Israelgo Zman Yisrael hedabideak asteazken honetan jakinarazi duenez, Israelgo funtzionarioak Afrikako Kongo herrialdean egon dira aztertzeko ea herrialde hark Gazatik kanporatutako palestinarrak hartuko lituzkeen.
Israelek Gazaren aurkako erasoari ekin zionetik, gero eta indar handiagoa hartzen ari da hango palestinarrak kanporatzearen ideia. Orain arte, dena den, ez da inongo herrialderen izenik entzun, ez bada inguruko arabiar estatuena, bereziki Egiptorena. Orain Kongokoa aipatu du Zman Ysrael-ek, baina ez du zehazten Kongoko Errepublika edo Kongoko Errepublika Demokratikoa ote den.
Meddle East Eye hedabideak ere egin dio oihartzuna albisteari eta dioenez, asteartean egindako adierazpenetan, Gila Gamaliel Israelgo Gobernuko Inteligentzia Ministroak (Likud) zioen “emigrazio boluntarioa” dela planik “onena eta errealistena borroken ondorengo egunerako”.
Molde horretako adierazpen ugari egiten ari da Gamaliel ministroa, eta aste honetan bertan Israelgo Legebiltzarrean honakoa adierazi zuen: "Gerraren amaieran Hamasen gobernua eroriko da, ez da agintaririk izango, eta populazio zibila laguntza humanitarioaren menpe egongo da erabat. Ez da lanik egongo eta nekazari lurren %60 segurtasun eremu bihurtuko dira (...) Gazako arazoa ez da gurea bakarrik, munduak sostengua eman behar lioke migrazio humanitarioari, ezagutzen dudan irtenbide bakarra da eta".
Lehenago Egipton
Urrian Israelgo Armada Gaza txikitzen hasi zenetik izan dira kanporatzearen oihartzunak eta, urrian bertan, Israelgo Gerra gobernuak hiru aukera aztertu zituela aipatzen zuen Gilbert Achcar Londreseko unibertsitateko irakasleak gaztelaniazko Le Monde Diplomatique-n: bat, Gazan Aginte Palestinarraren gobernua ezartzea; bi, Israelek jarritako gobernu batek agintzea; hiru, Gazako palestinarrak kanporatzea. Azken hori zen gauzagarriena, gobernuko iturrien arabera.
Egiptoko agintariekin ere hitz egin zen horri buruz eta herrialdea diruz oparo laguntzeaz ere bai, hark Sinaiko basamortuan errefuxiatu palestinarrak jasotzeko esparrua eraikiko balu, lehenik, oihal-etxoletan, eta ondoren harrizko eraikinetan. Egiptok orain arte uko egin dio proposamenari eta fermuki itxi ditu ateak Rafah-ko pasabidean.
AEBak aurka
Astearte honetan bertan, AEBetako Estatu Departamenduko bozeramaile Matthew Millerrek Israeleko hainbat ministrok kanporatzeen alde egindako adierazpenak gaitzetsi zituen: “AEBek arbuiatu egiten dituzte Bezalel Smotrich eta Itamar Bern Gvir ministroek palestinarrak Gazatik kanpo birkokatzearen alde egindako adierazpenak”. Eskuin muturreko ministro Ben-Gvir ez zen kikildu X sarea sozialean emandako erantzunean: “Begirune osoarekin, gu ez gara AEBetako beste izar bat. AEBak dira gure lagunik onenak, baina edozeren gainetik, guk egin behar dugu Israelgo Estatuarentzat onena dena”.
Kanporatze “humanitarioak”
Israelgo eskuin-muturra kanpaina handia egiten ari da Israelen Gazako palestinarrak beste herrialde batzuetara kanporatzeko. Garbiketa etniko argia litzatekeen hori, ordea, kanporatze humanitarioa deitzen diote. Gaza suntsitu ondoren, kanporatzea “ekintza morala” dela azpimarratzen dute eta munduak hango herritarrak hartzeko erantzukizuna duela argudiatu. Gazaren suntsipena eta kanporatzea erabat lotuta ikusten dute. Aste honetan bertan, Erresuma Batuan Israelek duen Tzipi Hotovely enbaxadoreak britainiar irrati bati adierazi dionez, Gazako eraikin guztiak suntsitu behar dira, “meskita eta eskola guztien azpian” dagoelako Hamasek erabiltzen duen tunel bat.
