Iruraiz-Gaunako Udalak Arabako Lautada zeharkatzen duen goi tentsioko linea elektrikoa ez egiteko eskatu du
Txosten tekniko batek udalerrian izango dituen eragin larriez ohartarazi ostean, Iruraiz-Gaunako Udala proiektuaren aurka agertu da eta alegazioak aurkeztea erabaki dute udal taldeek.
Araba zeharkatuko duen goi tentsioko linea elektrikoaren aurka agertu da Iruraiz-Gaunako Udala. EAJ-PNV eta EH Bilduko udal taldeek alegazioak aurkeztea erabaki dute astearteko osoko bilkuran eta Madrilgo Gobernuari proiektua egin ez dezala eskatuko diote. Izan ere, udalak egindako txosten teknikoaren arabera, linea elektrikoak "eragin handia izango du eskualde osoan, landaredian, faunan, biztanlerian, sektore soziekonomikoan eta, oro har, paisaian".
Goi tentsioko linea horrek Arabako lautadako 40 bat kilometro zeharkatuko ditu. Iruraiz-Gaunako kasuan goi tentsioko 72 metroko hemezortzi dorre jartzea planteatzen da, onura publikoko mendiak zeharkatuko dituen eremu batean, Iruraiz-Gaunako EH Bilduk azaldu duenez. Gainera, Arrieta herritik oso gertu egongo da azpiegitura, 500 metro baino gutxiagora.
Ingurumen Inpaktuko Txostena
Udalak egindako Ingurumen Inpaktuko Txostenak eragin "oso larriak" jasotzen ditu fauna, flora eta paisaiari dagokionean.
-Batetik, hegazti migratzaileen pasabideei eta arriskuan dauden espezieen habiaratze-eremuei eragingo die (sai zuria eta ugatza, adibidez).
-Bestetik, korridore ekologikoa da eremua, eta paisaiaren kalitateari modu "onartezinean" eragingo lioke.
-Gainera, sute arriskua, ibaibideetan izango lukeen eragina, lehendik dauden beste azpiegitura batzuen gaineko afekzioa, eta inguruko nekazaritza eta abeltzaintza ustiategientzako kalteak ere aipatzen ditu txostenak.
-Azkenik, txostenak jasotzen duenez, zarata eta erradiakzio elekromagnetikoa ere eragingo dira.
Nafarroa eta Gipuzkoa artean, Barasoain eta Gabiria lotuko dituzten 80 metroko 431 elektrizitate dorre eraiki nahi dituzte REE Espainiako Elektrizitate Sareak eta Forestaliak. Autopista Elektrikorik Ez plataformak batzarra egin du Etxarri Aranatzen; bertan, proiektuaren aurkako... [+]
Forestalia enpresak Nafarroan beste poligono eoliko bat eraikiko duela jakinarazi du Sustrai Erakuntza Fundazioak. Nafarroari eragiten dioten goi-tentsioko bi linea ere baditu enpresa honek.
Hirugarrena izango da, Lautadan eta Arabako Errioxatik igarota Añanan planteatu baititu beste bi. Hainbat herritako udalak aurka agertu dira.
Capbretoneko arroila inguruko lurra ezegonkorra dela adierazi du Red Eléctrica de España (REE) eta Réseau de Transport d'Electricité (RTE) enpresen ikerketa geologikoak. Kablea botatzeko ibilbide berrien aukera aztertu bitartean proiektua... [+]
1000 baietz ekimena martxan jarri du plataformak eta irailean batzarra eginen dute. Autopista Elektrikorik Ez plataformak jakinarazi du goi tentsioko argindar sarearen kontrako mila hautetsiren babesa jasotzeko kanpaina hasi duela. Dagoeneko plataformak sustatutako... [+]
Autopista elektrikorik ez! plataformak larunbatean Iruñean emandako prentsaurrekoan jakinarazi du atzera bota dutela Itsaso eta Deikaztelu batzen dituen tentsio handiko linearen eraikuntza.
Gueñesetik Itsasora (Gipuzkoa) goi tentsioko linea elektriko bat sortzeko proiektua zabaldu zen 2011n. Alegazioen ostean, sei urtez stand-by egoeran egon da, eta orain, Espainiako gobernuak berriro aktibatu gura du, 2018an eraikitzen hasteko. Bada, egitasmoaren aurkako... [+]
Espainiako Ministroen Kontseiluak urrian onartu zuen 2015-2020 Energia Plangintza. Deikaztelu (Nafarroa) eta Ezkio-Itsaso (Gipuzkoa) artean Red Eléctrica de Españak eraiki nahi duen 400 kV-eko linea ageri da bertan. Proiektua gauzatzeko urrats bat gehiago.
Itsaso eta Deikaztelu arteko Autopista Elektrikoaren aurkako Plataformak Goi-tentsio linearik ez – ate birakariei ez lelopean Nafarroako Gobernuaren aurrean kontzentrazioa deitu du larunbat eguerdirako.
Ezkio-Itsaso eta Deikaztelu lotuko dituen goi tentsioko linearen inguruko galdeketa egin dute asteburuan Gipuzkoa eta Nafarroako 39 herritan. Orotara 5.156 lagun zeuden bozkatzera deituta, eta %63ak hartu du parte. Horietatik %99,32 proiektuaren aurka azaldu da.
REE (Red Eléctrica de España) enpresak Itsaso (Gipuzkoa) eta Deikaztelu (Nafarroa) artean eraiki nahi duen goi tentsioko linea ez egiteko eskatu dute hainbat kirolarik. Tartean dira, besteak beste, Itxako eskubaloi taldeko Andrea Barno, Nerea Pena eta Naiara... [+]
REE (Red Eléctrica de España) enpresak Itsaso (Gipuzkoa) eta Deikaztelu (Nafarroa) artean eraiki nahi duen goi tentsioko linearen aurkako mozioa onartu dute Gipuzkoa eta Nafarroako ehun udalek. Linea berriak 120 kilometro luze izango lituzke, eta 400.000 voltioko... [+]
Uztailaren 26tik 31ra egingo da Hernanin (Gipuzkoa) AHTaren aurkako kanpaldia. "Elkarbizitzarako espazio kolektibo bat" eratuko dute, egun horietan "adin eta jatorri desberdinetako jendeak esperientzia interesgarriak bizi ditzan", AHTren Aurkako... [+]