Israelek 1974ko akordioa urratu duela dio NBEk, Sirian soldaduak sartzeagatik
Mundu osoa dago Siriara begira, Israel tartean, zeinak bere presentzia handitu nahi duen. Bitartean, kartzeletan zeuden presoak askatu egin dituzte Bashar al Assad-en gobernuaren aurka egin duten matxinoek, eta milaka errefuxiatu herrialdera itzultzen ari dira.
Sirian gertatuak haren bizilagunak ere aztoratu ditu, Israel tartean. Igandean, Israeleko Kanpo Harremanetarako ministro Gideon Saar-ek adierazi zuen Siriako hainbat instalazio militar bonbardatu zituela, arma kimikoak gordetzen zituzten almazenak tartean, baita zenbait gerra-ontzi ere, Bashar al-Assad buru zuen gobernuaren aurka egin duten matxinoek bereganatu ez zitzaten. Halaber, albiste agentziek zabaldu zuten Israelgo armadak “segurtasun eremua” ezarri nahi duela Siria hegoaldean, bi herrialdeen artean dagoen desmilitarizatutako eremuaren kontrola hartuta.
Operazio horri dagokionez, informazio kontrajarria plazaratu da azken orduetan, ez baitago argi Israelgo tropak noraino heldu diren edo heldu nahi duten. Astelehenean Reuters agentziak publikatu zuen Israelgo soldaduak Damasko hiriburutik 25 kilometrora zeudela, baina armadak ukatu egin du. Dena den, Egiptok, Irakek eta Qatarrek israeldar soldaduak desmilitarizatutako eremuan sartu izana kritikatu dute, 1974ko Israel eta Siriaren akordioa urratzen duelakoan. NBEk ere Israelek akordioa urratu duela dio; Israelen hitzetan, ordea, Bashar al Assad-en gobernua erorita, akordioa hautsi egin da.
Errefuxiatuen itzulera
Ez da batere erraza Sirian eta inguruko herrialdeetan gertatzen ari dena ulertzea eta zer etor litekeen jakitea, hamaika korapilo dituen afera baita. Errefuxiatuena da horietako bat. Milioika dira siriar errefuxiatuak, eta milaka batzuk itzuli dira jada bertara. Hori dela-eta, Turkiak esaterako iragarri du Yayladagiko muga-igarobidea irekiko duela, herrialdeak hartu dituen siriar migratzaileak modu seguruan itzul daitezen.
Beren aldetik, Europako hainbat herrialdek jakinarazi dute siriar errefuxiatuen asilo-politika errebisatuko dutela. Frantzia, Austria, Belgika, Grezia, Danimarka eta Norvegiak, adibidez, tramitazio bidean ziren eskaerak geratuko dituztela iragarri dute, eta ez dituztela berriak onartuko.
Bestalde, Siriako kartzeletan zeuden milaka preso askatu dituzte matxinoek. Zabaldu diren bideoetan ikus daiteke horietako batzuk nola doazen saltoka eta korrika kalean, pozarren, baina gertatzen ari dena ongi ulertu gabe. Giza eskubideen aldeko erakundeek hainbatetan salatu dituzte Siriako kartzeletako egoera gogorrak. Tortura sistematikoa zela diote, eta ezkutuko exekuzioak ere izan direla; 2011. urtetik, gutxienez 100.000 lagun zeuden “desagertuta”.
Siriako Arabiar Errepublikaren amaierak harridura handia sortu du, gertatu den moduagatik: azkar eta ia erresistentziarik gabe. Halere, ez da hain arraroa herrialdea suntsituta, pobretuta eta zatitua zegoela kontutan hartzen badugu. Aspalditik siriar gehienen ardura ez zen nor... [+]
Bideoak erakusten du nola CNN telebista kateko nazioarteko buru Clarissa Ward kazetaria ari den sartzen Siriako kartzela sekretu batean, eta nola grabatzen den preso bat askatzen duten unea.
Gero eta bideragarritasun handiagoa hartu du –eta hartuko du– Israelen planak, palestinar herria beraien lur martirizatuetatik kanporatzeko. Iraganean Far West amerikarreko etnia indiarrekin gertatu zen bezalaxe da. Iranen aurkako gerra inoiz baino gertuago dago.
HTSk boterea hartu duenetik, babes-eskaerak gelditu dituzte Mendebaldeko hainbat gobernuk. Alemaniak 47.270 eskaera utzi ditu bertan behera bat-batean, "Siriako etorkizun politikoa zalantzazkoa" dela argudiatuta.
24 urte eman ditu boterean Bashar al Assad presidenteak. Ia hamalau urte iraun du gerra zibilak Sirian, eta hamaika egun Sortaldea Askatzeko Erakundea (HTS) buru duen koalizioaren azken erasoaldiak, Damasko hiriburua hartu arte. Errusian asilo hartuta da orain Al Assad... [+]
Siriako egoera bortitza izoztuta egon da azken urteetan, eta orain nazioarteko lehen planora atera da. Azaroaren azken egunetan, Siriako Gobernuaren aurka gerran diren talde jihadistek oso egun gutxitan hartu dute Alepo, herrialdeko bigarren hiria. Egoera oso konplexua eta... [+]
Abdulkarim Omar kurduak farmazia bat zuen Qamishlo-n, bere herriaren iraultza hasi zenean Sirian, 2012an. Orduan negozioa utzi eta lan politikoan sartu zen buru-belarri. Urriaren amaieran Euskal Herria bisitatu zuen, Siriako Ipar eta Ekialdeko Autoadministrazioko ordezkari... [+]
Estatubatuar presidente Joe Bidenek eman du agindua Deir ez-Zor-eko bunker gunea bonbardatzeko. Munizioa biltegiratzeko eta laguntza logistikoa emateko erabiltzen diren bunkerrak direla adierazi du AEBtako armadak komunikatu batean.
2001eko urrian, irailaren 11n World Trade Centerren aurkako erasoak gertatu eta hilabetera, Amerikako Estatu Batuetako Aire Armadako pilotu batek historia egin zuen: drone moderno batekin (The Predator) eraso hilgarria egin zuen lehen pertsona izan zen. Ordutik, droneak XXI... [+]
Duela ia bi urte amaitu zen Daesheko Kalifatoa, baina erakunde horretan ibilitako milaka lagunek Siriako ekialde eta iparraldean jarraitzen dute. Kurduek gidatutako proiektu politikoak arazo larria du beste inork jaso nahi ez dituen pertsona hauek kudeatzen.
255 eserlekutatik 177 eskuratu ditu al-Assaden “Batasun Nazionala” izeneko hautagaitzak.
Gatazka armatuan bederatzi urte beteta eta musukoak jantzita hautatu dituzte parlamentuko kideak Sirian. Assaden aldeko hautagaiak nagusitzea aurreikusten da. Bitartean, konstituzio berri bat osatzeko negoziatzen ari dira oposizioa eta Baaz alderdia.