Israelgo Gobernuak eta Hamasek su-etena sinatu dute, BBCren arabera
Gazan botere politiko eta armatua duen Hamas erakundeak eta Israelgo Gobernuak elkarri ez erasotzeko akordioa lortu dute. BBC kate ingelesak zabaldu du albistea. Egiptoko Gobernuaren bitartekaritzaren bitartez, Hamasen eskaria onartu ei du Netanyahuren Gobernuak eta datozen orduetan egingo da publiko.
Hamas kohete bidezko erasoak eteteko prest legoke Israelgo armadak Gazan bonbardaketak bertan behera utziz gero. BBCko iturrien arabera, bi aldeek onartu dute.
Biolentziaren maila egunetik egunera areagotu da Palestinan, Israelgo hiru kolono gazteak bahitu zituztenetik. Israelgo Gobernuak ehunka lagun atxilotu ditu, tartean Hamaseko parlamentariak. Zisjordanian eta Gazan guztira hamar palestinar hil ditu tiroz eta bonbaz. 2.000 etxetik gora miatu ditu Isralego armadak, eta horietako batzuk suntsitu ditu. Herritarren aurkako kolonoen oldarraldi andana ere gertatu dira, asko Hebron inguruan.
Hamasek, bere aldetik, azken bi asteetan dozenaka kohete jaurti ditu Israelgo hegoalderantza, biktimarik eragin gabe. Guztiz gaiztotuta zegoen giroari gehitu behar zaio asteartean Jerusalemen, zantzu guztien arabera, bahitu, torturatu eta hil zuten gazte palestinarraren kasua. Horrek gaur egunera arte luzatu diren istiluak piztu ditu Israelgo poliziaren eta palestinarren artean.
Su-etenaren kontrako ahotsak
Oraindik publiko egin ez den su-eten honen aurka hitz egin dutenak ez dira gutxi izaten ari Israelen. Gobernuaren barrutik ere entzun dira aurkako adierazpenak. Atzerriko Aferetako Avigdor Liebermanek esan du akordioa akats larria dela. "Gure eskuak jarri behar ditugu beldurra sustatzen dutenen gainean, Khaled Mashal eta Ismail Haniyeh (Hamaseko buruak) barne. Jakin behar dute haiek jomuga direla", adierazi du Israelgo Sderot hiriko armadaren misil-gunean.
Urtebete igaro da, diotenez. Ez dut sekula ulertu mendebaldarrok daukagun ohitura harroputz hau: nahiz eta gatazkak ia mende bateko iraunaldia izan, datak nahierara moldatzen ditugu, garrantzia nolanahi oparituz. Azkeneko sasoia ezberdina izan al da beren lurraldean preso... [+]
Azken egunetan gutxienez Nazio Batuen Erakundeko bost kasko urdin zauritu ditu Israelgo armadak, UNIFIL Nazio Batuen Libanorako Indar Behin-Behinekoak duen egoitza nagusiaren kontrako erasoetan, Naqoura herrian. Netanyahuk esan du kasko urdinak “giza ezkutu” gisa... [+]
Ingelesez zabalduriko bideo baten bidez eman die abisua Israelgo Lehen ministroak: Israelgo armadarekin kolaboratu ezean, libanoarrei ere bideratuko die palestinarrek pairaturiko "sufrikarioa".
Israelgo armadak bortizki egin du eraso igandetik astelehenerako gauean, Hamasen urriaren 7ko erasoaldiaren urtemugarekin bat eginez. Libanoko Beirut hiriburuaren hegoaldea bonbardatu du, eta Gaza erdiguneko beste ospitale bat ere bai.
Urtea bete da Hamasen urriaren 7ko erasoak gertatu zirenetik. Ordutik, Israelek Gaza suntsitu du eta guda inguruko herrialdeetara zabaltzen ari da pixkana. Urtebete honetako gertaera nagusiei errepasoa emango diegu kronologia honetan.
Ostegun arratsaldean hasiko dira baraualdiak, eta bost gune antolatu dituzte ekimenari lotuta: Bilbon, Altsasun, Donostian, Gasteizen eta Iruñean. Larunbat eguerdian, berriz, manifestazio handi bat egingo dute Bilbon, palestinar erresistentziarekin elkartasunez eta... [+]
Irailaren 17ko astean, Israelgo lehen ministro Benjamin Netanyahuk erabaki zuen Hezbollah-rekin Libanon zuen misil trukea beste maila batera eskalatzea, eta erabateko gerra hastea.
Ez bazara gai ikusteko palestinarren belaunaldi ugariri Israelek egindako gehiegikerien eta Hamasen krimenen arteko lotura kausala, ez duzu arrastorik ere giza izaerari buruz.
Astearte gauean Iranek ehunka misilekin egin dio eraso Israeli. Base militar eta azpiegitura energetikoen aurka zuzendu du erasoa. Gutxienez zazpi pertsona hil dira erasootan, CNNn irakur daitekeenez. Ez dago garbi Israelgo defentsa sistema zenbat misil neutralizatzeko gai izan... [+]
“Gerraren hurrengo fasea” hasi duela iragarri du Israelgo Armadak. Beirut hiriburuan, Gazan eta Sirian ere egin ditu bonbardaketak, eta Iran mehatxatu du berriz ere. AEBek jakinarazi dute soldadu gehiago bidaliko dituztela Ekialde Hurbilean dituen baseetara, Israeli... [+]
“Zonalde militar itxia” bilakatuko litzateke Gaza iparraldea, eta palestinar zibil guztiak kanporatzea ekarriko luke. Astebetean joaten ez diren guztiak helburu militar gisa hartu eta hil egingo lituzkete, planaren arabera.
José Luis Zapatero Espainiako presidente zela hasi ziren akordioa lantzen 2011n eta 2014an gauzatu zuten Espainiako Mariano Rajoy eta Israelgo Shimon Peres presidenteek. Publico komunikabideak eman du akordio horren berri.