Israelek fosforo zuriarekin gutxienez 24 eraso egin dituela dokumentatu du NBEk
Gazako herritarrei arma kimikoarekin eraso egin izana salatu du NBEren Giza Eskubideen Bulegoak ostiralean argitaratutako txosten batean. Fosforo zuria nazioarteko legedian debekatuta ez dagoen arren, debekatuta dago populazio zibilaren aurka erabiltzea.
2023ko azarotik 2024ko apirilera arteko hilabeteak ikertu ditu azaroaren 8an argitaratutako txostenak. Sei hilabete horietan Gazako zerrendaren erdialdean fosforo zuriarekin bederatzi eraso identifikatu dituzte, sei Gazako hiriburuan eta hiru Jan Yunisen, horietako batzuk errefuxiatu guneetan.
Ez da fosforo zuriaren erabilera salatzen den lehengo aldia, 2012an Gazako Fronteko Osasun ministroak ere produktu berdina erabili izana salatu baitzuen.
OME Osasunaren Mundu Erakundeak azaldu duenez, fosforo zuriak bat-batean hartzen du su oxigenoarekin kontaktuan jartzen denean, eta oso zaila da itzaltzen. Gainera, azalari eta arropari itsasteko joera du eta erredura “sakonak eta larriak” eragiten ditu, hezurretaraino ere sartzen baita.
Adimen artifiziala
Gerra helburuak identifikatzeko adimen artifizialaren ustezko erabileraren berri ere ematen du NBEk publikatutako txostenak. Salatu du Gazan erabiltzen den teknologiak ez dituela bereizten militarrak eta zibilak; pertsona bat gizona ala emakumea den bereizteko baino ez duela balio.
Zibilen aurkako erasoak masiboki hedatu izana salatu du NBEk, eta argudiatu du horren isla dela gutxienez 16.000 adin txikiko erail izana, edo etxebizitza zein ospitaleei etengabe eraso egin izana.
Asteburuan 50 palestinar hilik, gutxienez
Azken 24 orduetan Israelgo armadak gutxienez 50 palestinar hil eta 160 zauritu ditu Gazan. Gazako Osasun Ministerioak igande honetan argitaratu duen txosten baten arabera Israelek hiru sarraski egin ditu asteburuan Gazako Zerrendan hainbat familien aurka.
Ikerketan gaineratu du 10.000 pertsona inguruk hondakinen artean eta errepideetan harrapatuta jarraitzen dutela desagertuta, Defentsa Zibileko erreskate zerbitzuek ezin baitute esku hartu. Ministerioak gogorarazi du datu horiek hurbilketa soila direla, ezin baita zehazki kalkulatu bonbardaketen ondorioz zenbat pertsonek jarraitzen duten hondakinen azpian.
Asteburuko datuen bilketaren ostean, 43.603 palestinar hildako erregistratu dira. Biktimen %70 emakumeak eta haurrak dira Hamaseko Gobernuko iturrien arabera, 29.276 pertsona guztira. Gainera, 3.500 haur inguru desnutrizio arriskuan daudela jakinarazi du.
Ehunka pertsona mobilizatu ziren Maccabi Tel Aviv talde israeldarrak Gasteizen jokatu duela gaitzesteko. «Israelgo Estatuaren normalizazioari» ekarpena egiten diola kritikatu diote Baskoniaren zuzendaritzari.
AEBetako presidentearen Gazako palestinarrak kanporatzeko asmoak aurkako erreakzio ugari eragin ditu nazioarteko nahiz herrialdeko politikan, baita Alderdi Errepublikanoan ere. Gehienek "garbiketa etnikoa" sustatzea egotzi diote, baina Trumpek bere asmoa berresten... [+]
Benjamin Netanyahu Israelgo lehen ministroaren bisitarekin batera egin ditu adierazpenak AEBetako presidenteak, Etxe Zurian. Zerrendan bizi diren 1,8 milioi palestinarrak Egipto edota Jordaniara lekualdatzea proposatu du.
Urtarrilaren 30 honetan abian jarri du Israelek Jerusalem ekialderako UNRWA Palestinar Iheslarientzako Laguntza eta Lan Bulegoaren debekua. Urtarrilaren 15ean adosturiko su-etenari segi, bahituen eta presoen hirugarren trukea dute ostegun honetan.
Su-etenaren akordioarekin barnean, Israelgo armadak Netzarim korridorea ireki du. Ia urtebeteko erbestealdiaren ondoren, milaka palestinar euren etxeetara abiatu dira bidaia emozional sakonean. Trumpek gazatarrak Egiptora eta Jordaniara desplazatzea proposatu du, eremua erabat... [+]
.jpg)
Igandetik indarrean da Hamasek eta Israelek nazioarteko bitartekaritzarekin adostutako su-etena. Lehen egunean 69 emakume eta 21 nerabe askatu ditu Israelek, horietako bederatzi adingabeak, eta Hamasek hiru israeldar. Gazara laguntza humanitarioko 630 kamioi ere sartu dira.
Adosturiko puntu batzuk aldatzen saiatzea leporatu dio Benjamin Netanyahuk Hamasi, baina azken honek informazioa gezurtatu egin du berehala. Urtarrilaren 15eko arratsaldean adostutakoaren arabera, hiru fase lituzke meniak eta igandean abiatzekoa dute. Bizkitartean, erasoekin... [+]
Sindikatu abertzaleko 100 bat kidek Portuko sarrera blokeatu dute Santurtzin, eserialdi baten bitartez. Ekimen horren bitartez Palestinari elkartasuna erakutsi eta genozidioa salatu dute.
Zeresana ematen ari da Rami Younis kazetari eta aktibista palestinarraren LYD animaziozko film-dokumentala. Fikziozkoa da, Israelek inoiz okupatu gabeko Lyd hirian kokatua, zeinean ez den sekula ere britainiarren koloniarik egon, eta juduak eta arabiarrak elkarrekin bizi diren;... [+]
Gazan 2023ko urria eta 2024ko ekaina artean Palestinako Osasun Ministerioak adierazitakoa baino %40 hildako gehiago izan direla azaldu dute The Lancet aldizkarian argitaratutako ikerketa batean. Zuzeneko heriotzak soilik hartu dituzte kontuan azterketan, hau da, bonbaz edo tiroz... [+]
Hussam Abu Safiya medikua askatzeko eskatu du Osasunaren Mundu Erakundeak, eta bere aldeko kanpaina ere abiatu dute sareetan. Abu Safiya medikua ez da edonor; nazioartean erreferente bihurtu da, berak zuzentzen zuen ospitalearen aurka egindako erasoak kontatzen zituelako.
Gutxienez 201 dira 2023ko urriaz geroztik Israelek Gazan hildako kazetariak. Abenduaren 26 honetan hildako azken bostak Al-Quds telebista katean zebiltzan lanean.
Ekimena abenduaren 28an egingo da Iruñeko Baluarte plazan. Goizeko 11:00etan ipuin irakurketa antolatu du Yalak La diverxa Cris ipuin kontalariarekin eta, ondoren, 12:00etatik aurrera, BDZ (Boikota, Desinbertsioa eta Zigorra) ekimenak antolatuta egingo da irakurketa.