Israelek ez du onartu AEBen esanetan berarekin adostu zuen su-eten proposamena
Joe Bidenek adierazi zuen Israelekin adostuta zegoela AEBek ostiralean aurkeztutako proposamena, baina Netanyahuk zalantzan jarri du su-etena egon daitekeenik Hamas guztiz suntsitu arte. Hamasek positibotzat jo du eskaintza eta negoziatzeko prestutasuna adierazi.
Joan den ostiralean Joe Biden AEBetako presidenteak su-eten proposamen bat aurkeztu zuen, hiru fasetan lortuko lituzkeena su-eten iraunkorra eta bahituen itzulera. AEBetako estatu idazkaritzako bozeramaileak eta Segurtasun Batzordekoak, biek adierazi zuten Israelgo Gobernuak landutako proposamena zela, AEBen, Qatarren eta Egiptoren bitartekaritzarekin, eta Hamas zela oztopo bakarra su-etena ez gauzatzeko. Hamasek, bere aldetik, jakinarazi zuen positibotzat jotzen zuela su-eten proposamena, eta prest zegoela negoziaketetan hasteko su-eten iraunkorra helburu zuen plan bati buruz.
Baina ustez sionistek onartutako proposamena zalantzan jarri du Netanyahuk berak asteburuan. Alde batetik, esan du AEBen planak ez diola Israeli debekatuko “gerran” jarraitzea Hamas suntsitu arte. Bestetik, adierazi du gerra amaitzeko baldintzak ez direla aldatu, eta su-eten iraunkorra egon ahal izateko beharrezkoa dela Hamasen gaitasun militarrak eta aginte gaitasuna suntsitzea, bahituak askatzea eta bermatzea Gaza ez dela mehatxu bat izango Israelentzat etorkizunean. Baldintza horiek zalantzan jartzen dute AEBek esandakoa, alegia, su-eten iraunkorrera bideratua zegoela proposamena.
Hiru faseko proposamena
Hiru fase ditu Bidenek aurkeztutako proposamenak. Lehenengoak aurreikusten du, sei astean, berehalako su-eten orokorra abiatzea. Hamasek bahitutako pertsonetako batzuk askatuko lituzke, emakumezkoak, adineko pertsonak eta zaurituak, batez ere, eta Israelek ehunka preso palestinar askatuko lituzke. Armada sionista partzialki erretiratuko litzateke Gazatik, biztanleria handiko zonaldeetatik kanpora, eta laguntza humanitarioaren sarrera bermatuko litzateke, gutxienez 600 kamioi egunean.
Bigarren faseari “liskarren amaiera iraunkorra” deitu zion Bidenek. Horretarako adostasuna lortzea zaila izango zela adierazi bazuen ere, proposamenak jasotzen du Hamasek bizirik dauden bahitu guztiak askatzea eta armada sionista Gazatik guztiz erretiratzea. Hirugarren fasean Gazaren berreraikuntza hasiko litzateke, eta israeldar hildakoen gorpuak emango lituzke Hamasek.
Nazioarteko babesa
Herrialde ugarik ontzat eman zuten AEBen proposamena. G7ko herrialdeek, Kanada, Japonia, Frantzia, Alemania, Italia eta Espainiak babestu egin zuten akordiorako aukera, eta Hamasi dei egin zioten onartu zezan. Saudi Arabiak eta Arabiar Emirerri Batuek ere bat egin zuten Bidenen proposamenarekin, eta Qatar eta Egiptok Israel eta Hamasi eskatu zieten hitzarmena gauzatzeko.
Israelen protesta jendetsuak egon dira Benjamin Netanyahuri presio egiteko AEBen proposamena onartu dezan. 120.000 pertsona inguru irten ziren kalera igandean Tel Aviven egindako mobilizazioetan. Azken hilabeteetan protesta ugari ikusi dira Israelen Netanyahuren kudeaketaren aurka. Bbahituen familiek hainbat kritika egin dizkiote lehen ministroari, eta salatu dute bahituen itzulera oztopatu duela Gazako oldarraldian izandako jarrerak.
