“Kartzelara eraman bagintuen ere, harro gaude bizitako historiaz”
8 urte preso egon ostean, ostegunean gelditu ziren aske Isidro eta Patxo Murga anaiak. 18/98 sumarioan auzipetuak, Egineko langileak izateagatik atxilotu zituzten 2007ko azaroan, eta 69 eta 70 urteko adinarekin utzi dute Leongo espetxea.
Adinak fisikoki kartzelaldia zaildu egiten duela onartu arren, burua ongi mantendu izanak eta kideen arteko elkartasunak aurrera egiten lagundu diela azaldu dute.
Info 7 irratian egindako elkarrizketan adierazi dutenez, “oso hunkigarria” izan zen espetxetik ateratzerakoan izan zuten ongietorria. Laudiotik, beraien herritik, hurbildutako autobusaz gain, garaiko Egineko eta egungo Garako ordezkaritzak ere bertaratu ziren. Baita Martin Garitano Gipuzkoako ahaldun nagusia ere.
Elkarrizketan bi anaiek nabarmendu dute Aieteko adierazpenetik lau urte igaro diren honetan, oraindik asko dagoela egiteko, eta gogorarazi dute Egineko zuzendaria eta beste hainbat kide ere preso dauzkatela: “Hau guztia oso presente izan behar dugu normalizazio eta bake garaietaz hitz egiten den momentu hauetan”.
Eginen inguruan, honela mintzatu da Isidro Murga: “Egin ez dago hilda, eta hil behar bazuen ez ziguten lurperatzen ere utzi. Egin bizirik dago. Beste gauza batzuen artean, oraindik bizirik dago Espainiako Auzitegi Gorenak esan zuelako Egin ez zela inoiz itxi behar”.
Bestalde, biak ados azaldu dira Euskal Herriko hedabideek duten garrantzia nabarmentzerakoan. Egungo desinformazio mediatikoaren aurrean, Patxo Murgak adierazi du Gararen titularrak irakurtzeak “arnasa” eman diola kartzela barruan.
Egungo egoeraz balorazioa egiterakoan, Isidro Murgak esan du egoera “zaila” izan arren, nazioartetik datozen berriak oso interesgarri iruditzen zaizkiola.
Astelehenean hartuko dute Euskal Herrirako bidea bi anaiek.
1998ra arte izan zen zuzendaria Egin egunkarian, Baltasar Garzonek ixteko agindua eman zuen arte. Zazpi urteko espetxealdia bete zuen Burgosko kartzelan, 2015 aske geratu zen. 73 urterekin hil da Donostiako bere etxean, azken hilabeteetan pairatu duen gaixotasun baten ondorioz.
Pepe Rei kazetaria 73 urterekin hil da, astearte honetan, Donostian. Egin egunkariko ikerketa taldea martxan jarri eta Ardi Beltza aldizkaria sortu zuen, besteak beste. Euskal Herriko eta Espainiako estolderia politikoez, gerra zikinak ustelkeriarekin eta narkotrafikoarekin zuen... [+]
Astelehen honetan 21 urte betetzen dira Aznarrek Egin egunkaria indarrez itxi zuenetik. 1998ko uztailaren 15eko goizean Baltasar Garzón epaileak Egin egunkaria eta irratia ixtea agindu zuen, eta zuzendaritzako zein administrazio-kontseiluko hainbat kide atxilotu zituzten.
Iragan larunbatean zendu zen Isidro Murga. Gaur arratsaldean omenaldi jendetsua egin diote Egin egunkariko sustatzaile eta herri mugimendu ugaritako kidea izan zenari. Laudioko Lamuza parkean egin dute ekitaldia, eta ehunka herritar bertaratu dira zitara, gizarte eta politika... [+]
“Goizero-goizero amosal bonba txiki batek, 50 bat gramokoa, eztanda egiten du Euskadin: Egin egunkaria”. Hala zioen Eusko Jaurlaritzako Barne Sailburu Juan Mari Atutxak 1996an, gaur egun arte luzatu den ‘Dena da ETA’ teoriari ateak irekiz.
'Egin' egunkariaren dokumentu-funtsak Hernanin zeukan egoitzatik Euskadiko Artxibo Historikora mugitzeari ekin dio Eusko Jaurlaritzako Kultura Ondarearen Zuzendaritzak. 1.000-1.500 kaxatan aterako dute materiala, argazkiz beteak gehienak.
Egin egunkaria zuzentzeagatik zigortu zuten 18/98 makrosumarioan. Europan espetxeratuta dagoen hedabide bateko zuzendari bakarra aske geratu da gaur goizean espetxealdia hiru alditan bete ostean. Ean (Bizkaia) egingo diote harrera 19:00etan.
zortzi urteren ondoren
Igandean geratu da aske Pablo Gorostiaga Auzitegi Nazionalak 2007an espetxean sartu ondoren. Egin egunkariko administrazio kontseiluko kidea zen eta 18/98 makrosumarioarengatik egon da preso zortzi urtez.
Teresa Toda Egin egunkariko kazetariak sei urte eman ditu espetxean. 18/98 makrosumarioan inputatu zuten. Goizeko 8:30ean atera da Kordobako kartzelatik.
Gaur bete dira 15 urte Baltasar Garzon epaileak Egin ixteko agindua eman zuenetik. ETAren menpe egotea leporatu zioten. Auzi horren ondorioz Eginen proiektuaren parte ziren hainbat kidek kartzelan jarraitzen dute, horien artean, Xabier Salutregi Egineko zuzendaria eta Teresa... [+]
Egin egunkariko zuzendaria