Iruñeko Udalarekin elkarbanatzen zuten emakumeen aurkako indarkeriaren aholkularitza mahaia utzi dute feministek
Indarkeria Sexistaren Aurkako Emakumeen Plataformak eta Iruñeko Peñen Federazioko Talde Feministak salatu dute Navarra Sumaren udal gobernuak erasoen aurkako estrategia "urardotu" duela eta alde bakarrez aritu dela, beren ekarpenak egiteko aukerarik eman gabe. Mahaitik altxatzearekin batera, etorkizunean lankidetza berreskuratzeko gogoa agertu dute.
Iruneko Indarkeria Sexistaren Aurkako Emakumeen Plataformak eta Iruñeko Peñen Federazioko Talde Feministak asteazkenean jakinarazi dute Iruñeko Udalarekin elkarbanatu izan duten emakumeen aurkako indarkeriaren aholkularitza taldetik atera direla. 2014az geroztik mugimendu feminista eta Iruñeko Udala elkarrekin aritu dira sanferminetan eta auzoetako festetan gertatzen diren sexu erasoen aurkako estrategiaren lanketan. Alabaina, Navarra Suma agintera heldu zenetik, harremana kaskartuz joan da, harik eta hautsi den arte.
Hausturaren eragilea hiriko jai nagusiei begira egin ohi den kanpaina izan da, zeina mugimendu feministaren "adostasunik gabe" onartu duen Udal Gobernuak. Feministek adierazi dute Enrique Maya alkateak estrategia "urardotu eta edukiz hustu" duela, eta alde biei zegozkien erabakiak alde bakarrez hartu dituztela, "ekarpenak egiteko aukerarik eman gabe". "Gobernu honek badaki ezin duela ezabatu kanpaina osoa errotik, baina ahaleginak eta bi egin ditu indargabetzeko, edukiz husteko eta orain arte elkarrekin egin ditugun aurrera urrats guztiak desegiteko", adierazi du Indarkeria Sexistaren Aurkako Emakumeen Plataformako Iratxe Alvarezek.
Besteak beste, orain arte egindako kanpainetan ageri izan den eta dagoeneko ikoniko bilakatua zen esku gorria bigarren maila batean kokatu dutela adierazi du Alvarezek, baita ohiko leloa aldatu ere; Aske, ni beti aske. Iruña, eraso sexisten aurka konprometituta izango da lelo berria, feministen arabera sanferminekin loturarik ez duena. “Lelo hori 2021ko otsailean sortu genuen, eta ez dago sanferminetarako pentsatuta”, jakinarazi dute, sanferminetarako kanpainak integrala izan behar duela argudiatuz. Aldaketa horiez gain, kanpaina ikusarazteko euskarriei dagokienez ere egin dituzte moldaketak: "Esan ziguten ez zituztela ohiko euskarriak erabiliko: iragarkirik ez garraio publikoan, ez bideorik, ez irrati-telebistarako piezarik, ezta agertokietan jarri beharreko afixarik ere".
Sexu erasoen aurkako protokoloaren aldaketa
Halere, sexu erasoen aurkako protokoloa aldatu izana da gertakari larriena feministentzat. Orain arteko protokoloaren arabera, jaietan sexu erasoren bat gertatuz gero, mugimendu feministari zegokion mobilizazioak deitzea, eta horiekin bat egiten du udalak. Hala adostu zuten bere garaian udal talde guztiek. Baina udal gobernuak hori aldatu duela jakinarazi dute feministek.
"Navarra Sumaren udal gobernuak nahi duena da ahalmen hori udalaren esku uztea, sexu erasorik gertatuz gero, eurek erabaki dezaten noiz, nola eta zergatik egin behar diren mobilizazioak", Alvarezen hitzetan. Plataformaren iritziz, jaietan gerta daitezkeen erasoen aurrean ez-ikusiarena egiteko aukera izateko nahia da horren atzean ezkutatzen dena. Irakurketa horrek bat egiten du iazko azaroan Edurne Elio udal komunikazio arduradunak egindako adierazpenekin, iradoki baitzuen erasoen berri emateak hiriaren irudia zikintzen duela.
