida. Palestinar erresistentzia aurrera! lelopean. Gernika-Palestina-k ere manifestazio nazionala antolatu du larunbaterako Donostian. Euskal Herriko Kontseilu Sozialistak... [+]
500 palestinar hil ditu Israelek, horietatik 130 baino gehiago adin txikikoak, su etena apurtu eta bigarren egunean. “Hasiera baino ez” dela ohartarazi du Netanyahuk.
Israelek eraso masiboak abiarazi ditu berriro ere Gaza osoan: Khan Younis eta Rafan Gaza hegoaldean, Gaza Hirian iparraldean eta eta Deir el-Balah-n erdialdean. "Familiak seme-alaben gorpuzkiak eskuetan zituztela iristen ziren ospitalera", adierazi du lekuko batek.
Israelek Gazarako su-etenaren urraketa ugari egin ditu urtarrilaz geroztik: zerrendako palestinarrak oinarrizko laguntzarik jaso gabe egon dira ia astebetez, eta Netanyahuk azken egunetan mehatxu egin ondoren, argindarrik gabe utzi ditu orain. Dohan ordezkari estatubatuarrekin... [+]
Asteburua baino lehen lau gatiburen gorpuak itzuliko ditu Hamasek. Horrela, Gazarako su-etenaren lehen faserako adostutako preso truke guztiak gauzatuko dituzte Israelek eta talde palestinarrak.
Yala Nafarroak deitutako manifestazioan 2.000 pertsona inguruk hartu dute parte eta Iruñeko hainbat kale zeharkatu ditu Gaztelu plazan amaitzeko. Azken irakurketan adierazi dutenez, "erokeria distopiko hori geldiarazi daiteke, askoz gehiago garelako kapital handiak... [+]
Jenin hiriaren aurkako oldarraldia duela hilabete bat baino gehiago abiatu zuen Israelek, geroztik 26 palestinar hil ditu gutxienez, eta milaka beren etxeetatik kanporatu. Israelgo armada Zisjordania iparraldean pasabideak eraiki nahian ari dela salatu dute, kanporatutako... [+]
Berlinale zine jaialdian gertatu da joan den asteburuan. Jun Li zuzendariak, Queerpanorama lan berria aurkeztu zuenean, printzipio ideologikoengatik Alemaniara ez joatea erabaki zuen Erfan Shekarriz aktore irandarraren testu bat irakurri zuen oholtza gainean: "Ibaitik... [+]
Yala Nafarroak bat egiten du Israelek nazioarteko zuzenbidea sistematikoki urratzen duela salatzeko mundu osoan zehar egiten ari diren mobilizazioekin, eta iragarri dute mobilizazioei eutsiko dietela Mendebaldeko gobernuek Israelgo erregimenarekin duten konplizitatearekin amaitu... [+]
Su-etena hitzartu eta hilabete bete denean, lehen faserako adostutako 33 bahituetatik 25 askatu ditu Hamasek. Israelek, berriz, 985 preso utzi ditu aske. Bigarren fasea martxoaren 2an da indarrean sartzekoa, baina bi aldeek jarraitu beharreko urratsak zehazteko daude... [+]
Kulturatik elkarteak antolatuta, Musika eta dantza Palestinarekin ekitaldia egin dute Alderdi Ederren gaur eguerdian. Palestinako herriari elkartasuna adieraztea eta jasaten ari diren genozidioaren bukaera eskatzea izan da helburua. Donostiako Udalaren Musika eta Dantza... [+]
Su-etena hausteko arriskua erreala izan bada ere aste guztian zehar, adostasun batera iristeko bidean dira bi aldeak: bahitu gehiago askatuko lituzke Hamasek, laguntza Gazara sarrarazteko bidea ez oztopatzeko "promesa" egin duelako Israelek. Arabiar Ligako herriek... [+]
"Hamasek gure bahituak larunbat eguerdia baino lehen itzultzen ez baditu, su-etena amaitu egingo da eta armadak gogor borrokatuko du Hamas garaitu arte", adierazi du Israelgo lehen ministro Benjamin Netanyahuk, talde palestinarrak preso trukea behin-behinean... [+]
Erakunde islamistak Israelek urratu dituen neurrien artean aipatu ditu Gaza bonbardatzen jarraitzea eta aske utzitako preso palestinarren egoera. Trumpek mehatxatu du, preso trukea egin ezean, Gaza "infernu" bihurtuko duela.