NBEren Afera Humanitarioen Bulegoak asteazken honetan jakinarazi duenez, Gazako biztanleriaren %85 bere bizilekuetatik kanpo hasi da 2024. urtea.
Israelek Hamas eta Hezbollahko buruzagiak hiltzeko helburua ez da erresistentzia ahultzea. Benetako asmoa da inteligentzian eta arlo militarrean bere nagusitasunaren irudia berrezartzea Israelgo iritzi publikoaren aurrean .
Hamas, Iran eta beste hainbat eragilek Israeli egotzi diote erasoa, baina oraingoz ez du egiletza onartu. Horrez gain, Hezbollahko agintari garrantzitsu bat hil du Israelek asteazkenean Beiruten, eta ostegunean Israelgo Armadak ziurtatu du Hamaseko buru militarra hil zuela Gazan... [+]
Bederatzi militar sionista atxilotu dituzte, Sde Teimango kartzelan preso palestinar bati egindako torturengatik; besteak beste, metalezko barrak sartu zizkioten ipurtestetik. Kolono "zibilen" eta soldaduen protestak piztu dira torturatzaileekin elkartasunez, eta... [+]
AEBetako hauteskunde presidentzialetarako hautagaiek Israeli babesa berretsi diote Netanyahuk herrialdera egindako bisita baliatuta, Alderdi Demokratarena barne. Demokraten hautesle ugarik, ordea, genozidioaren inguruko jarrera jarri dute bozka emateko baldintza gisa.
Urriaren 7tik azaroaren 4ra bitartean, milaka profil eta eduki ezaba zitzatela eskatu zieten sionistek hainbat plataformari. Eskaeren %60 izan ziren Meta taldeari, eta horien %94 bete zituen enpresak.
Ur hornidura % 94 murriztu dute sionistek Gazan urritik hona. Biztanleriari ura ukatzea gerra krimena da nazioarteko legearen arabera. Milioitik gora palestinarrei ematen zien zerbitzua Rafahko biltegiak.
UNRWAk salatu du ebakuazio aginduek “miseria, beldurra eta sufrimendua areagotzea” besterik ez dutela eragiten. Zerrendaren %86a ebakuatu beharreko zonaldea izanda, 50 km karratu bakarrik gelditzen dira hortik kanpo.
Israelek Hezbollahri egotzi dio larunbatean Golango gainetan gutxienez hamabi pertsona hil dituen bonbardaketa, baina milizia xiitak ez du bere gain hartu. Israelek Libanoko gune ugari bonbardatu ditu jasotako azken erasoaren ondoren.
Hamas, Fatah, Palestina Askatzeko Herri Frontea, Palestinako Jihad Islamikoa eta beste hamar taldek hitzarmena sinatu dute, genozidioa amaitu ostean “Palestinako lurralde guztien” gaineko agintea izateko. “Okupazioaren aurka borrokatzeko” eskubidea dutela... [+]
Palestinar errefuxiatuen kanpalekuen ondoko ur zikinetan Poliomielitis birusaren kontzentrazio altuak topatu dituzte. UNICEFek ohartarazi du “hondamendia” gertatzeko aukera asko daudela.
Hamasen urriaren 7ko erasoa eraikin zahar bat astindu duen lurrikararekin konpara daiteke. Arrakalak agertzen hasiak ziren, baina orain begi-bistan daude, oinarrietaraino.
Estatu palestinar bat, bi estatu edo batere ez. Horiek dira Palestinako gatazkaz aritzean irudikatzen diren irtenbideetakoak. Egungo Gazak eta Zisjordaniak osa dezakete Palestinako Estatua; edo izan daiteke Zisjordaniako A eremua bakarrik –Palestinako Agintaritzako... [+]
25 egun baino gutxiagoz egon da martxan hasieratik polemikoa izan zen portua. “Distrakzio neurria” izan dela salatu dute eragile ugarik.
NJAk dio Israelek Palestinako lurralde okupatuetan duen presentzia “lurrak anexionatzea” dela, eta “ahalik eta azkarren” amaitu behar dela. Erabakia ez da loteslea.
Hodeidahko portuan gutxienez sei pertsona hil dituzte sionistek larunbatean. Ostiralean, Huthiek Tel Avivi eraso egitea lortu zuten lehen aldiz.