“Arrazoi politikoengatik” gazteleraz egitera behartu zituen Irungo Udalak biltzar bateko parte-hartzaileak
Kepa Ordoki - Memoria Historikoa Bidasoan elkarteak salatu du antolakuntzatik esan zietela hitzaldian gazteleraz hitz egin beharko zutela, "arrazoi politikoengatik". Hizkuntz Eskubideen Behatokiak "oso larritzat" jo du gertatutakoa.
Irunen antolatutako memoria historikoko jardunaldietan hizlariei gazteleraz hitz egiteko esan zien Udalak. Kepa Ordoki - Memoria Historikoa Bidasoan elkarteak salatu du antolakuntzatik mezu bat jaso zutela, esanez "arrazoi politikoengatik" gaztelania hutsean hitz egin beharko zutela. Hizkuntz Eskubideen Behatokiak "oso larritzat" jo du gertatutakoa.
Otsailaren 28tik martxoaren 2ra bitartean Irungo Udalak "Memoria Demokratikoari buruzko Estatu Mailako Biltzarra" egin du, Ficoba eta EHUren laguntzarekin. Hiru egun horietan hainbat hitzaldi antolatu dituzte, zenbait adituren eskutik. Horien artean, Kepa Ordoki - Memoria Historikoa Bidasoan elkarteak hartu zuen hitza. Elkarteko kideek azaldu dutenez, horrelako jardunaldietan euskara eta gaztelania erabiltzen dituzte. Hortaz, antolakuntzak bestela agindu bazien ere, Irunen ere bi hizkuntzetan egin zuten, eta udalaren jarrera salatu zuten eszenatokitik.
Eskubide demokratikoen urraketa
Hizkuntz Eskubideen Behatokiak salatu du herritarrek euskara erabiltzeko duten eskubidea erakunde publikoek debekatzea "herritarren oinarrizko eskubideen kontrakoa" dela, eta ez zutela kontuan hartu jardunaldi horietan landu zen errepresio frankistak "euskararen eta euskal hiztunen aurka egindako guztia". Gaineratu du arrazoi politikoengatik gaztelania erabili behar dela esatea "eskubide demokratikoen zapalketa" eta "EAEko erakunde publikoek hizkuntza eskubideekiko dituzten lege-betebeharrak kontuan ez izatea" dela.
Horregatik, Hizkuntz Eskubideen Behatokiak eta Kepa Ordoki - Memoria Historikoa Bidasoan elkarteak arduradunei erantzukizunak eskatu dizkiete, aurrerantzean horrelako jardunaldietan hizkuntza eskubideen errespetu eta aitortzak duen garrantziagatik.
Osakidetzan egun, ez dago bermatuta euskarazko zerbitzua. Zerbitzu gehienetan ez dago hizkuntza irizpiderik eta herritar euskaldunek bere burua nabarmendu beharra daukate, egoera oso zaurgarrian, euskarazko zerbitzua jaso ahal izateko.
Kutxa Banku Fundazioak adierazi du Kutxabankeko presidentearen adierazpenek ez dutela fundazioaren pentsamoldea islatzen, "Hizkuntza aniztasuna beti da aberastasun iturri, nekez izan daiteke oztopo", argudiatu dute.
Hizkuntzakeriatik edo glotofobiatik eta, zer esanik ez, euskararen aurkako gorrototik, askotan ikusi izan dugu gure euskara makila guztien zahagi bihurturik. Azkena, Anton Arriola Kutxabankeko presidentea ibili zaigu makilakari lanetan gure hizkuntzari astindu eta makilakada... [+]
Euskal Herrian Euskarazek manifestazioa deitu du apirilaren 6rako, 11n EHEko bi kide epaituko dituztelako. Hiriburuetatik autobusak antolatzen ari dira. Bi helburu bete nahi dituzte, batetik, epaituak izango diren bi kideei babesa erakustea, eta bestetik, euskararentzat justizia... [+]
"Poloniar bat etortzen bada eta bost urte pasako baditu proiektu batean, joder agian ez zaio egoki irudituko seme-alabek euskaraz ikastea, ezta?", bankuko lehendakari Anton Arriolak adierazi duenez. Euskalgintzako eragileek gogor kritikatu dute eta esandakoa... [+]
Ba al dakizue frantses batzuk harritu egiten direla mugaren alde honetan ere euskaldunak bagaudela jakitean? Ba bai, harrigarria bada ere, behin, Donostian, frantses batzuei entzun nien sinetsi ezinik beren buruari galdetzen: “Saint-Sébastien est au Pays... [+]
Gasteizko 1 zenbakiko Auzitegi Kontentzioso-Administratiboak emandako epaia berretsi du EAEko Justizia Auzitegi Nagusiak. Lan poltsan parte hartzeko euskara maila altuenaren baliokide diren 3. eta 4. eskakizunak indargabetu zituen Gasteizko Auzitegiak.
Euskal Herrian Euskarazen arabera, Tolosako tren geltokiko segurtasun agente batek eraso egin zion militante bati, agenteari euskaraz hitz egiteko eskatu ziolako. Tolosako alkateak "kezka" adierazi du eta azalpenak eskatuko dituela jakinarazi.
Euskarazko B2 eskakizuna zuten bi udaltzain lanpostu baliogabetu zituzten epaileek iazko urtarrilean, euskara eskatzea "diskriminatzailea" izan zitekeela iritzita; eta aitzineko astean, Donostiako Udalak aurkezturiko helegitea ez aztertzeko erabakia hartu du EAEko... [+]
Donostiako Udalak 2024ko irailean helegitea jarri zuen, urte bereko urtarrilean epaileek bi udaltzainen B2 hizkuntza eskakizuna baliogabetu zutelako. EAEko Auzitegi Nagusiak helegitea ez du tramitera ere bideratuko, “kasaziorako interes objektiborik” ez dagoelako... [+]
Eusko Jaurlaritzak isunak kendu dizkie ertzainei euskaraz hitz egiteagatik zigortuak izan ziren Donostiako herritarrei. Manex Ralla eta Amaia Abendaño dira herritar horiek, isunak kendu dizkietela baieztatu diote hedabide honi.
Ostegun honetako Udal Osoko Bilkuran eztabaidatu eta bozkatuko dira Amurrioko Udaleko 2025erako aurrekontuak eta, beste behin ere, Udal Gobernuak uko egin dio Aiaraldea Komunikabidearen hitzarmen eta dirulaguntza berrezartzeari.
Arkitektoen elkargoaren helegitea dela eta, Donostiako Udalak atzera bota du kontratazio espedientea.