Israelek beste mediku palestinar bat hil du torturapean
Azken urtean Gazan gutxienez 60 pertsona hil dituzte sionistek torturapean, horietariko hiru medikuak, eta beste 1.000 osasun langile baino gehiago hil dituzte, Gazako Osasun Ministerioaren arabera. Osasun sistemaren aurkako eraso “sistematiko eta berariazkoa” salatu du ministerioak.
Ziad Mohammad Al-Dalu medikua Israelgo espetxe batean hil da, “tortura bortitza” jasan ondoren, Gazako Osasun zerbitzuek jakinarazi dutenez. Gaza hiriko Al-Shifa ospitaleko barne medikuntza sailaren zuzendaria zen Ziad Mohammad, eta martxoaren 18an atxilotu zuen Israelgo armadak, ospitalean lanean ari zela. Gazako osasun agintariek joan den astean jakinarazi dute Mohammad kartzelan hil dutela sionistek, eta gogorarazi dute nazioarteko lege eta akordioen aurkakoa dela lan humanitarioa egiten ari diren osasun langileei eraso egitea.
Martxoaren 18an Al-Shifa ospitalearen aurka egindako sarekadan dozenaka osasun langile atxilotu zituzten israeldarrek, eta bi astez egin zioten eraso eraikinari eta inguruko zonaldeei. Gazako osasun zentro nagusia zen Al-Shifa, eta suntsitu egin zuten lehenagotik ere gogor kolpatua zegoena. Sionistak erretiratu zirenean, dozenaka gorpu topatu zituzten ospitaleko patioan lurperatuta.
Ordutik atxilotuta zuten Ziad Mohammad Al-Dalu, eta torturapean jasandako zaurien ondorioz hil dela baieztatu dute Gazako agintariek. Sionistek gutxienez 60 palestinar hil dituzte torturapean azken hamaika hilabeteetan. Ez da torturatuta hil duten lehen medikua, gutxienez hiru mediku hil dira Israelgo espetxeetan urriaren 7tik, antzeko egoeran.
Osasun sistema eta langileak jomugan
Abenduan, Adnan Al-Bursh medikuak uko egin zion Al-Shifako pazienteak uzteari, sionistak ospitalea bonbardatzen hasi zirenean. Bertan atxilotu zuten, eta apirilean jakin zen Al-Bursh torturapean hil zutela Israelgo kartzela batean. Beste mediku bat, Iyad Al-Rantisi, torturapean hil zuten sionistek Kamal Adwan ospitalean bahitu ostean, azaroan.
Armada sionistak sistematikoki izan du jomugan Gazako osasun sistema, izan azpiegiturak zein bertako langileak. Gutxienez 1.151 osasun langile hil ditu Israelek urriaren 7tik, eta 300dik gora bahitu, Palestinako Osasun Ministerioak ohartarazi duenez. Joan den astean bertan lau osasun langile hil eta beste sei zauritu dituzte Rafahn egindako bonbardaketan. Osasun langileen aurkako erasoa “sistematikoa eta berariazkoa” dela salatu du Osasun Ministerioak. Gerra krimena da beren lana egiten ari diren osasun langileei eraso egitea, eta ministerioak eskatu du nazioarteko komunitateak Israel erantzule jo dezala, zibilen eta osasun langileen aurkako erasoengatik.
Ospitaleak eta anbulantziak suntsitzea ohikoa bilakatu da Gazan. Osasun zentroen erdia baino gutxiago dago martxan, eta gaitasuna oso murriztua dute. Horrez gain, laguntza humanitarioa dakarten kamioien sarrera oztopatu egin du Israelek sistematikoki.
Kulturatik elkarteak antolatuta, Musika eta dantza Palestinarekin ekitaldia egin dute Alderdi Ederren gaur eguerdian. Palestinako herriari elkartasuna adieraztea eta jasaten ari diren genozidioaren bukaera eskatzea izan da helburua. Donostiako Udalaren Musika eta Dantza... [+]
Su-etena hausteko arriskua erreala izan bada ere aste guztian zehar, adostasun batera iristeko bidean dira bi aldeak: bahitu gehiago askatuko lituzke Hamasek, laguntza Gazara sarrarazteko bidea ez oztopatzeko "promesa" egin duelako Israelek. Arabiar Ligako herriek... [+]
"Hamasek gure bahituak larunbat eguerdia baino lehen itzultzen ez baditu, su-etena amaitu egingo da eta armadak gogor borrokatuko du Hamas garaitu arte", adierazi du Israelgo lehen ministro Benjamin Netanyahuk, talde palestinarrak preso trukea behin-behinean... [+]
Erakunde islamistak Israelek urratu dituen neurrien artean aipatu ditu Gaza bonbardatzen jarraitzea eta aske utzitako preso palestinarren egoera. Trumpek mehatxatu du, preso trukea egin ezean, Gaza "infernu" bihurtuko duela.
Ehunka pertsona mobilizatu ziren Maccabi Tel Aviv talde israeldarrak Gasteizen jokatu duela gaitzesteko. «Israelgo Estatuaren normalizazioari» ekarpena egiten diola kritikatu diote Baskoniaren zuzendaritzari.
AEBetako presidentearen Gazako palestinarrak kanporatzeko asmoak aurkako erreakzio ugari eragin ditu nazioarteko nahiz herrialdeko politikan, baita Alderdi Errepublikanoan ere. Gehienek "garbiketa etnikoa" sustatzea egotzi diote, baina Trumpek bere asmoa berresten... [+]
Benjamin Netanyahu Israelgo lehen ministroaren bisitarekin batera egin ditu adierazpenak AEBetako presidenteak, Etxe Zurian. Zerrendan bizi diren 1,8 milioi palestinarrak Egipto edota Jordaniara lekualdatzea proposatu du.
Urtarrilaren 30 honetan abian jarri du Israelek Jerusalem ekialderako UNRWA Palestinar Iheslarientzako Laguntza eta Lan Bulegoaren debekua. Urtarrilaren 15ean adosturiko su-etenari segi, bahituen eta presoen hirugarren trukea dute ostegun honetan.
Su-etenaren akordioarekin barnean, Israelgo armadak Netzarim korridorea ireki du. Ia urtebeteko erbestealdiaren ondoren, milaka palestinar euren etxeetara abiatu dira bidaia emozional sakonean. Trumpek gazatarrak Egiptora eta Jordaniara desplazatzea proposatu du, eremua erabat... [+]
.jpg)
Igandetik indarrean da Hamasek eta Israelek nazioarteko bitartekaritzarekin adostutako su-etena. Lehen egunean 69 emakume eta 21 nerabe askatu ditu Israelek, horietako bederatzi adingabeak, eta Hamasek hiru israeldar. Gazara laguntza humanitarioko 630 kamioi ere sartu dira.
Adosturiko puntu batzuk aldatzen saiatzea leporatu dio Benjamin Netanyahuk Hamasi, baina azken honek informazioa gezurtatu egin du berehala. Urtarrilaren 15eko arratsaldean adostutakoaren arabera, hiru fase lituzke meniak eta igandean abiatzekoa dute. Bizkitartean, erasoekin... [+]
Sindikatu abertzaleko 100 bat kidek Portuko sarrera blokeatu dute Santurtzin, eserialdi baten bitartez. Ekimen horren bitartez Palestinari elkartasuna erakutsi eta genozidioa salatu dute.