Sionista hitza daukaten argitalpenak ezabatuko ditu, juduei edo israeldarrei erreferentzia egiten dieten kasuetan. Orain arte baino modu zabalagoan hartuko dute erreferentziak aztertzeko irizpidea, eta sionisten aurkako mugimenduei eragin diezaieke.
Gazatik itzulitako soldaduek aitortu dute bertan ez dagoela tiro egiteko irizpiderik. Armada sionistak nahieran egiten du tiro, etxeak erre eta gorpuak lurrean botata utzi, guztia komandanteen onespenarekin.
"Zaila da, baina beharrezkoa". Hala azaldu du The Lancet zientzia aldizkariak Gazako hildakoak kontatzeko hartu duen lanaren berri. Hildakoen kopurua, gaixotasunak eta bestelako zeharkako faktoreak kontuan hartuta, gutxienez 186.000 pertsona hil dituztela kalkulatu... [+]
Netanyahuk baldintza bezala jarri du Israelek ofentsiba berrabiarazi ahal izatea “gerraren helburuak bete arte”. Iturri batzuen arabera, Hamasek onartu du su-eten iraunkorra negoziaketen lehen fasean adostea, aurrebaldintza izan beharrean.
Hezbollahren goi mailako bi agintari militar hil ditu Israelek hilabete batean. Tentsioak gora jarraitzen du, erabateko gerra pizteko kezka artean.
Hamarnaka mila pertsonak ihes egin behar izan dute Khan Younis eta Gaza hirietatik azken egunetan, nora joan izan gabe. Israelgo armadaren eta Netanyahuren arteko talkak azaleratuz doaz, eta Hezbollahren aurkako gerra geroz eta gertuago dago. Su-eten proposamena mahai gainean... [+]
Kartzela sionistetako pilaketaz ohartarazi du Shin Bet segurtasun- eta inteligentzia-zerbitzuak berak. Hainbat iturrik sarri eman dute palestinarrek espetxe horietan jasaten dituzten tratu txarren berri, eta espetxeak handitzen jarraitzen dute sionistek.
Irunberriko Talde Feministaren eskaerari uko egin eta eraso sexisten aurkako kartela ez dutela herri sarreran jarriko erabaki du Rocío Monclús buru duen udal gobernuak, ez dela beharrezkoa argudiatuta, "beste eraso batzuk ere gertatzen direlako". Udalaren... [+]
Nazioartean Palestinako Estatua aitortu izanari erantzunez hartu dute neurria, Israeleko Finantza ministroaren esanetan. Zeukan botere administratibo urria kendu diote Palestinako Aginte Nazionalari Zisjordaniako lurren laurdenean.
Azpeitian Palestinari elkartasuna adierazteko mural batean mezu islamofoboak margotu dituzte. "Palestina Akatu" eta Islama minbiziarekin parekatzen duten pintaketak dira. Elkar-ekin mugimenduak salatu du ekintza.
Kazetarien Babeserako Batzordeak adierazi du 103 kazetari hil dituztela sionistek urriaren 7tik eta 150etik gora zenbatu ditu Gazako Osasun ministerioak. Txosten batek ohartarazi du kasu batzuetan nahita hil zituztela, kazetariak zirela jakinda.
Uztailaren 13rako antolatu du manifestazio bat Palestinarekin Elkartasunak. 18:30ean aterako da San Frantzisko Plazatik.
Bost errefuxiatu kanpalekuri egin diete eraso sionistek 48 orduan, eta dozenaka lagun hil. NBEk ohartarazi du Israel nahita ari dela muturreko gosea sortzen Gazan, eta gerra krimena dela adierazi du.
Marka gabeko hilobietan lurperatuta, hondakinen artean harrapatuta edo Israelek atxilotuta daude milaka ume. 17.000 haur umezurtz gelditu dira sionisten erasoen ondorioz.