Israelek atxilo dituen 8.000 palestinarren aurkako muturreko gehiegikeriak salatu dituzte
Israelgo kartzeletan eta atxilotze zentroetan palestinarrek bortxaketak, torturak eta baita hilketak ere pairatzen ari direla salatu du Euro-Med gobernuz kanpoko erakundeak. Atxilotuen baldintzak aztertzeko nazioarteko ordezkaritza bat eskatu du.
Israelek atxilotuta edo preso dituen 8.000 palestinar baino gehiagoren egoera salatu du Euro-Medek, CTXT hedabideak jaso duenez. GKEak zabaldutako txostenean palestinarrek jasandako giza eskubideen urraketak nabarmentzen dira, besteak beste, atxiloketa masiboak, bortxaketak, tortura, derrigorrezko deportazioak, desagertzeak, tratu txarrak eta hilketa kasuak.
Urriaren 7tik 1.200-1.400 palestinar atxilotu dituzte Gazako Zerrendan, erakundearen esanetan. Atxiloketa horiek Israelen atxiloketa administratiboaren politikaren pean egin ditu gobernuak, eta horrek ahalbidetu egiten du kargurik eta epaiketa formalik ez izatea. Euro-Medek Guantanamoko espetxearekin alderatu du egoera. Halaber, nabarmendu du atxilotuek abusu fisiko eta psikologikoak jasaten dituztela. Horrez gain, oinarrizko beharrak ukatzen zaizkie, hala nola janaria, ura eta higienea.
Zentzu horretan, azken egunetan asko zabaldu da Israelek Gazako estadio bat atxiloketa masiboko eremu bilakatu duela. Jarraian dagoen bideoan ikus daitezke estadioan ehunka zibil, emakumeak, adinekoak eta haurrak barne:
Gauzak horrela, nazioarteko ordezkaritza bat sortzeko beharra azpimarratu du Euro-Medek, Israelgo instalazioetara sartzeko eta batez ere Gazako Franjatik datozen atxilotuen baldintzak pertsonalki egiaztatzeko.
Eskaera NBEari eta Gurutze Gorriari
Euro-Medek neurriak hartzeko eskatu die gutun bidez Giza Eskubideetarako Nazio Batuen Goi Komisioari, Derrigorrezko Desagertzearen aurkako Nazio Batuen Batzordeari eta Gurutze Gorriaren Nazioarteko Batzordeari.
Erakundeak azpimarratu du nazioarteko erakundeek instalazio horietara berehalako bisitak egin behar dituztela, nazioarteko zuzenbidea betetzen dela egiaztatzeko eta Israelek giza eskubideen urraketengatik azalpenak ematen dituela ziurtatzeko. Euro-Medek salatu du tortura eta beste tratu txar mota batzuk legez kanpokoak direla, eta hori onartzeak arriskuan ipintzen dituela zuzenbide estatuarekiko errespetua eta nazioarteko sistema juridikoaren sinesgarritasuna.
NBEren ikerketa baten arabera, lehertu gabeko artilleria, substantzia kaltegarriak eta palestinarren gorpuak daude hondakin artean. 50.000 bonba baino gehiago bota ditu Israelek urritik, eta 40 milioi tona hondakin sortu dituzte.
Genozidioarekin lotutako suizidio ugari identifikatu dira, armada sionistak datuak ezkutatzen baditu ere.
Tal Mitnick Hemezortzi urteko gaztea izan da azken hamarkadan kontzientzia eragozpenagatik denbora gehienez espetxeratu dutena.
Oposizioko taldeek proposatutako ikerketa batzorde ofiziala ez da aurrera atera, boz gutxiren aldearekin. Arrazoi ugari daude gobernuko kideek gertaerak ikertu nahi ez izateko.
Horietatik hiru haur siriarrak ziren, eta haien etxearen kanpoaldean jolasean zeudela hil dituzte, NBEak gaitzetsi duenez. Hezbollahk mehatxu egin du Israelgo zonalde berriei eraso egingo diela, Israelek azken egunetan Libanon egindako hilketen ondoren.
Gutxienez 23 palestinar hil dituzte Nuseirat errefuxiatu kanpalekuko eskola batean. Genozidioa hasi zenetik “aste odoltsuenetakoa” izan da azken hau, UNRWAren arabera.
Bonbardaketarik tragikoena larunbatean burutu zuen Israelgo Armadak, desplazatuen ehunka dendaren aurka, Al Mawasin, Gazako hegoaldean. Israelgo Armadak "eremu humanitario seguru" izendatu zuen eremu hori. Gutxienez 90 pertsona hil eta 300 zauritu zituen bost misil eta... [+]
Israelgo egunkari Haaretz-ek hilabeteetako ikerketa egin du Israelgo Armadak iragan urriaren 7an Hamaseko erasoari nola erantzun zion aztertzeko. Armadako soldadu eta ofizial ugarirekin hitz egin du eta ondorioa argia da: Israelek Anibal direktiba indarrean jarri zuen, aurretik... [+]
Sionista hitza daukaten argitalpenak ezabatuko ditu, juduei edo israeldarrei erreferentzia egiten dieten kasuetan. Orain arte baino modu zabalagoan hartuko dute erreferentziak aztertzeko irizpidea, eta sionisten aurkako mugimenduei eragin diezaieke.
Gazatik itzulitako soldaduek aitortu dute bertan ez dagoela tiro egiteko irizpiderik. Armada sionistak nahieran egiten du tiro, etxeak erre eta gorpuak lurrean botata utzi, guztia komandanteen onespenarekin.
"Zaila da, baina beharrezkoa". Hala azaldu du The Lancet zientzia aldizkariak Gazako hildakoak kontatzeko hartu duen lanaren berri. Hildakoen kopurua, gaixotasunak eta bestelako zeharkako faktoreak kontuan hartuta, gutxienez 186.000 pertsona hil dituztela kalkulatu... [+]
Netanyahuk baldintza bezala jarri du Israelek ofentsiba berrabiarazi ahal izatea “gerraren helburuak bete arte”. Iturri batzuen arabera, Hamasek onartu du su-eten iraunkorra negoziaketen lehen fasean adostea, aurrebaldintza izan beharrean.
Hezbollahren goi mailako bi agintari militar hil ditu Israelek hilabete batean. Tentsioak gora jarraitzen du, erabateko gerra pizteko kezka artean.
Hamarnaka mila pertsonak ihes egin behar izan dute Khan Younis eta Gaza hirietatik azken egunetan, nora joan izan gabe. Israelgo armadaren eta Netanyahuren arteko talkak azaleratuz doaz, eta Hezbollahren aurkako gerra geroz eta gertuago dago. Su-eten proposamena mahai gainean... [+]
Kartzela sionistetako pilaketaz ohartarazi du Shin Bet segurtasun- eta inteligentzia-zerbitzuak berak. Hainbat iturrik sarri eman dute palestinarrek espetxe horietan jasaten dituzten tratu txarren berri, eta espetxeak handitzen jarraitzen dute sionistek.