Iruñerrian atxilotu dute Gasteizko Salburuan emakume bat sastakatu zuen gizona
Salburuan emakume bat sastakatu eta larri zauritu zuen 58 urteko gizonezkoa Burlatan (Iruñerria) atxilotu egin dute. Polizia hirugarren graduan zegoen erasotzailearen bila izan da larunbatetik.
Udaltzaingoa eta Ertzaintza bere bila izan dira larunbatetik, eta, azkenik, 72 orduz ihesean egon ostean, Nafarroako Foruzaingoak eta Burlata zein Iruñeko Udaltzaingoek Burlatako (Iruñerria) lokal batean atxilotu dute astearte honetan.
Ertzaintzak asteburuan Gasteizen antolatutako operatiboa bi erkidegoetako polizia autonomikoen artean koordinatu da; izan ere, erasotzaileak ihes egitea lortu zuen asteburuan, eta, ustez, hainbat senide nafarren babesa bilatu du. Atxilotua Iruñeko Udaltzaingoaren egoitzan dago, epailearen esku utzi edo Gasteizera eramango duten erabakitzen den bitartean.
Eraso matxista
Gizonezkoak Salburua auzoko bizilagun bat sastakatu zuen larunbatean, sexu harremanak izateko armarekin mehatxatu ostean. Erasoa larri zauritutako emakumearen alaba adingabearen aurrean izan zen. Iliada Ibilbideko eraikin batera sartu ziren orduan Udaltzaingoaren eta Ertzaintzaren hainbat patruila, erasotzailea ustez bertan zegoelako. 40 urteko biktima "larri" zegoen; gutxienez labankada bat jaso zuen bularrean, eta, ondorioz, Txagorritxuko ospitalera eraman zuten alabarekin. Zorionez, arriskutik kanpo dago.
Larunbatetik ihesean egon den 58 urteko erasotzaileak aurrekari penalak zituen 2002an bere bikotea hiltzeagatik; 22 urteko espetxe zigorra ezarri zioten orduan, baina hirugarren graduan zegoen azken erasoaren momentuan. Hasiera batean, bere etxean gotortu zela uste zuten Udaltzaingoak eta Ertzaintzak. Hala ere, aurkitu ez zutenez, Gasteiz osora zabaldu zuten dispositiboa, eta gaur arte bere bila egon dira.
Polizia-iturrien arabera, sexu harremanak izateko armarekin mehatxatu ostean sastakatu egin zuen; emakumeak uko egitean, bularrean, sabelean eta gorputzeko beste atal batzuetan eraso egin zion. Biktima eta erasotzailea eraikin berean bizi dira, eta bertan izan zen erasoa; baina, dirudienez, ez dute bizilagun izatetik harago doan harremanik.
Ertzaintza gertaera ikertzen ari da, eta oraingoz ez dago atxiloturik. Bestalde, Erandion gizon bat atxilotu dute bere bikotekidea nasatik trenbidera botatzeagatik. Nafarroako Probintzia Auzitegian berriz, astelehenez hasiko da bikotekide ohiari sexu erasoak egiteaz akusatutako... [+]
Gizonak asteazkeneko goizaldean erail zuen Kayle Villar Pons arma zuri batekin. Bularrean hainbat labankada eman ostean Kayle ospitalean hil zen. Mugimendu feministak elkarretaratzea deitu eta aurten Euskal Herrian indarkeria matxistak bost emakume erail dituela gogorarazi du.
Iruñeko Udaltzaingoak 27 urteko gizon bat atxilotu du Errotxapea auzoko Carmen Baroja Nessi kalean. Emakumearen aitak salatu du gizonak heriotza-mehatxuak egin zizkiola aurretik, eta Poliziari jakinarazi ziola, baina "ez zutela ezer egin".
Aldarri eta kanpaina, lege, arau, plan eta aurrekontu, babes-mekanismo eta zigor-makinaria oro gorabehera, etenik gabe jarraitzen dute kasu gogorrek eta jokabide zitalek betetzen albistegiak, tantaka zein zaparradan, eta gizon-desmasiak salatzeko protesta-ekintzek,... [+]
Gisèle Pélicot-en kasuak bortxaketetatik haratago dagoen arazo bat erakusten du: gizonezkoon konplizitatea indarkeria matxistaren aurrean. Kezkagarria ez da soilik erasoa, baizik eta, gertatutakoa jakinda, egoera ez salatzea erabaki zuten gizonen isiltasuna... [+]
Uda honetan, gutxienez hemeretzi erailketa matxista izan dira, eta horietatik gutxienez hiru kasutan, poliziak edo polizia ohiak dira hiltzaileak. Donostian, gainera, erailketa saiakera bat ere izan da ertzain baten partetik: bere bikotekidea hiltzen saiatu zen abuztuan.
Gasteizko sententzia horrez gain, asteburuan gutxienez beste lau sexu eraso salatu dituzte; hiru Gasteizen eta bat Donostian.
Ehun bat pertsona bildu ziren larunbatean Luhusoko plazan Itaia emazte antolakundeak eta Luhusoko besta komiteak jakinarazi duten bortxaketa salatzeko.
Osteguneko lehen minutuetan jazo dira gertaerak Mina del Morro inguruan, Santutxu auzoan, 00:20 orduak aldera, eta ustez, 34 urteko gizon batek 31 urteko bikotekidea hil du.
76 urteko emazteak zauri larriak ditu. Eusko Jaurlaritzako Segurtasun Sailak adierazi duenez, ostiral goizaldean egin dio eraso eta Ertzaintzak senarra atxilotu du emaztea hiltzen saiatzeagatik.
Emakumeen Aurkako Indarkeriaren Bilboko bi Epaitegiek neurri hori onartu dute. Bilboko epaile dekano Aner Uriartek neurria emakumeak babesteko eta ez birbiktimizatzeko helburuarekin hartu dela esan du, baina Bilboko Abokatuen Elkargoak salatu du kolokan jartzen dituela ikertuen... [+]
Neska gazteak agertzen dira irudietan eta Telegram bidez zabaltzen dituzte. Irailaren 1ean kanpaina bat abiatuko dute sare sozialen bidez, gobernuak neurriak hartu ditzan.
Hil arte bizirik sentitzearen beharraz ari da Olatz Mercader. Gaixorik egon izan delako bere bertsio gutxitua hurbilegi ikusi duenak badaki zein garrantzitsuak diren konpromisoa, grina eta desioa.
Ertzaintzak 27 urteko gizon bat atxilotu du Donostian, abuztuaren 18ko goizaldean, Aste Nagusiko azken gauean, Parte Zaharrean emakume bati sexu erasoa egitea egotzita. Eraso matxista horrez gain, beste batzuk ere publiko egin dira hirian azken asteotan, eta horiek guztiak... [+]