Israelek 50.000 etxebizitza suntsitu ditu Gaza iparraldean
Jabalia eta Beit Hanoungo hiriak “hondamendi zonalde” izendatu dituzte tokiko agintari palestinarrek. Israelgo azken erasoaldia amaituta suntsitutako hirietara itzultzen hasi dira herritarrak.
Azken asteetan Gazako Zerrendaren iparraldearen aurka gogor oldartu da Israelgo Armada, Rafahn (hegoaldean) eraso egiten zuen aldi berean. Naji Sarhaj Larrialdietako Udal Batzordeko buruak ohartarazi du Israelgo soldaduek 50.000 etxebizitza suntsitu dituztela Gaza iparraldean, eta hirietako kaleak eta ur zikinak garraiatzeko hustubide guztiak hondatu dituztela hondeamakinekin. 35 ur putzu ere suntsitu dituzte, eta baita UNRWAren eskola eta eraikin ugari ere. Zonaldea berreraikitzeko aukerak “berariaz kaltetu” izana leporatu dio Sarhajek Israeli. “Hondamendi zonalde” izendatu ditu Beit Hanoun hiria eta Jabaliako errefuxiatuen kanpalekua.
Ehundik gora palestinar hil dituzte sionistek Jabaliako kanpalekuan, hogei egunez iraun duen erasoaldian. Urrian hasi ziren errefuxiatu kanpalekuaren aurkako bonbardaketak eta lurreko erasoak, baina abenduan atera ziren bertatik, Hamasen zonaldeko unitateak suntsitu zituztela esan ondoren. Maiatzean, baina, berriz hasi zen Israelgo Armada Jabalian erasoan, berriz ere argudiatuta Hamaseko ekintzaileak han biltzen zirela. Israelek esan du 100 “miliziano” baino gehiago hil dituela azken hiru asteetan. Jabaliako iturriek jakinarazi dute 120 palestinar baino gehiagoren gorpuak aurkitu dituztela sionistak irten ondoren, tartean dozenaka haur.
Gaza iparraldeko agintari palestinarrek ohartarazi dute biztanle gehienak egoera oso larrian daudela eta NBEari eta nazioarteko erakundeei dei egin diete “berehala esku hartzeko eta Gazara laguntza humanitarioa bidaltzeko”. Gaza iparraldean 700.000 pertsona inguru bizi dira, eta sionistek laguntzari jarritako oztopoek muturreko egoera eta krisi humanitario sakona eragin dute.
Jabaliako errefuxiatu kanpalekuaren eta iparraldeko beste hirien aurkako oldarraldia amaitutzat eman bazituen ere Israelgo Armadak, erasoak egiten jarraitu du, biztanleak suntsitutako zonaldera itzultzen ziren bitartean.
Hamabost langile humanitario hil zituen Israelgo armadak martxoaren 23an, terroristak zirela eta ez zutela euren burua identifikatu argudiatuta. Bideo batek bertsio hori gezurtatu ostean, gertatutakoaren barne-txostena egin dute Israelgo Defentsa Indarrek, baina bertan esaten... [+]
Bi langileek Microsoften 50. urteurreneko ekitaldia moztu zuten ostiralean, eta enpresako buruei Gazako genozidioan duten papera leporatu zieten. Adimen artifizialarekin eginiko armak saltzen dizkio multinazionalak Israelgo armadari.
Palestinako Ilargi Gorria larrialdi zerbitzuak baieztatu du gorpuei eginiko autopsiak erakusten duela soldadu israeldarrek tiro egin zietela medikuei. Hil aurretik osasun langileetako batek soldaduek eraso egin zien unea grabatu zuen mugikorrarekin, eta bideoan ikus daiteke... [+]
Gergely Gulyas Hungariako Presidentetza ministroak eman du erabakiaren berri, Hagako auzitegiak atxilotze agindua ezarrita dion Benjamin Netanyahu Israelgo lehen ministroa herrialdera heldu den egun berean. Israelgo armadak Gazako eremu gehiago hartzeko asmoa duela... [+]
Palestinarekin Elkartasuna plataformaren ekimenez, txirrindularitzarekin lotura duten 70 bat pertsonak eskatu dute talde sionistak ez dezala txapelketan parte hartu, eta lortu dute.
Lekukotasunak, autopsia txostenak eta atxiloaldian izenpeturiko adierazpenak bildu ditu The Independent komunikabide britainiarrak. 2023ko urriaren 7az geroztik 70 palestinarrek dute bizia galdu Israelgo presondegietan. Palestinar presoen alde dabilen Addameer elkartearen... [+]
Gure Haurrak ere Badira ekimenak deituta, Israelek azken egunetan Gazan hildako gehienak haurrak direla salatu dute. Gobernuei eta erakundeei Israelekin harreman oro etetea ere exijitu diete, "genozidio honen aurka argi eta tinko" lerratu daitezen.
No other land dokumentalaren zuzendari Hamdan Ballal kolono sionistek jipoitu zuten astelehenean bere herrian, beste hainbat palestinarrekin batera, eta Israelgo militarrek eraman zuten atxilo ondoren. Astarte goizean askatu dute.
Asteartean menia apurtu zuenetik gutxienez 650 palestinar hil dituzte sionistek, Al Jazeeraren arabera. Netanyhauren gobernuak Shin Bet zerbitzu sekretuetako buru Ronen Bar kaleratzeko erabakia hartu du, baina Auzitegi Gorenak kaleratzea geldiarazi du.
Milaka pertsona bildu dira larunbat honetan Palestinako herriari elkartasuna adierazteko eta “Israelek Gazan egindako genozidioa” amaitzeko eta Benjamin Netanyahuren gobernuak su-etenari berriro ekiteko eskatzeko. Gernika-Palestina herri ekimenak deitu du martxa,... [+]
Palestinarekin Elkartasuna plataformak osteguna, ostiral eta larunbatean eginen ditu protestak, Israel genozida. Palestinar erresistentzia aurrera! lelopean. Gernika-Palestina-k ere manifestazio nazionala antolatu du larunbaterako Donostian. Euskal Herriko Kontseilu Sozialistak... [+]
500 palestinar hil ditu Israelek, horietatik 130 baino gehiago adin txikikoak, su etena apurtu eta bigarren egunean. “Hasiera baino ez” dela ohartarazi du Netanyahuk.
Israelek eraso masiboak abiarazi ditu berriro ere Gaza osoan: Khan Younis eta Rafan Gaza hegoaldean, Gaza Hirian iparraldean eta eta Deir el-Balah-n erdialdean. "Familiak seme-alaben gorpuzkiak eskuetan zituztela iristen ziren ospitalera", adierazi du lekuko batek.