Israelek beste babesleku humanitario bat bonbardatu du, eta dozenaka palestinar hil
60 dendako eremua kolpatu dute sionistek, muturreraino beteta dagoen al-Mawasi errefuxiatu kanpalekuan. Bosgarren aldia da Israelek eraso egiten diona berak “zonalde seguru” izendatutakoari.
Armada sionistak berriro ere egin dio eraso al-Mawasiko kanpalekuari, Khan Younis inguruan, Gaza hegoaldean. Astearte goizaldean izan da erasoa, gauerdia igaro eta gutxira. Lau bonba jaurti dituzte gutxienez, eta kanpalekuan babes hartutako palestinar ugari lurperatuta gelditu dira hondar azpian. 40 hildako zenbatu dituzte iturri batzuek, eta Gazako osasun zerbitzuek jakinarazi dute hemeretzi gorpu berreskuratzea lortu dutela.
Hildako gehiago espero dira, hala ere. Al Jazeerak irailaren 5eko satelite irudien bidez ondorioztatu du 60 denda baino gehiago zeudela sionistek kolpatutako eremuan, eta krater handi bat utzi dute eztandek. Ez dakite zenbat jende dagoen hondarpean harrapatuta, baina al-Mawasi da Gazako zonalde jendetsuena, eta hainbat hedabidek jakinarazi dute familia ugarik dendak partekatzen dituztela bizileku gisa. Ehun zauritu inguru egon direla adierazi dute agintari palestinarrek, eta dozenaka hildako, Israelek “zehaztasun handiko erasoa” deitu duen bonbardaketan.
Gazako biztanleriaren ia erdia dago al-Mawasiko kanpalekuan babes hartuta. Oihalezko dendetan bizi dira gehienak, oinarrizko azpiegitura eta zerbitzurik gabe
Israelgo Armadak adierazi du Hamaseko militanteak zituela jomugan, baina Hamasek “gezur argia” dela esan du, eta ukatu egin du talde xiitako kiderik zegoenik inguru hartan. Kritika erauntsia jaso du Israelek kanpalekuari eraso egiteagatik. NBEk eta giza eskubideen aldeko hainbat erakundek salatu dute zibilen aurkako jazarpena, eta “zigor kolektiboa” eragitea leporatu diote, gerra krimena dena nazioarteko legearen arabera.
Bosgarren eraso handia al-Mawasin
Ez da Israelek al-Mawasiko eremua bonbardatzen duen lehen aldia, beste lau eraso handi jasan ditu urritik hona. Uztailean izan zen kanpalekuari egindako eraso bortitzena, orduan ere “zonalde seguru” izendatua zegoela. 90 pertsona hil zituzten gutxienez, eta 300dik gora zauritu. Hamaseko buru garrantzitsu bat helburu zutela adierazi zuen Israelgo Armadak orduko hartan ere.
Israelek Gazako biztanleriaren %90 lekualdatzera behartu du, erasoen eta ebakuazio aginduen bidez. Zonalde “seguru” gisa izendatutako eremu gutxietako bat da al-Mawasiko kanpalekua, sionistek Gazako lurren %86 ebakuatzeko agindu baitute genozidioan. 50 kilometro soilik gelditu dira debekutik kanpo, bi milioitik gorako biztanleriarentzat.
Datu argirik ez badago ere, Al Jazeeraren arabera Gazako biztanleriaren ia erdia dago al-Mawasiko kanpalekuan babes hartuta. Oihalezko dendetan bizi dira gehienak, oinarrizko azpiegitura eta zerbitzurik gabe, NBEk hainbatetan ohartarazi duenez. Laguntza humanitarioa sartzeko aukera oso mugatua izanda, ura, janaria eta garbiketa eta osasungintzako produkturik gabe bizirauten ari dira ehunka mila pertsona kanpalekuan. Ura lortzeko ilarak, edo komunera joan ahal izatekoak, hainbat ordukoak izan ohi dira, Al Jazeeraren esanetan.
Azaroan “zonalde humanitarioa” izendatu zutenetik, kritika ugari jaso zituen Israelek. Osasunaren Mundu Erakundeko buruak “hondamendirako errezeta” deitu zion al-Mawasiko eremuaren proposamenari.