Mahaitik altxatu arren, etorkizunean berriz lankidetza berreskuratzeko gogoa agertu dute feministek.
Iruñeko alkateak balorazio positiboa egin badu ere, nabarmendu du 24 eraso erregistratu eta 23 pertsona atxilotu dituztela. Baionan ere, bestetan hamaika eraso salatu dituzte.
Iruñerriko mugimendu feministak elkarretaratzea egin du uztailaren 7an, bezperan izandako lau eraso salatzeko. Berriozarren eta Tuteran bi gizon atxilotu dituzte sexu abusuengatik.
Iruñean, Sanferminetarako, udal estrategia bat sortu da eraso sexisten aurkako protokolo saretua aurrera eramateko. Protokoloak, sentsibilizazio eta prebentzio neurrietan, eta ekintza plan batean oinarrituta dago, zeina, interbentzioa, laguntza eta erantzun protokoloa... [+]
2022ko uztailaren 14an jazotakoaren harira Peñako bazkide guztien datuak exijitu dizkio Sanduzelaiko zuzendaritzari, gertakarietan parte hartu zuen peñakidea dagoeneko identifikatuta zuten arren. Milioi euroko isuna jartzeko mehatxua jaso zuten Sanduzelai... [+]
Lesakako ezpata-dantzariak San Fermin egunerako ezpata-dantzako entseguetan dabiltza azken hilabetean. Hamabost atera ohi dira dantzara, eta besteak titularren batek hurrengo urteetarako lekua utzi zain daude.
Aurten ere, uztailaren 8an, astelehenean gogoratuko dute German Rodrigez haren omenezko oroitarriaren alboan. 13:00etan izanen da: aurreskua lehenbizi, Mikel Lasarteren bertsoak gero eta La Furia eta Fermin Balentziaren emanaldiak bukatzeko. Iluntzean, Peñak, isilik eta... [+]
Zezenketarik gabeko besten inguruan mintzatu dira zenbait eragile, Zaunk! Iruñerria antiespezista eragileak Iruñeko Laban antolaturiko 'Zezenketen bidegurutzeak' solasaldian. Alternatibak indartzearen garrantziaz, peñen erantzukizunaz eta legeak... [+]
Uztailaren 13rako antolatu du manifestazio bat Palestinarekin Elkartasunak. 18:30ean aterako da San Frantzisko Plazatik.
Iruñeko alkate Joseba Asironek prentsaurrekoan iragarri duenez, Duguna dantza taldeak jaurtiko du 2024ko Sanferminetako txupinazoa. Duguna izan da Iruñeko herritarren boto gehien jaso duen hautagaitza. Hain zuzen dantza taldearen sorreraren 75. urteurrena ospatzen... [+]
"Zezenketarik gabeko sanferminetarako trantsizioa errazteko" eskatu die Iruñea Antitaurina kolektiboak Peñen Federazioari. "Festa giroan zezenen presentzia egon behar den edo ez aztertzeko" garaia iritsi dela uste du kolektibo horrek eta ... [+]
Angel Blanco da kartelaren egilea eta bigarrenez irabazi du saria, 2009an ere jaiak iragarri zituen. 635 kartelen artean 10 hautatu ditu epaimahaiak eta 10.018 boto jaso dira irabazlea erabakitzeko.
Nagore Laffagen hilketaren harira, Diego Yllanesek ahaztua izateko eskubidea aldarrikatu du. Espainiako Auzitegi Nazionalak eskaerari uko egin, eta erabaki du informazio eta adierazpen askatasuna gailentzen zaizkiola.
Uztailaren 6tik 10era bitarte 11.261 dei erantzun dituzte SOS Nafarroaren 112 zenbakian. Besteak beste, entzierroaren osasun azpiegitura koordinatzen da zerbitzuaren egoitzatik.