Palestinaren aurkako azken erasoa hasi zuenetik, Israelek gutxienez 48 palestinar hil eta 300 zauritu ditu. Israelgo Armadaren arabera, azken egunotakoa Hamasi “2014tik emandako kolperik handiena” da. Israelek uko egin dio NBEk galdegindako su-etenari.
“Gure asmoa da erasoen intentsitatea eta kantitatea handitzea”. Asteartean Israelgo jarduneko lehen ministro Benjamin Netanyahuk adierazitakoari segi, Palestinaren aurkako erasoa etetetik urrun Israelek areagotu egin du ofentsiba azken orduetan, biktima kopurua handituz. AlJazeera hedabideak jakinarazi duenez, asteartetik asteazkenerako gauean Israelen bonbardaketek ez dute etenik izan Gazako zerrendan. Gazako Osasun Ministerioaren arabera, hildako palestinarren kopurua 48ra igo da –horietatik hamalau haurrak izanik–, eta 300dik gora pertsona gehiago zauritu dituzte.
AlJazeerak jasotakoaren arabera, Palestinako zenbait iturrik jakinarazi dute bonbardaketek talde armatuen egoitzak jo dituztela, eta baita zenbait komisaria ere, Hamaseko Poliziaren egoitza nagusia kasu. Tartean, hamahiru solairuko bizileku-eraikin bat ere suntsitu dute. Israelgo Armadak adierazi du Hassan Kaogi Hamasen segurtasun militarreko saileko burua eta Wail Issa kontraespioitzako saileko burua hil dituela erasoekin, eta Hamasi “2014tik emandako kolperik handiena” bezala kalifikatu du azken egunetako oldarraldia.
Azken orduetako erasoari suziriekin erantzun dio Hamasek, bost hildako eraginez Israelen, horietako bat adin txikikoa. Hamasek argudiatu du eraso egin duela Israel etengabe ari delako herritarren aurka suziriak jaurtitzen, eta Israelek, bere aldetik, Hamasek jaurtikitako suziriak darabiltza bonbardaketei bide emateko aitzakia bezala. Julen Aperribai eta Paulo Ostolazak Berri-an jaso dutenez, litekeena da Israelgo Armadak Gazari lurrez ere eraso egitea.
Nazio Batuen Erakundeak (NBE) eta bitartekari gisa diharduen Egiptok su-etena proposatu diote Israeli, baina honek gaitzetsi egin du. Asteazkenean da biltzekoa NBE, gatazkaren bueltan jarduteko.
Hamas, Iran eta beste hainbat eragilek Israeli egotzi diote erasoa, baina oraingoz ez du egiletza onartu. Horrez gain, Hezbollahko agintari garrantzitsu bat hil du Israelek asteazkenean Beiruten, eta ostegunean Israelgo Armadak ziurtatu du Hamaseko buru militarra hil zuela Gazan... [+]
Bederatzi militar sionista atxilotu dituzte, Sde Teimango kartzelan preso palestinar bati egindako torturengatik; besteak beste, metalezko barrak sartu zizkioten ipurtestetik. Kolono "zibilen" eta soldaduen protestak piztu dira torturatzaileekin elkartasunez, eta... [+]
AEBetako hauteskunde presidentzialetarako hautagaiek Israeli babesa berretsi diote Netanyahuk herrialdera egindako bisita baliatuta, Alderdi Demokratarena barne. Demokraten hautesle ugarik, ordea, genozidioaren inguruko jarrera jarri dute bozka emateko baldintza gisa.
Urriaren 7tik azaroaren 4ra bitartean, milaka profil eta eduki ezaba zitzatela eskatu zieten sionistek hainbat plataformari. Eskaeren %60 izan ziren Meta taldeari, eta horien %94 bete zituen enpresak.
Ur hornidura % 94 murriztu dute sionistek Gazan urritik hona. Biztanleriari ura ukatzea gerra krimena da nazioarteko legearen arabera. Milioitik gora palestinarrei ematen zien zerbitzua Rafahko biltegiak.
UNRWAk salatu du ebakuazio aginduek “miseria, beldurra eta sufrimendua areagotzea” besterik ez dutela eragiten. Zerrendaren %86a ebakuatu beharreko zonaldea izanda, 50 km karratu bakarrik gelditzen dira hortik kanpo.
Israelek Hezbollahri egotzi dio larunbatean Golango gainetan gutxienez hamabi pertsona hil dituen bonbardaketa, baina milizia xiitak ez du bere gain hartu. Israelek Libanoko gune ugari bonbardatu ditu jasotako azken erasoaren ondoren.
Hamas, Fatah, Palestina Askatzeko Herri Frontea, Palestinako Jihad Islamikoa eta beste hamar taldek hitzarmena sinatu dute, genozidioa amaitu ostean “Palestinako lurralde guztien” gaineko agintea izateko. “Okupazioaren aurka borrokatzeko” eskubidea dutela... [+]
Palestinar errefuxiatuen kanpalekuen ondoko ur zikinetan Poliomielitis birusaren kontzentrazio altuak topatu dituzte. UNICEFek ohartarazi du “hondamendia” gertatzeko aukera asko daudela.
Hamasen urriaren 7ko erasoa eraikin zahar bat astindu duen lurrikararekin konpara daiteke. Arrakalak agertzen hasiak ziren, baina orain begi-bistan daude, oinarrietaraino.
Estatu palestinar bat, bi estatu edo batere ez. Horiek dira Palestinako gatazkaz aritzean irudikatzen diren irtenbideetakoak. Egungo Gazak eta Zisjordaniak osa dezakete Palestinako Estatua; edo izan daiteke Zisjordaniako A eremua bakarrik –Palestinako Agintaritzako... [+]
25 egun baino gutxiagoz egon da martxan hasieratik polemikoa izan zen portua. “Distrakzio neurria” izan dela salatu dute eragile ugarik.
NJAk dio Israelek Palestinako lurralde okupatuetan duen presentzia “lurrak anexionatzea” dela, eta “ahalik eta azkarren” amaitu behar dela. Erabakia ez da loteslea.
Hodeidahko portuan gutxienez sei pertsona hil dituzte sionistek larunbatean. Ostiralean, Huthiek Tel Avivi eraso egitea lortu zuten lehen aldiz.
NBEren ikerketa baten arabera, lehertu gabeko artilleria, substantzia kaltegarriak eta palestinarren gorpuak daude hondakin artean. 50.000 bonba baino gehiago bota ditu Israelek urritik, eta 40 milioi tona hondakin sortu dituzte.