Israelek Gazarako su-etenaren urraketa ugari egin ditu urtarrilaz geroztik: zerrendako palestinarrak oinarrizko laguntzarik jaso gabe egon dira ia astebetez, eta Netanyahuk azken egunetan mehatxu egin ondoren, argindarrik gabe utzi ditu orain. Dohan ordezkari estatubatuarrekin... [+]
Asteburua baino lehen lau gatiburen gorpuak itzuliko ditu Hamasek. Horrela, Gazarako su-etenaren lehen faserako adostutako preso truke guztiak gauzatuko dituzte Israelek eta talde palestinarrak.
Yala Nafarroak deitutako manifestazioan 2.000 pertsona inguruk hartu dute parte eta Iruñeko hainbat kale zeharkatu ditu Gaztelu plazan amaitzeko. Azken irakurketan adierazi dutenez, "erokeria distopiko hori geldiarazi daiteke, askoz gehiago garelako kapital handiak... [+]
Jenin hiriaren aurkako oldarraldia duela hilabete bat baino gehiago abiatu zuen Israelek, geroztik 26 palestinar hil ditu gutxienez, eta milaka beren etxeetatik kanporatu. Israelgo armada Zisjordania iparraldean pasabideak eraiki nahian ari dela salatu dute, kanporatutako... [+]
Berlinale zine jaialdian gertatu da joan den asteburuan. Jun Li zuzendariak, Queerpanorama lan berria aurkeztu zuenean, printzipio ideologikoengatik Alemaniara ez joatea erabaki zuen Erfan Shekarriz aktore irandarraren testu bat irakurri zuen oholtza gainean: "Ibaitik... [+]
Yala Nafarroak bat egiten du Israelek nazioarteko zuzenbidea sistematikoki urratzen duela salatzeko mundu osoan zehar egiten ari diren mobilizazioekin, eta iragarri dute mobilizazioei eutsiko dietela Mendebaldeko gobernuek Israelgo erregimenarekin duten konplizitatearekin amaitu... [+]
Su-etena hitzartu eta hilabete bete denean, lehen faserako adostutako 33 bahituetatik 25 askatu ditu Hamasek. Israelek, berriz, 985 preso utzi ditu aske. Bigarren fasea martxoaren 2an da indarrean sartzekoa, baina bi aldeek jarraitu beharreko urratsak zehazteko daude... [+]
Kulturatik elkarteak antolatuta, Musika eta dantza Palestinarekin ekitaldia egin dute Alderdi Ederren gaur eguerdian. Palestinako herriari elkartasuna adieraztea eta jasaten ari diren genozidioaren bukaera eskatzea izan da helburua. Donostiako Udalaren Musika eta Dantza... [+]
Su-etena hausteko arriskua erreala izan bada ere aste guztian zehar, adostasun batera iristeko bidean dira bi aldeak: bahitu gehiago askatuko lituzke Hamasek, laguntza Gazara sarrarazteko bidea ez oztopatzeko "promesa" egin duelako Israelek. Arabiar Ligako herriek... [+]
"Hamasek gure bahituak larunbat eguerdia baino lehen itzultzen ez baditu, su-etena amaitu egingo da eta armadak gogor borrokatuko du Hamas garaitu arte", adierazi du Israelgo lehen ministro Benjamin Netanyahuk, talde palestinarrak preso trukea behin-behinean... [+]
Erakunde islamistak Israelek urratu dituen neurrien artean aipatu ditu Gaza bonbardatzen jarraitzea eta aske utzitako preso palestinarren egoera. Trumpek mehatxatu du, preso trukea egin ezean, Gaza "infernu" bihurtuko duela.
Ehunka pertsona mobilizatu ziren Maccabi Tel Aviv talde israeldarrak Gasteizen jokatu duela gaitzesteko. «Israelgo Estatuaren normalizazioari» ekarpena egiten diola kritikatu diote Baskoniaren zuzendaritzari.
AEBetako presidentearen Gazako palestinarrak kanporatzeko asmoak aurkako erreakzio ugari eragin ditu nazioarteko nahiz herrialdeko politikan, baita Alderdi Errepublikanoan ere. Gehienek "garbiketa etnikoa" sustatzea egotzi diote, baina Trumpek bere asmoa berresten... [+]
Benjamin Netanyahu Israelgo lehen ministroaren bisitarekin batera egin ditu adierazpenak AEBetako presidenteak, Etxe Zurian. Zerrendan bizi diren 1,8 milioi palestinarrak Egipto edota Jordaniara lekualdatzea proposatu du.