Israelek baztertu egin du Juani Rishmawi Palestinako laguntzaile humanitarioa baldintzapean askatzea
Giza eskubideen aldeko ekintzailea apiriletik espetxean dago, eta azaroaren 17an jakinarazi zuen Israelgo tribunal militarrak 13 hilabeteko kartzela zigorra eta 14.000 euroko isuna ezarri zizkiola. Besteak beste, leporatzen diote legez kanpoko erakunde baten parte izatea eta Palestina Askatzeko Herri Frontea diruz laguntzea erakunde horren bidez.
Juani Rishmawik hainbat GKErekin lanean dihardu Palestinan duela 35 urte baino gehiagotik, horien artean Health Work Committees (HWC) osasun erakundearekin. Horrexegatik jarri dio Israelgo tribunal militarrak kartzela zigorra: “HWC legez kanpoko erakundearen parte” izateagatik. Gutxienez bost kargu leporatzen dizkiote, besteak beste, HWCren diru-funtsak Palestina Askatzeko Herri Frontera (PAHF) bideratzea. Hala Bedi Irratiak argitaratu duenez, asteartean Israelgo epaitegiak baztertu egin du 63 urteko emakumea baldintzapean aske uztea.
Apirilaren 13an kargurik gabe atxilotu eta espetxeratu zuten Rishmawi, eta zazpi hilabete beranduago, azaroaren 17an, ezarri zizkion Israelgo tribunal militarrak 13 hilabeteko kartzela zigorra eta 14.000 euroko isuna. Astebete lehenago fiskaltzarekin adostu zuen erruduntasun hitzarmena, kondena jaisteko.
Hala Bedik azpimarratu du atxilotu zutenetik “isolamendua, etengabeko galdeketak eta kartzela aldaketak” jasan dituela. Gainera, epaiketa lau aldiz atzeratu du Israelgo justizia militarrak. HWC legez kanpoko erakundetzat jo dutenez, beste hainbat laguntzaile humanitario ere antzeko egoeran daude.
Juani Rishmawiren kasuak entzute handia izan du Euskal Herrian eta Espainian, izatez espainiar hiritartasuna duelako, eta erreferente izan delako hemengo Palestinaren aldeko mugimenduetan eta nazioarteko brigaden antolaketan. Hala Bedi Irratiaren kolaboratzailea da.
Hedabideetan nahiko aipatu dira asteleheneko itzalaldiak gizartean eragin dituen ondorioak, baina nahikoa aipatu al da gertakari horrek agerian uzten duena? Besteak beste, bi auzi nagusi: bizirauteko energiarekiko dugun menpekotasuna eta azken urteetan gertatzen ari den zerbitzu... [+]
Armadak egindako genero krimenen gero eta froga gehiago dauden arren, Israelgo emakumeen kolektiboek ez dute aintzat hartu edo ukatu egin dute, neurri handi batean, NBEren gaitzespen txosten berria.
Hamabost langile humanitario hil zituen Israelgo armadak martxoaren 23an, terroristak zirela eta ez zutela euren burua identifikatu argudiatuta. Bideo batek bertsio hori gezurtatu ostean, gertatutakoaren barne-txostena egin dute Israelgo Defentsa Indarrek, baina bertan esaten... [+]
Palestinaren aldeko manifestazioetan parte hartzen duten atzerriko ikasleak kanporatzea baimentzen duen dekretua izenpetu zuen urtarrilaren 30ean AEBetako presidente berriak. Orduz geroztik ikasleen bisen baliogabetzeak errepikatzen dabiltza.
Bi langileek Microsoften 50. urteurreneko ekitaldia moztu zuten ostiralean, eta enpresako buruei Gazako genozidioan duten papera leporatu zieten. Adimen artifizialarekin eginiko armak saltzen dizkio multinazionalak Israelgo armadari.
Palestinako Ilargi Gorria larrialdi zerbitzuak baieztatu du gorpuei eginiko autopsiak erakusten duela soldadu israeldarrek tiro egin zietela medikuei. Hil aurretik osasun langileetako batek soldaduek eraso egin zien unea grabatu zuen mugikorrarekin, eta bideoan ikus daiteke... [+]
Gergely Gulyas Hungariako Presidentetza ministroak eman du erabakiaren berri, Hagako auzitegiak atxilotze agindua ezarrita dion Benjamin Netanyahu Israelgo lehen ministroa herrialdera heldu den egun berean. Israelgo armadak Gazako eremu gehiago hartzeko asmoa duela... [+]
Palestinarekin Elkartasuna plataformaren ekimenez, txirrindularitzarekin lotura duten 70 bat pertsonak eskatu dute talde sionistak ez dezala txapelketan parte hartu, eta lortu dute.
Lekukotasunak, autopsia txostenak eta atxiloaldian izenpeturiko adierazpenak bildu ditu The Independent komunikabide britainiarrak. 2023ko urriaren 7az geroztik 70 palestinarrek dute bizia galdu Israelgo presondegietan. Palestinar presoen alde dabilen Addameer elkartearen... [+]
Berriki zabaldu da Gazako lurralderako Egiptok egindako hirigintza-antolaketa plana. Marrazki batean jaso dira etorkizuneko kale, eraikin eta iruditeria, oraindik metraila eta lehergailuen usaina darion errealitate baten gain. Hirigintza proposamena, beste bonba jaurtiketa bat... [+]
Aurten "Israel Premier Tech" txirrindularitza talde israeldarra ez da Lizarraldeko Miguel Indurain Sari Nagusia lasterketara etorriko. Berri ona da hori Palestinaren askapenaren alde gaudenontzat eta munstro sionistarekin harreman oro etetea nahi dugunontzat, izan... [+]
Zer esango zenioke Palestinako aktibista bati aurrez aurre izango bazenu? Ni mutu geratu nintzen Iman Hammouri nire herrian bertan aurkeztu zidatenean. Eskerrak andre nagusi bat gerturatu zitzaigula eta solaskide roletik itzultzailearenera pasa nintzela.
Palestinako Popular... [+]